2 Makani 30
30
Hezekiya mbwaakaita bantu kukulya Pasika
1Lino Hezekiya wakatumina ba-Israyeli aba-Juda boonse, alimwi wakalemba magwalo kuba-Efraimu aba-Manase, kuti basike kuŋanda ya-Jehova mu-Jerusalemu kukulya Pasika, ipobwe lya-Jehova Leza waIsrayeli. 2#My 9:10Mwami wakabuzyanya makani abapati bakwe ambungano yoonse yabantu mu-Jerusalemu, kuti balye ipobwe mumwezi wabili, 3#Kul 12:6; 2 Mak 29:34nkaambo bakakacilwa kulya kuciindi eco, nkaambo bapaizi teebakamanide kulisalazya, alimwi bantu kabatana kubungana ku-Jerusalemu. 4Nkabela makani akalulama mumeso aamwami amumeso aambungano yoonse yabantu, 5aboobo bakakosola makani akumwaisya ijwi mucisi coonse ca-Israyeli kuzwa ku-Beeriseba akusikila ku-Dani, kuti basike kukulya Pasika waJehova Leza wa-Israyeli mu-Jerusalemu, nkaambo ciindi cilamfu kabatacitide mbukulembedwe. 6#1 Sam 7:3,4; Is 55:6,7; Hos 6:1; 14:1; Joel 2:13; Mal 3:7; 2 Bam 15:19,29Elyo basimposo nibakatambula magwalo kuzwa kumaanza aamwami abapati bakwe, bakaatola mucisi coonse ca-Israyeli aca-Juda mbubonya mbuli mwami mbwaakalailila. Wakati, Nubana baIsrayeli, amuboole kuli-Jehova Leza wa-Abrahamu awa-Izaka awa-Israyeli, lino ulaboola alakwe kulibaabo basyaala baloboka kuzwa kumaanza aabami ba-Asuri. 7#Ezk 20:18; 2 Mak 29:8Mutabi mbuli bamauso abakwabo ibakapapila Jehova Leza wabamauso. Nciceeco ncaakababikila kuti babe cigambyo mbubonya mbumubona. 8#Dt 10:16; 2 Mak 29:10Mutayumyi myoyo yanu mbubakacita bamauso. Amulyaabe mumaanza aa-Jehova, musike kucikombelo cakwe ncaakasalazya kuti cibe cakwe lyoonse, Amumanine Jehova Leza wanu milimo, kuti bukali bwakwe bumuleke. 9#Lev 26:40; Kul 34:6; Int 86:5,15; Mik 7:18; Is 55:7Nkaambo na mwaboola kuli-Jehova, bakwanu abana banu balafwidwa luzyalo kulibaabo babatola mubuzike, kuti baboole alimwi mucisi ecino, nkaambo Jehova Leza wanu ngusiluse, ngusibuuya, takonzyi kumufutatila abusyu bwakwe na mwaboola kulinguwe.
