Amosi 3
3
1Amuswiilile ijwi eti ndyaamba Jehova aandinywe, nubana ba-Israyeli. Ndyamukowa woonse ngundakagwisya kuzwa kucisi ca-Egepita. Wati, 2#Ezk 9:6; Dan 9:12; Mt 11:22; Lk 12:47; Rom 2:9; 1 Pet 4:17Ndinywe mbenzi luzutu akati kamikowa yoonse yanyika. Nkaambo kako njoomuboozezya milandu yanu yoonse.
3Sa bantu bobile balakonzya kweenda antoomwe, na kabatazuminene? 4Sa mulavu ulavuluma musokwe, na katajisi zilyo? Sa Syaanza ulalila mubulyango bwakwe, na katana kujata cintu? 5Sa kayuni kalawida ansi mukakole, na katakwe sikukateya? Sa kakole kalafwisuka kuzwa ansi, na katakwe cintu ncikajisi? 6#Ezk 33:3Na mweembo ulalila mumunzi, sa bantu tabayoowi na? Na munzi wasikilwa bubi, sa teensi Jehova wabuleta na? 7#Matl 6:13; Tus 3:32; Dan 9:22-27; Joh 15:15; Ciy 1:1,19Ncobeni Mwami Jehova taciti cintu, atana kuyubunwida balanda bakwe basinsimi maseseke aakwe. 8#1 Kor 9:16Mulavu naalila, nguni uutayoowi? Mwami Jehova naamba, nguni uukonzya kutasinsima?
Kubetekwa kwa-Samariya
9Amwaambile maanda aabwami aaku-Asidodi amaanda aabwami aamucisi ca-Egepita kuti, Amuyoboloke atala azilundu zyamunzi wa-Samariya, kuti mubone lupyopyongano lupati luli mukati kawo, amapenzi aali mulinguwo, 10Nkaambo tabezi kucita ziluleme, mbwaamba Jehova, aba balundika bupondo akubba mumaanda aabo. 11#2 Bam 17:6Nkaambo kako mbuboobu mbwaamba Mwami Jehova. Sinkondonyoko nkwali, ulizyungulukide nyika. Ulakumanina inguzu zyako, amaanda aako aabwami ayoosaalwa. 12Mbuboobu mbwaamba Jehova. Mbuli mweembeli mbavuna kumulomo wamulavu myeendo yobile nanka cipanzi cakutwi, mbubonya obo mbubayoovunwa bana ba-Israyeli bakede mu-Samariya acooko camunseme amuDamasko abulo. 13Amuswiilile akulungulwida mukowa wa-Jakobo, mbwaamba Mwami Jehova Leza wamakamu makamu. 14#2 Bam 23:15Nkaambo mubuzuba obo mbonti boozezye Israyeli milandu yakwe, njoouma azyalo zipaizyo zya-Beteli, azyooko zyacipaizyo ziyookosolwa akuwida ansi. 15Alimwi njoomwaya iŋanda yampeyo, aŋanda yamainza yoonse, amaanda aaminyanga ayoonyonyauka, amaanda mapati ayoomana, mbwaamba Jehova.
Currently Selected:
Amosi 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.