2 Makani 32
32
Leza mbwaakatanda Sanakeribu
1 #
2 Bam 18:13; Is 36:1 Lino kusule lyayaaya, kwakasika Sanakeribu mwami wa-Asuri. Wakasika kucisi ca-Juda kuzoolwisya minzi iili alubaya. Wakali kuyeeya kwiivuba. 2Lino Hezekiya naakabona kuti Sanakeribu wasika, alimwi moyo wakwe ulakanza kulwisya Jerusalemu, 3wakabuzyanya makani abapati bakwe abasilumamba bakwe kuti basinke maanzi aakasensa ikakali anze lyamunzi, nkabela bakamugwasya. 4Kwakayoboloka bantu banji, elyo bakasinka tusensa toonse akalonga ikakali kukunka akati kacisi. Bakati, Sa ncibotu kuti bami ba-Asuri basika bajane maanzi manji? 5#Is 22:9,10; 2 Mak 25:23; 2 Sam 5:9; 1 Bam 9:24Alimwi wakaliyumya, wayakulula bulambo boonse ibwakamwaika, wabusisya kumaanda malamfu, wayaka bulambo abumwi anze, wamamika Milo munzi wa-Davida, akupanga masumo antobo zinji loko. 6#2 Mak 30:22; Is 40:2Nkabela wakabikila bantu basilutwe bankondo, elyo wakababunganya nkwakabede kumugwagwa wamulyango wamunzi akubaambila majwi mabotu aakuti, 7#Dt 31:6; Jos 1:6,7; 1 Mak 28:10,20; 2 Mak 20:15; 2 Bam 6:16; Int 55:18Amuliyumye akuba basinguzu. Mutayoowi nikuba kukankama kubusyu bwamwami waAsuri abantu banji mbali abo, nkaambo mbotuli abo mbanji kwiinda mbajisi walo. 8#Jer 17:5; 1 Joh 4:4; My 14:9; Dt 20:1,4; 31:6,8; 2 Mak 13:12; Int 18:2; 46:7,11; Tus 18:10; Is 41:10-14; Am 5:14; Rom 8:31Walo ulijisi kuboko kwanyama buyo, anukuti iswe, Jehova Leza wesu nguutugwasya akulwa munkondo zyesu. Nkabela bantu bakasyoma majwi aa-Hezekiya mwami wa-Juda.
9 #
2 Bam 18:17
Lino kusule lyayaaya Sanakeribu mwami wa-Asuri wakatuma bazike bakwe ku-Jerusalemu, naakali kulwisya Lakisi abasilumamba boonse mbaakali abo. Wakatumina Hezekiya mwami wa-Juda aba-Juda boonse bakuJerusalemu, wati, 10Mbuboobu mbwaamba Sanakeribu mwami wa-Asuri. Ncinzi ncimusyoma? Mucikalilanzi mu-Jerusalemu nimwasinkinizigwa? 11Sa Hezekiya tana kumukombelezya kulyaaba kufwa inzala akufwa nyota, mbwaamba kuti, Jehova Leza wesu uyootuvuna mumaanza aamwami waAsuri? 12Sa Jehova teensi nguwe Hezekiya iwakagwisya zikombelo zyakwe zyakuzilundu azipaililo zyakwe? Sa tana kwaambila Juda a-Jerusalemu kuti, Muleelede kukotama kucipaililo comwe luzutu akutenta tununkilizyo alincico? 13#2 Bam 18:33-35; Int 115:4-8Sa tamuzi ncindacita, mebo abatata, kubantu boonse bamasi? Sa mizimu yabantu bamasi yakakonzya kuvuna zisi zyayo na buniini mumaanza aangu? 14Nguli akati kamizimu yazisi ezi zyoonse bamatata nzibakanyonyoona iwakakonzya kuvuna bantu bakwe mumaanza aangu? Lino Leza wanu uyoomuvuna buti mumaanza aangu? 15#Kul 5:2; Dan 3:15; Joh 19:10,11Hezekiya atamweeni nikuba kumukombelezya muciyanza eci. Mutamusyomi pe, nkaambo taakwe Leza naba omwe akati kamisyobo yoonse azisi zyoonse iwakakonzya kuvuna bantu bakwe kumaanza aangu akumaanza aabamatata. Alakwe Leza wanu takooyoovuna ndinywe mumaanza aangu.