10 #
2 Mak 36:16; Neh 2:19; Jer 5:12; Mt 21:35; Lk 8:53; Inc 17:32; Heb 11:36 Elyo basimposo bakali kuya bwiita muminzi yoonse mucisi ca-Efraimu aca-Manase akusikila ku-Zebuloni. Nkabela bakali kubaseka akubawelela. 11#2 Mak 11:16Nekubaboobo banjibanji ba-Aseri aba-Manase aba-Zebuloni bakalibombya akuboola ku-Jerusalemu. 12#2 Mak 29:25,36; Ezr 7:27; Int 110:3; 2 Kor 3:5; Flp 2:13; Heb 13:21Amwalo mucisi ca-Juda, ijanza lyaLeza lyakabapa moyo womwe kuti bacite mbubonya mbuli mwami abapati bakwe mbubakabalailila mumajwi aa-Jehova,
13Kwakabungana bantu banji ku-Jerusalemu kukulya ipobwe lyazinkwa zitakwe bumena mumwezi wabili. Kakuli imbungano impati loko. 14#2 Mak 28:24; Is 2:17-21Mpawo bakanyamuka, bakaakugwisya zipaililo izyakali mu-Jerusalemu. Azyalo zipaililo zyakutentela tununkilizyo zyoonse bakazigwisya, bakazisowa kukalonga ka-Kedroni. 15#2 Mak 29:34Nkabela bakajaya banyama ba-Pasika mubuzuba bwakumi aane bwamwezi wabili. Elyo bapaizi aba-Levi bakafwa insoni, balisalazya, banjizya zipaizyo muŋanda ya-Jehova. 16Nkabela bakaima amasena aabo muciyanza ceelede mbubonya mbukulaililwa mumulao waMusa muntu wa-Leza, Bapaizi bakasansaila bulowa mbubakatambula kumaanza aaba-Levi. 17#2 Mak 29:34Nkaambo kakuli bantu banji akati kambungano ibatakalina kulisalazya. Ba-Levi mbobakali kujaya banyama ba-Pasika kuti boonse ibatakalina kusalala balisalazizye Jehova. 18#Kul 12:43Nkaambo bantu banji, bantu banji ba-Efraimu aba-Manase aba-Isakara aba-Zebuloni, kabatana kusalazigwa, aboobo teebakalya Pasika muciyanza ceelede mbucilembedwe, pele Hezekiya wakabakombela, wati, Jehova mubotu abalekelele boonse, 19#1 Sam 7:3; 1 Mak 29:18; 2 Mak 19:3; 20:33; Ezr 7:10; Job 11:13nkukuti umwi aumwi uubika moyo wakwe kukuyandaula Leza, Jehova Leza wabamauso, nekuba kuti tana kulisalazya muciyanza ceelede cacikombelo. 20#Kul 15:26; Int 103:3; Jak 5:16Nkabela Jehova wakaswiilila Hezekiya akuponya bantu.
21 #
Kul 12:15; 13:6; Lev 23:6; Lk 22:1-7; 1 Kor 5:7,8 Lino bana ba-Israyeli ibakajanwa mu-Jerusalemu bakaiya ipobwe lyazinkwa zitakwe bumena mazuba aali musanu aabili, Bakali akukondwa kupati. Ba-Levi abapaizi bakali kutembaula Jehova buzuba bumwi abumwi azibelesyo zyakwiimbila Jehova. 22#Is 40:2; Dt 33:10; 2 Mak 17:9; 35:3; 2 Tim 4:2; Ezr 10:11Elyo Hezekiya wakakombelezya boonse ba-Levi ibakali kwiisya makani mabotu aa-Jehova, nkabela bakali kulla ipobwe mazuba aali musanu aabili akutuula zipaizyo zyakutontozya akulyaamba zibi zyabo kubusyu bwa-Jehova Leza wabamawisi. 23#1 Bam 8:65Lino bantu boonse bambungano bakabuzyanya makani, bakosola kucita mazuba aamwi aali musanu aabili. Nkabela bakalya mazuba aali musanu aabili aamwi cakukondwa. 24#2 Mak 35:7,8; 29:34Nkaambo Hezekiya mwami wa-Juda wakapa imbungano basune bali cuulu ambelele zili zyuulu zili musanu azibili, abalo bapati bakapa imbungano basune bali cuulu ambelele zili zyuulu zili ikumi. Nkabela bapaizi banji loko bakalisalazya. 25#2 Mak 30:11,18Lino imbungano yoonse yaJuda yakasekelela, abapaizi, aba-Levi, abantu boonse ibakazwa mucisi ca-Israyeli, abeenzu ibakazwa mucisi ca-Israyeli, abaabo ibakakede mubuJuda. 26Kwakaba kukondwa kupati mu-Jerusalemu. Kuzwa kumazuba aa-Solomoni mwana wa-Davida mwami wa-Israyeli kakutakwe kukondwa kuliboobo mu-Jerusalemu.
27 #
My 6:23; Int 68:5; Is 57:15; 66:1 Mpawo bapaizi aba-Levi bakanyampuka, balongezya bantu, nkabela ijwi lyabo lyakamvwigwa, acalo cikombyo cabo cakasika akucikalilo cakwe cisalala cakujulu.
Currently Selected:
2 Makani 30: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.