2 Makani 29
29
Hezekiya mbwaakaba mwami
1 #
2 Bam 18:1; 1 Mak 3:13; Is 1:1; Hos 1:1; Mik 1:1; 2 Mak 26:5 Hezekiya kajisi myaka iili makumi obile amusanu naakaba mwami, nkabela wakeendelezya mu-Jerusalemu myaka iili makumi obile amusanu aine. Izina lyabanyina bakali Abija mwana musimbi wa-Zekariya. 2Nkabela wakacita ziluleme mumeso aa-Jehova mbubonya mbwaakacita Davida wisi.
Hezekiya mbwaakasalazya intempele
3 #
Tus 8:17; 2 Mak 28:24 Mumwaka mutaanzi wabwami bwakwe, mumwezi mutaanzi, wakajalula milyango yaŋanda ya-Jehova akwiimamika. 4Elyo wakaleta bapaizi abaLevi, wababunganya mumugwagwa wakujwe, 5#1 Mak 15:12; 2 Mak 35:6; Ezk 36:25; Mt 21:12,13; 1 Kor 3:16,17; 2 Kor 6:16; Ef 5:26,27wabaambila kuti, Amundiswiilile nuba-Levi, Amulisalazye, akusalazya iŋanda ya-Jehova Leza wabauso banu. Amugwisye zintu zisofweede mubusena busalala. 6#Jer 2:27; Ezk 8:16Nkaambo batateesu bakapapa, bacita bubi mumeso aa-Jehova Leza wesu, bamuleka, bafutatila cikalilo ca-Jehova, balanga kumbi. 7#2 Bam 16:17,18; 2 Mak 28:24Bakajala milyango yacikombelo, bazimya malampi, baleka kutentela Leza wa-Israyeli tununkilizyo akumutuulila zipaizyo mubusena busalalisya. 8#Dt 28:15-25; 2 Mak 24:18; 1 Bam 9:8; Jer 18:16; 19:8; 29:18Nciceceo bukali bwaJehova ncibwakabukila ba-Juda a-Jerusalemu. Wababika kuti babe cisesemyo acintu cigambya acintu cisampaulwa, mbubonya mbumubona ameso aanu nubeni. 9#Lev 26:17; 2 Mak 28:5-17Amubone! Bamatateesu bajayigwa apanga, abalo bana besu balombe abana besu basimbi abanakazi besu batolwa mubuzike nkaambo kamakani aya. 10#2 Mak 15:12; 23:16; Ezr 10:3; Neh 9:38Lino moyo wangu ulayanda kutanga cizuminano a-Jehova Leza wa-Israyeli, kuti bukali bwakwe buyumu butuleke. 11#1 Kor 6:9; My 3:6; 8:14Nubana bangu, mutaubyi makani, nkaambo Jehova wakasala ndinywe kuti mwiime kubusyu bwakwe kukumumanina milimo, mube basimilimo bakwe akumutentela tununkilizyo.
12Mpawo ba-Levi bakanyampuka: Makati mwana wa-Amasai a-Joeli mwana wa-Azariya akati kabana ba-Kohati, a-Kisi mwana wa-Abidi aAzariya mwana wa-Jehaleleli bana ba-Merari, a-Jowa mwana wa-Zima a-Edeni mwana wa-Jowa akati kaba-Gerisoni; 13abamwi bana ba-Elizafana, Simri a-Jeueli; abana ba-Asafu, Zekariya a-Mataniya, 14abana ba-Hemani, Jehieli a-Simei; abana ba-Jedutuni, Semaya a-Uziyeli. 15#2 Mak 30:12; 1 Mak 23:28Bakabunganya babunyina, balisalazya, banjila mbubonya mwami mbwaakalailila mumajwi aa-Jehova kuti basalazye iŋanda ya-Jehova. 16#1 Bam 6:23Bapaizi bakanjila muŋanda yamukati yantempele ya-Jehova, kuti baisalazye. Bakagwisya zintu zisofweede zyoonse nzibakajana muntempele ya-Jehova amulubanza lwaŋanda ya-Jehova, elyo ba-Levi bakazitambula akuzitola anze kukalonga ka-Kedroni. 17#1 Bam 6:3Bakatalika milimo yakusalazya mubuzuba butaanzi bwamwezi mutaanzi, elyo mubuzuba bwamusanu aatatu bakasika kucikombelo ca-Jehova, nkabela bakali mukusalazya iŋanda ya-Jehova mazuba aali musanu aatatu, lumwi mubuzuba bwakumi amusanu abumwi bwamwezi mutaanzi bakamana.
