GIMA 3
3
Kɔfa-sɔ̧ mɛ tutuyɛ
1Gima ko David ŋgimbi n'aa yuu so nɛ mɔ yak ti bem kɔ̧-a̧ Absalɔm.
2GASA WAN, o wi-nas'am dɔka nyɛmna;
o wi-kur-zu'm dɔka yak zale;
3o wi nɛ tɔ̧ wen a zu'm dɔka nyɛmna,
ɓɛɛ wen nɛ wa tɔ̧ nɛ́ mɔ'ɔ:
«Sɔ̧ kɔ̧-a̧ n'aa tɔ̧ nɛnɛ‘i beka kpasi kɔ‘i a̧ ɓɔna!»
4Ɓɛɛ GASA WAN, ɛnɛ nɛ́ ŋgee kɔ‘m;
nɛ́ ɛnɛ'ɛ dee ha̧ o bíí mɛ zɔn am,
ɛnɛ'ɛ dee ha̧‘m mɛ ba zu'm nɛ ŋgɔn.
5Kà‘m sá mɔ nɛ̀ hee ger sitɛ GASA WAN,
ɓɛɛ a̧ kifa nú nɛ̀ tɛ̀ sa̧a̧ kaya kɔ̧-a̧ mɛ tɛnɛ ha̧‘m.
6Kinii mi ɔ nù nɛ fee-see;
mi ɔ ya ɓɛɛ mi tuna mɔ kɔ‘m nɛ tɛ‘m
wen nɛ́ GASA WAN a̧ pɛm am.
7Mi yu kɔ‘m o gba giiwi nɔ‘i
nɛ̀ kɛr am mɛ de ɗaŋmɔ in am'i na.
8GASA WAN, ɛ̀nɛ̀ kúr!
Sɔ̧ kɔ‘m, ɛ̀nɛ̀ kpas'am na nde?
Ɛnɛ nɛ́ wan-mbɛr yí o wisɛn kɔ‘m,
ɛnɛ nɛ́ wan-gbin gba̧a̧-nin o wi-ɗaŋ!
9Yuwar-kpasa-a duk tɛ GASA WAN.
Nɛ́ ɛnɛ'ɛ tok de yoŋgo zu dukbíí k’ɛ́nɛ́!
Currently Selected:
GIMA 3: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.