Baloma 10
10
1Nubakwesu, cintu ncinzandisha u monzo wangu woonse, ulimwi ncinkomba kwa Leza, nkwaamba ati bafwutulwe bantu bangu ba Izilaili. 2Nkaambo ndakonzha kupa bumboni ati baba bantu balikwete lwiici lwa kusebezela Leza, pele bayina luzhibo. 3Nkaambo kakubula luzhibo lwa bululami buhwa kwa Leza, bakanka kukapula inzhila shabo beni, bayina kulifwiinsha kwa Leza. 4Nkaambo Kilisito, ngumamanino a Mulawo kwaamba kube bululami kuli babo boonse ba shoma.
Lufwutuko ndwa Bantu Boonse
5 #
Bale 18:5
Nkaambo Mozesi wakalemba sha bululami buhwa ku mulawo ati, “Wezo uucita shaamba Mulawo, ulakapona u mulawo.” 6#Ciz 30:12-14Pele bululami buhwa ku lushomo bulaamba ati, “Mutaakwaamba mu myonzo yenu ati, ‘Anu nguni ukonzha kuya kwizeulu?’” Ceco cilaamba kuleta Kilisito anshi. 7Ulimwi, “No nguni ukonzha kuya anshi,” kwaamba akalete Kilisito kuhwa ku busena bwa bafwu? 8No cilaamba acani? “Izwi talili kulaale aswe, lili ku mulomo umu monzo wako.” Nkukwaamba ati, izwi lyaamba shalushomo ndutukambauka, 9nkaambo na waamba u mulomo wako ati Jeso ngu Mwami, ulimwi na kuti washoma mu monzo wako, ati Leza wakamubusha ku bafwu, ati ulafwutulwa. 10Nkaambo muntu ulahumina mu monzo ubobo ulalulamikwa, ulimwi ulalyaambilila u mulomo ubobo ulafwutulwa. 11#Aiz 28:16Nkaambo Malembe alaamba ati, “Kwiina naaba womwi ushoma mwa Jeso ukaafwa insoni pe.” 12Nkaambo kwiina caandaanya akati kaba Juda u ba Giliki, nkaambo Leza ngu Mwami wabo boonse. Ulalonjezha babo boonse bamoompolola. 13#Jow 2:32Nkaambo Malembe alaamba ati, “Kufwumbwa muntu uwompolola mwizhina lya Mwami Leza, ulakafwutulwa.” 14No balakamoompolola buti wezo ngubatakashoma? Ulimwi no balakamushoma buti wezo ngubatakateelela? Ulimwi no balakamuteelela buti kwa kwiina ubakambaukila? 15#Aiz 52:7Ulimwi no balakonzha buti kukambauka na kwiina wabatuma? Mbuli mbukulembelwe ati, “Taaliboteli matende a babo baleta Makani Mabotu?” 16#Aiz 53:1Pele takuli ati boonse bakaahumina Makani Mabotu. Nkaambo mushinshimi Aizaya, ulaamba ati, “Mwami, no nguni wakooshoma mulumbe wesu?” 17Ubobo kushoma kuleza u kuteelela, u kuteelela izwi lya Kilisito.
18 #
Inte 19:4
Pele ndabuzha ati, sa ba Izilaili bayina nibakaateelela? Bakaateelela, nkaambo Malembe alaamba ati,
“Mazwi abo akaya inshi yoonse.
Makani abo akashika ku mamanino anshi.”
19 #
Ciz 32:21
Pele inzho ulimwi ndabuzha ati,
sa ba Izilaili bayina nibakaateelela aza Makani Mabotu? Ca kutaanguna Mozesi wakaamba ati,
“Ume ndakamucita kwaamba ati mukabafwile munyono babo ba mushobo wiina mbuubele,
Ndakamupa bukali ukaambo ka bantu mbumwizhi ati mbalimbushi.”
20 #
Aiz 65:1
Aze Aizaya wakashinshima kwaamba Leza ulaamba ati,
“Ume ndakayanwa ku bantu u bayina nibakankapula.
Ndakalibonya kuli babo bayina nibakabuzhabuzha shangu.”
21 #
Aiz 65:2
Pele makani a bana Izilaili Leza ulaamba ati, “Buzuba boonse ndakaatandabika matashi angu ati ntambule batateeleli, u babo bapapyu.”
Currently Selected:
Baloma 10: ILL
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Ila New Testament © Bible Society of Zambia, 2015.