18Lino bakanjila muŋanda mwaakabede mwami Hezekiya, bakati, Twamana kusalazya iŋanda yoonse ya-Jehova, acipaililo cazituuzyo azibelesyo zyaco zyoonse, antafule yamikamu yamabonwabonwa azibelesyo zyayo zyoonse. 19#2 Mak 28:24Azyalo zibelesyo zyoonse mwami Ahazi nzyaakasampaula mubwami bwakwe mukupapila kwakwe, twazibamba, twazisalazya, lino nkuzili kunembo lyacipaililo ca-Jehova. 20Elyo mwami Hezekiya wakafuma, wabunganya bapati boonse bamunzi, waya kuŋanda ya-Jehova. 21#Lev 4:3,14Nkabela bakaleta basune bali musanu ababili abagutu bali musanu ababili atwana twambelele tuli musanu atubili ampongo zili musanu azibili kuti zibe cituuzyo cakutontozya cabwami acacikombelo acacisi ca-Juda. Wakalailila bapaizi bana ba-Aroni kuti bazituule acipaililo ca-Jehova. 22#Lev 8:14-24; Heb 9:21Elyo bakajaya basune nkabela bapaizi bakatambula bulowa bwabo, babusansaila acipaililo, alimwi bakajaya bagutu akusansaila bulowa bwabo acipaililo, lumwi bakajaya twana twambelele akusansaila bulowa bwato acipaililo. 23#Lev 4:15,24Mpawo bakasisya impongo zyacituuzyo cakutontozya kumeso aamwami akumeso aabantu babungene, babika maanza aabo alimbabo. 24#Lev 14:20; Kol 1:20Bapaizi bakabajaya, basalazizya cipaililo bulowa bwabo, kuti bamanye milandu yacisi coonse caba-Israyeli, nkaambo mwami wakaamba kuti cipaizyo acituuzyo cakutontozya cileelede kuba caba-Israyeli boonse.
25 #
1 Mak 16:4; 25:6; 23:5; 25:1; 2 Mak 8:14; 30:12; 2 Sam 24:11 Mpawo ba-Levi bakaima muŋanda ya-Jehova, bakali amyeembo atuntimbwa anyeele mbubonya mbubakalailila Davida a-Gadi sicilengano wamwami a-Natani musinsimi, nkaambo oyu mulao wakazwa kuli-Jehova kumilomo yabasinsimi bakwe. 26#My 10:10; 1 Mak 23:5; 2 Mak 12:13; Am 6:5; My 10:8,10; 1 Mak 15:24; 16:6Ba-Levi bakaima azibelesyo zya-Davida, abalo bapaizi bakalijisi myeembo. 27#2 Mak 20:21; 23:18Elyo Hezekiya wakalailila kuti batuule cipaizyo acipaililo, nkabela kuciindi eco nciconya nibakatalika kutuula, bakatalika kwiimbila Jehova amyeembo azibelesyo izyakazwa kumaanza aa-Davida mwami wa-Israyeli. 28Nkabela imbungano yoonse yabantu, boonse bakakotama, abasikwiimba bakaimba, abasimyeembo bakalizya myeembo, mane lumwi milimo yakupaizya yakamana. 29#2 Mak 20:18; Rom 14:11; Flp 2:10,11Lino nibakamana kupaizya, mwami abantu boonse mbaakali abo bakakotama akukomba, 30#Int 32:11; 100:1; Flp 4:4Nkabela mwami Hezekiya abapati bakaambila ba-Levi kuti batembaule Jehova cakubelesya majwi aa-Davida amajwi aa-Asafu sicilengano. Nkabela bakatembaula cakukondwa, elyo bakakotama akukomba.
31 #
2 Mak 13:9; Lev 7:12 Mpawo Hezekiya wakavuwa, wati, Lino amulisalazizye Jehova. Amuswene, mulete zipaizyo azilumbyo kuŋanda ya-Jehova. Nkabela imbungano yakaleta zipaizyo azilumbyo. Boonse ibakazumina mumyoyo yabo bakaleta zipaizyo. 32Ngooyu mweelwe wazipaizyo bantu nzibakaleta: basune bali makumi aali musanu aabili abagutu bali mwanda atubelele tuli myanda yobile. Ezi zyoonse zyakali zipaizyo zya-Jehova. 33Azintu zisalazidwe zyakali myanda iili musanu aumwi ambelele zili zyuulu zyotatwe. 34#My 8:15; 2 Mak 35:11; 30:3; 1 Mak 29:17; Int 7:10Pele bapaizi bakali bace buyo, bakakacilwa kujaya zipaizyo zyoonse; nkaambo kako bakwabo ba-Levi bakabagwasya mane bakamana milimo yoonse, mane bapaizi bakalisalazya, nkaambo ba-Levi bakaliluleme mumyoyo yabo kukulisalazya kwiinda bapaizi. 35#Kul 29:13; Lev 3:16; Matl 35:14; My 15:5-10Azyalo zipaizyo zyakavula, amafuta aazipaizyo zyakutontozya, azipaizyo zyakunywa, aboobo milimo yaŋanda ya-Jehova yakabambwa kabotu. 36#Int 118:23; Inc 2:41Nkabela Hezekiya abantu boonse bakasekelela nkaambo kakuti Leza wakabamba bantu, nkaambo makani akafwambaana kucitwa.
Currently Selected:
2 Makani 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.