2 Makani 33
33
Bwami bubi bwa-Manase
1 #
2 Bam 21:1
Manase kajisi myaka iili ikumi aibili naakaba mwami, nkabela wakeendelezya mu-Jerusalemu myaka iili makumi osanwe amusanu. 2#Lev 18:24-30; Dt 18:9; 2 Bam 17:11,15; 2 Mak 28:3Waka cita bubi mumeso aa-Jehova mbubonya mbuli zisesemyo zyabamasi Jehova mbaakatanda kubusyu bwabana ba-Israyeli. 3#2 Bam 18:4; 2 Mak 30:14; 31:1; Dt 16:21; 4:19; 17:3; 2 Bam 23:5-11; Jer 8:2; Zef 1:5Ngonguwe wakayakulula zikombelo zyakuzilundu Hezekiya wisi nzyaakamwayide, alimwi wakabusya zipaililo zyababaala akucita zisamu zya-Aseroti, akukomba makamu makamu aakujulu akwaamanina milimo. 4#Dt 12:11; 1 Bam 8:29Wakayaka zipaililo muŋanda ya-Jehova njaakaamba Jehova kuti, Mu-Jerusalemu moliyooba izina lyangu lyoonse. 5#2 Mak 4:9Wakayakila makamu oonse aakujulu zipaililo mumabanza obile aaŋanda ya-Jehova. 6#Lev 18:21; Dt 18:10; 2 Mak 28:3; Ezk 23:37; 2 Bam 21:6Wakainzya bana bakwe mumulilo mukuti lyamwana waHinomu. Wakali kusonda akulowa, alimwi wakali kubelesya balozi abasondi. Wakacita bubi bunji mumeso aa-Jehova akumukalazya. 7#2 Bam 21:7; Int 132:14Nkabela wakabika cikozyano cibezedwe ncaakapanga muŋanda ya-Leza, njenjiyo iŋanda Leza njaakaambila Davida a-Solomoni mwana wakwe kuti, Muŋanda eyi amuJerusalemu ngundisalide akati kamisyobo yoonse ya-Israyeli njoobika izina lyangu lyoonse. 8#2 Sam 7:10Nsikooyoogwisya limbi maulu aaba-Israyeli munyika njindakabambila bamauso, na bapangika myoyo yabo kukucita zyoonse nzindabalailila, mbuli mulao woonse amilazyo yoonse ambeta zyoonse nzindakabapa kumulomo wa-Musa. 9Pele Manase wakaleesya ba-Juda abantu baku-Jerusalemu, mane lumwi bakacita bubi kwiinda bamasi Jehova mbaakatandide kubusyu bwaba-Israyeli,
10 #
Neh 9:29; Jer 25:4 Nkabela Jehova wakaambila Manase abantu bakwe, pele teebakaswiilila pe. 11#Dt 28:36; Job 36:8; Int 107:10,11Nkaambo kako Jehova wakababusizya bapati basilumamba bamwami wa-Asuri, nkabela bakajata Manase amamvwa, bamwaanzya insimbi, bamutola ku-Babuloni. 12#Dt 4:30,31; Int 118:5; 120:1; Jer 31:18-20; Hos 5:15; Joh 2:2; Mik 6:9; Lk 15:16-18; Kul 10:3; 2 Mak 32:26; Lk 18:4; 1 Pet 5:6Lino naakali mumapenzi, wakabika moyo wakwe kuli-Jehova Leza wakwe, walibombya loko kubusyu bwa-Leza wabamawisi. 13#1 Mak 5:20; Ezr 8:23; Int 142:1-7; Malo 3:55,56; Int 9:16; Dan 4:25Elyo naakakomba, Leza wakakombelezegwa nguwe, waswiilila cikombyo cakwe, wamupilusya ku-Jerusalemu kubwami bwakwe. Mpawo Manase wakaziba kuti Jehova ngu-Leza.
14 #
1 Bam 1:33; 2 Mak 27:3 Lino kusule lyayaaya wakayaka bulambo kunze lyamunzi wa-Davida, kubbazu lyakumbo lya-Gihoni, mukuti, kusikila kumulyango wanswi akuzyunguluka Ofeli. Wakabulampya loko, alimwi wakabika basilutwe bampi muminzi yoonse iili amabaya mucisi ca-Juda. 15Nkabela wakagwisya baleza beenzu azikozyano zyamituni muŋanda ya-Jehova, azipaililo zyoonse nzyaakayakide mucilundu caŋanda ya-Jehova amu-Jerusalemu, wazisowa anze lyamunzi. 16#Lev 7:12Elyo wakayaka cipaililo ca-Jehova, watuula alincico zituuzyo zyakutontozya azilumbyo, nkabela wakaambila ba-Juda kuti beelede kukomba Jehova Leza wa-Israyeli. 17#1 Bam 22:43; 2 Bam 15:4; 2 Mak 15:17; 32:12Lino bantu bakacili kupaila kuzipaililo zyakuzilundu, pele kabakomba Jehova Leza wabo luzutu.
18Lino makani amwi aa-Manase, acikombyo ncaakakombela Leza wakwe, amajwi aabalunguluzi ibakamwaambila muzina lya-Jehova Leza wa-Israyeli, alilembedwe mubbuku lyabami ba-Israyeli. 19Acalo cikombyo cakwe, amakani aa-Leza mbwaakakombelezegwa nguwe, azibi zyakwe, amilandu yakwe, amasena nkwaakayaka zipaililo zyakuzilundu, ankwaakaimika zisamu zya-Asera azikozyano zyamituni naatakalina kulibombya, zyoonse zililembedwe mumajwi aabalunguluzi. 20Elyo Manase naakafwa, bakamuzika muŋanda yakwe, nkabela mwanaakwe Amoni nguwakalya izina lyakwe.
Bwami bwa-Amoni
21Amoni kajisi myaka iili makumi obile aibili naakaba mwami, nkabela wakeendelezya mu-Jerusalemu myaka yobile. 22Wakacita bubi mumeso aa-Jehova mbubonya mbwaakacita wisi Manase. Zikozyano zyoonse nzyaakacita Manase wisi, Amoni wakazikomba akuzimanina milimo. 23#2 Tim 3:13Takwakalibombya kubusyu bwa-Jehova mbwaakalibombya Manase wisi. Amoni nguwakabisya cakwiinda. 24#2 Bam 21:23,24; 2 Mak 24:25,26; 25:27,28; Int 55:23Elyo bazike bakwe bakamuvwiya, bamujaya muŋanda yakwe. 25Nkabela bantu bacisi bakajaya boonse ibakavwiya mwami Amoni, bakaaba bwami bwakwe mumaanza aa-Josiya mwanaakwe.
Currently Selected:
2 Makani 33: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.