Mukambausi 8
8
Miyeeyo imwi yabwami
1Ngwani uli mbuli musongo? Ngwani uuzi kupandulula makani? Busongo bwamuntu bulabalangazya busyu bwakwe, abuyumu bwabusyu bwakwe bulasanduka.
2 #
Rom 13:5
Swiilila majwi aamwami, nkaambo kacikonke ca-Leza. 3Utafwambaani kuzwa kubusyu bwakwe; utakakatili kumakani mabi, nkaambo kufumbwa ncayanda ulacicita. 4#Job 34:18Ijwi lyamwami lili anguzu; taakwe uukonzya kumubuzya kuti, Ino ucitanzi? 5Uubamba mulazyo wakwe takooyoojana bubi. Moyo wamusongo ulizi kuti ciindi calubeta cilasika. 6#Muk 3:1Nkaambo makani oonse alijisi ciindi cakubetekwa, nkaambo bubi bwabantu bwabalemena. 7#Tus 24:22; Muk 6:12Tabezi makani aaboola; taakwe uukonzya kubazibya. 8#Int 49:6; Job 14:5Taakwe muntu uujisi inguzu zyakutabilila muuya; taakwe uujisi inguzu mubuzuba bwalufu. Taakwe lulekelelo ciindi cankondo; abubi tabukonzyi kuvuna babujisi. 9#1 Sam 18:12Aya makani oonse ndaabona, nkaambo ndakabika moyo wangu kumakani conse aacitwa ansi ano, muntu naendelezya muntunyina kukumubisizya.
Miyeeyo aimwi yamamanino aabantu
10Lino ndakabona basizibi mbobakazikwa; bakasika kukabanda, pele basikucita bululami bakazwa kubusena busalalisya, bakalubwa mumunzi, Eci acalo ncabuyo. 11#Job 21:14,15; Int 10:6; Is 26:10; Rom 2:4,5; 2 Pet 3:4,10Milimo mibi tiifwambaani kubetekwa, aboobo myoyo yabantu ilakakatila kucita zibi. 12#Is 65:20; Rom 2:5; Tus 1:32; Is 3:10; Mt 25:34Nekuba kuti sizibi ulabisya ziindi zili mwa nda akoongola, ndizi kuti bayoowa Leza bayooba kabotu, nkaambo balamulemeka. 13Pele sizibi takooyooba kabotu, takooyoongola pe; mazuba aakwe ayooba mbuli eenzule, nkaambo tayoowi Leza.
14 #
Int 73:14; Muk 2:14 Cintu cabuyo nkocili ciboneka ansi. Nkobali baluleme basikilwa bulumbu bweelede milimo yabasizibi, alimwi nkobali basizibi basikilwa bulumbu bweelede milimo yabaluleme. Ndakati, Eci acalo ncabuyo. 15#Muk 3:12; Lev 26:5Nkaambo kako ndatembaula kukondwa. Taakwe cintu cibotu ansi ano kwiinda eci: muntu alye akunywa akusekelela, nkaambo eci cilakalilila kulinguwe mumilimo yakwe mazuba oonse aabuumi bwakwe ngaamupede Leza ansi ano.
16Lino nendakabika moyo wangu kukuziba busongo, akubonesya makani aacitika ansi ano mbwaabede, (nkaambo bamwi nkobali bataoni neliba isikati naaba masiku), 17#Job 5:9; Muk 3:11; Is 40:28; Rom 11:33; Int 73:16ndakabona milimo yoonse ya-Leza, nkabela ndakabona kuti muntu takonzyi kumvwisya milimo yoonse iicitwa ansi ano. Nekuba kuti muntu wabeleka loko mukulingula kwakwe, takonzyi kumvwisya; nekuba kuti musongo waamba kuti, Ndizi, takonzyi kumvwisya pe.
Currently Selected:
Mukambausi 8: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.