Amosi 2
2
Milandu ya-Moabu
1 #
Is 15:1–16:14; 25:10-12; Jer 48:1-47; Ezk 25:8-11 Mbuboobu mbwaamba Jehova, Nkaambo kamilandu yotatwe yaMoabu, ee ncobeni yone, nsikooyoobapilusizya luumo. Nkaambo zifuwa zyamwami wa-Edomu wakazitenta, zyaba mulambo. 2#Jer 48:41Pele njootuma mulilo ku-Moabu, ulye maanda aabwami aaku-Kerioti, nkabela Moabu uyoofwa alupyopyongano aloongololo ajwi lyamweembo. 3#My 24:17; Jer 48:7Alimwi njoomanya babetesi akati kabo, abalo basinkuta babo njoobajaya, mbwaamba Jehova.
Milandu yaba-Juda
4 #
Lev 26:14; 2 Sam 12:9,10; 2 Mak 36:14-17; Neh 1:7; Is 5:24; 28:15; Ezk 20:13,16; Dan 9:11; Jer 16:19 Mbuboobu mbwaamba Jehova. Nkaambo kamilandu yotatwe yabaJuda, ee ncobeni yone, nsikooyoobapilusizya luumo. Nkaambo basampaula mulao wa-Jehova, ambeta zyakwe tabana kuzibamba pe. Atwalo tunsiyansiya twabo twakubeja, ntubakali kutobela bamawisaabo, ntontuto twabaleesya. 5#Hos 8:14Pele njootuma mulilo mucisi ca-Juda, ulye maanda aabwami aamu-Jerusalemu.
Milandu yaba-Israyeli
6 #
Is 29:21; Am 5:11,12 Mbuboobu mbwaamba Jehova. Nkaambo kamilandu yotatwe yaIsrayeli, ee ncobeni yone, nsikooyoobapilusizya luumo. Nkaambo bacete babauzya mali aansiliva, abalo batengwana babauzya insangu. 7#Is 10:2; Ezk 22:11; Lev 20:3; Ezk 36:20; Rom 2:24Balalyata mutwe wamucete kulusuko lwanyika, ayalo inzila yabaubaansidwe balaileesya, alimwi mwaalumi awisi balanjila mubuvuule amusimbi omwe, aboobo balasampaula izina lyangu lisalala. 8#Kul 22:26; 1 Kor 10:21Nkabela baloona angubo zisyomezedwe kumbali azipaililo zyoonse, amwalo muŋanda ya-Leza wabo balanywa waini wabapenzedwe.
9 #
My 21:24; Dt 3:8-11 Pele mebo ndakabanyonyweeda ba-Amori kuzwa kubusyu bwabo. Bulamfu bwabaabo bwakali mbuli bulamfu bwamukamba, alimwi wakali singuzu mbuli mubanga, nekubaboobo ndakanyonyoona micelo yabo yakujulu amiyanda yabo yakunsi. 10Alimwi ndime ndakamugwisya kuzwa kucisi ca-Egepita, akumweenzya myaka iili makumi one munkanda kuyoovuba nyika yaba-Amori. 11#Bab 13:5; My 6:1-8Nkabela ndakabusya bamwi akati kabana banu kuti babe basinsimi, abamwi babakubusi banu ndakababusya kuba baNaziri. Sa takuli boobo, nubana ba-Israyeli na? mbwaamba Jehova. 12#Is 30:10; Inc 4:18Pele ba-Naziri mwakabanywisya waini, abalo basinsimi mwakabalailila kuti, Mutasinsimi pe, 13Ncobeni ndimanikizidwe munsi andinywe mbuli mbiimanikizidwe iŋola iizwide zifunte zyamaila. 14Lino siluno ulamaninwa lucijo, alakwe singuzu takooyoosikilwa buyumu, alakwe mwaalumi sintaze takooyoolivuna. 15Ayooyo uuzi kufusa buta takooyooima nji, amuuba maulu takooyoovunwa, alakwe sikutanta imbizi takooyoolivuna. 16Nkabela mukozumoyo akati kabaalumi basintaze uyoocija acintanda mubuzuba obo, mbwaamba Jehova.
Currently Selected:
Amosi 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.