16Amajwi amwi aali boobo bazike bakwe bakaamba cakusampaula Jehova Leza a-Hezekiya mulanda wakwe. 17#2 Bam 19:9Alimwi wakalemba magwalo aakusampaula Jehova Leza wa-Israyeli akumuseka. Wakati, Mbubonya mizimu yabamasi mbuyakakacilwa kuvuna bantu bayo mumaanza aangu, alakwe Leza wa-Hezekiya takooyoovuna bantu bakwe mumaanza aangu. 18#2 Bam 18:28Nkabela bakakwiila ajwi ipati mumwaambo waba-Juda akwaambila bantu baJerusalemu ibakakede abulambo, kuti babayoosye akubapilinganya, kuti bazunde munzi. 19#Is 10:10; Dt 4:28; 2 Bam 19:18; Int 115:4; 135:15-18; Jer 1:16; 10:3; Hos 8:5,6Bakaamba aa-Leza wa-Jerusalemu mbubonya mbubakaamba aabaleza babamasi ibakacitwa kumaanza aabantu.
20Nkaambo kako mwami Hezekiya amusinsimi Isaya mwana wa-Amozi bakakomba akukwiilila Leza wakujulu. 21Mpawo Jehova wakatuma angelo, wajaya boonse basilumamba abasilutwe abapati mumalabba aamwami wa-Asuri, aboobo wakapiluka ansoni kucisi cakwe, Nkabela naakanjila muŋanda yamuzimu wakwe, bana bakwe bazwa mumala aakwe mwini bakamujazya ipanga nkukonya oko. 22#Int 18:48-50; Is 31:5Mbuboobo Jehova mbwaakavuna Hezekiya abantu boonse ibakakede mu-Jerusalemu kumaanza aa-Sanakeribu mwami wa-Asuri akumaanza aabasinkondonyina boonse, Wakabeenzya koonse koonse. 23#2 Mak 17:5; 1 Mak 29:25; 2 Mak 1:1Nkabela bantu banji bakaleta zipo kuli-Jehova kujerusalemu azintu ziyandisi kuli-Hezekiya mwami wa-Juda. Elyo kuzwa kuciindi eco wakasumpulwa mumeso aabamasi boonse.
Amwi makani aa-Hezekiya
24 #
Is 38:1
Lino mumazuba ayo Hezekiya wakaciswa loko, wakati fwe, elyo naakakomba Jehova, wakamwaambila akumupa citondezyo. 25#Dt 32:6; Int 116:12; Hos 14:2; Lk 17:17; Dt 8:12-17; 2 Bam 14:10; 2 Mak 25:19; Hab 2:4; 1 Tim 3:6; 1 Pet 5:5,6; 2 Mak 24:18Pele Hezekiya wakabisya, nkaambo takwakalumbisya milimo iigambya njaakacitilwa, nkaambo moyo wakwe wakasumpulwa, Nkaambo kako bukali bwakasika kulinguwe akucisi ca-Juda aku-Jerusalemu, 26#Jer 26:18; 2 Bam 20:19Nekubaboobo Hezekiya wakalibombya kukulisumpula kwakwe, walo abantu ibakakede mu-Jerusalemu, aboobo bukali bwa-Jehova teebwakabasikila Hezekiya naakacili kupona.
27Nkabela Hezekiya kajisi buvubi abulemu bunji loko, Lino wakalicitila ziyobwedo zyansiliva azyangolida azyamabwe mayandisi azyamisamu azyantobo azyazibelesyo zyakubotezya zyoonse, 28amatala aakubika micelo amaila awaini amafuta, amaanda aaŋombe zyoonse, azimpati zyambelele. 29#2 Mak 29:12Alimwi wakaliyakila minzi akuvuba imbelele aŋombe zinji loko, nkaambo Leza wakamupa imbono zinji loko. 30#Is 22:9Oyu Hezekiya nguwenya nguwakasinka mapolelo aamaanzi aakujulu aaku-Gihoni akwaalulamya kubbazu lyakumbo lyamunzi wa-Davida, Hezekiya wakajana coolwe muncito zyakwe zyoonse. 31#Is 39:1; Matl 22:1; Dt 8:2; Joh 1:12Pele mumakani aabatumwa babapati ba-Babuloni ibakamutumina kuti babuzye makani aacintu cigambya icakacitwa munyika yakwe, mumakani aya Leza wakamuleka, kuti amusunke, azibe miyeeyo yamumoyo wakwe,
32 #
Is 36:1; 2 Bam 18:1 Lino makani amwi aa-Hezekiya, aluzyalo lwakwe, alilembedwe mubbuku lyazilengano zya-Isaya musinsimi mwana wa-Amozi amubbuku lyabami ba-Juda aba-Israyeli. 33#1 Sam 2:30; Tus 10:7Lino Hezekiya naakafwa, bakamuzika mutubanda tubotu twabana ba-Davida, Ba-Juda boonse abantu baku-Jerusalemu bakamulemeka kulufu lwakwe, Elyo mwanaakwe Manase nguwakalya izina lyakwe.
Currently Selected:
2 Makani 32: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.