Esita 7
7
Esita mbwaakaamba aa-Hamani
1Mwami a-Hamani nebakali kupobola antoomwe a-Esita namalelo, 2#Es 5:6mubuzuba bwabili bwacipobwe, mwami wakabuzya alimwi kuli-Esita nebakali kupegwa waini, wakati, Ukumbilanzi, Esita mwinaangu? Uyoopegwa, Ulombanzi? Kufumbwa nociba cisela cacisi cangu, uyoopegwa ncico. 3Elyo Esita namalelo wakavuwa, Kuti kokondwa mulindime omwami, alimwi kuti kazumina mwami, kondipa buumi bwangu nceeci ncinkumbila! Undipe bantu bangu-nkooku nkundomba! 4#1 Sam 22:23; Es 3:9Akaambo ime abantu twakauzigwa kuti tukanyonyoonwe, tukajayigwe, tukafwidilizigwe. Nitwakali kuuzigwa mubuzike buyo nengumwide, naba sinkondoma naa takakonzya kulunga kwakubisigwa kumwami. 5Elyo mwami Ahasuera wakati kuli-Esita namalelo, Ngwani? Uli kuli muntu uulisungwide kucita boobo. 6Esita wakati, Ngusikaamboma, ngusinkondoma, ngonguwe mubi Hamani oyu! Hamani wakakankama kunembo lyamwami abanaakwe, 7#Tus 14:19elyo mwami naakanyamuka kuwaini wakwe mubukali akuya mumuunda waŋanda, Hamani wakacaala kuti akombelezye buumi bwakwe kuli-Esita namalelo, nkaambo wakabona kuti mwami wakalisungwide kumunyonyoona.
8 #
Es 1:6; Job 9:24 Mwami naakapiluka kuzwa kumuunda waŋanda kuŋanda yakulida, ngooyo Hamani kaliwaalide acikalilo mpaakakede Esita! Mwami wakati, Ulamutizya banangu mumeso aangu sena? Majwi kaacizwa kumulomo wakwe basikulindilila bakamuvumba Hamani kubusyu. 9#Es 1:10; 5:14; Job 9:24; Is 22:17; Int 7:16; Tus 11:5,6; Es 2:21-23Umwi wabasiŋanda bamwami, uutegwa Habona, wakati, Kuŋanda ya-Hamani, nkocili caanzikilo, bulamfu bwaco madumpwa aali kumi, ncaakabambila Moodekai wakagwasya mwami. Mwami wakati, Amumwaanzikile alincico, 10#Es 9:25; Dan 6:24; Int 7:15; 9:15,16Aboobo bakamwaanzika Hamani acaanzikilo ncaakabambila Moodekai. Elyo lukalala lwamwami lwakatontola.
Currently Selected:
Esita 7: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.