Mukambausi 10
10
Tumwi tusimpi twamisyobo misyobo
1Inzi zifwide zilanunsya mafuta aasimuunde; mbubonya obo bufubafuba buniini bulabisya busongo abulemu. 2#Mt 6:33; Kol 3:1Moyo wamusongo ula mutola kululyo, pele moyo wamufubafuba ulamutola kulumwensi. 3#Tus 13:16Mufubafuba, nekuba kuciindi cakweendeenda munzila, ulabula maanu, nkabela ulazibya bantu boonse kuti mufubafuba. 4#Muk 8:3; 1 Sam 25:24; Tus 25:15Nekuba kuti bukali bwasilutwe bwakubukila, utasii busena bwako, nkaambo kukazika moyo kulamanya milandu mipati,
5Nkucili cintu cibi ncimbwene ansi ano, bubi buzwa kumweendelezi: 6bufubafuba bulaimikwa mumasena manji malemu, anukuti bavubi balikede mumasena aasampukide. 7#Tus 19:10Ndibwene bazike batantide ambizi, abasilutwe beenda ansi mbuli bazike.
8 #
Int 7:15; Tus 26:27 Uusya idindi ulawida mulindilyo, ayooyo uudonkola bulambo, inzoka ilamuluma. 9Uusya mabwe, mabwe alamucisa, ayooyo uupandula inkuni ulayaswa nzizyo. 10Na kaleba kafumpya, alimwi muntu takanoni, uleelede kubika inguzu azimwi, pele busongo mbobugwasya muntu kuzunda, 11#Jer 8:17Na inzoka yaluma kale niitana koondolwa, sikoondola ulagwasya buti?
12Majwi aamulomo wamusongo ulamuletela buuya, pele milomo yamufubafuba ilamumenenena. 13Matalikilo aamajwi aamulomo wakwe mbufubafuba, amamanino aao mbubi bwabusondosi. 14#Jak 4:14Mufubafuba ngusibwantila, nekuba kuti bantu tabezi ziyooba, nkabela taakwe muntu uukonzya kuziba makani aaciboola. 15Milimo yabafubafuba ilabakataazya, nkabela tabezi niiba inzila yakuya kumunzi.
16 #
Is 3:4
Maawe kulinduwe, O nyika, mwami wako naacili mulombe, abasilutwe bako nibacili mukulya cifumofumo. 17#Tus 31:4Uli acoolwe, O nyika, mwami wako na ngumwana wacisi, abasilutwe bako nibalya kuciindi ceelede, nkokuti cakukuta, citali cakukolwa. 18Nkaambo kabutole, maseketi alabola, akaambo kabutete bwamaanza iŋanda inooloka. 19Cilyo cilacitwa kukusekelela, awaini ulabotya buumi, nkabeia mali ngaacita zyoonse, 20#Kul 22:28Utatukili mwami, nimuba mumiyeeyo yako; utatukili bavubi, nimuba muŋanda yako yakoona; nkaambo muyuni wakujulu ulatola majwi aako, asimababa ulaamba makani.
Currently Selected:
Mukambausi 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.