Matiu 1
1
Ihu Karaitira anku
(Ruki 3:23-38)
1Ihu Karaitira anku maantima vaura:
Eparahaamivavata Devitivavata vitanta vira kaivaqaukatantama vaura.
2Eparahaamiva Aisaakira qova vauvaro
Aisaakiva Iekopira qova vauvaro
Iekopiva Iutaara vira qata vakaara qova vauvaro
3Iutaava Peresika Saraaka qova vauvaro vitanta nova Temaava vaura.
Peresiva Hesaronira qova vauvaro
Hesaroniva Raamira qova vauvaro
4Raamiva Aminadaapira qova vauvaro
Aminadaapiva Nasonira qova vauvaro
Nasoniva Saramonira qova vauvaro
5Saramoniva Boaasira qova vaura. Boaasira vira nova Rehaapiva vaura.
Boaasiva Obetira qova vaura. Obetira vira nova Rutiva vaura.
Obetiva Iesira qova vauvaro
6Iesiva King Devitira qova vauvaro Devitiva Soromonura qova vaura. Soromonura nova tota Uraiaara naatavano vaura.
7Soromonuva Rehoboamura qova vauvaro
Rehoboamuva Abiaara qova vauvaro
Abiaava Asaara qova vauvaro
8Asaava Jehosafaatira qova vauvaro
Jehosafaativa Jehoraamura qova vauvaro
Jehoraamuva Usiaara qova vauvaro
9Usiaava Jotaamura qova vauvaro
Jotaamuva Ahaasira qova vauvaro
Ahaasiva Hesekiaara qova vauvaro
10Hesekiaava Manasera qova vauvaro
Manaseva Emonira qova vauvaro
Emoniva Josaiaara qova vauvaro
11Josaiaava Jehoiakiniravata vira qatanavuvata qova vaura. Vi entara vo vatanaaka ekaa Isareri vatanaaka rarauke ntita vare Babironini vuru kora.
12Jehoiakiniva Seatielira qova vauvaro
Seatieliva Serubabelira qova vauvaro
13Serubabeliva Abiutira qova vauvaro
Abiutiva Eliakimira qova vauvaro
Eliakimiva Asora qova vauvaro
14Asova Sadokira qova vauvaro
Sadokiva Akimira qova vauvaro
Akimiva Eliutira qova vauvaro
15Eliutiva Eleasaara qova vauvaro
Eleasaava Mataanira qova vauvaro
Mataaniva Iekopira qova vauvaro
16Iekopiva Iohepira qova vauvaro
Iohepiva Mariara vira vaativano vaura.
Mariava Ihura vatatora. Tenavu Ihurara Mesaiaarave tunara. ˻Karaitirave, Mesaiaave, Kotiva atitai vaintirave, vohaa qaramakero vai uvara.˼
17Ihu Karaitira anku vaireva Eparahaamiraqaahairo Devitiraqaa vira kaivaqaukavara anku 14navu vaura. Devitiraqaahairo vatuka vo Babironini rarauke ntita vare vuru ko entaraqaa vira kaivaqaukavara anku 14navu vaura. Babironini rarauke ntita vare vuru koraqaahairo Karaitiva qovaraiqu entaraqaa vira kaivaqaukavara anku 14navu vaura.
Iohepiva tavovaro Mariava vainti taiqama vura
18Ihu Karaitira vatato okarava maantimama vairo: Vira nora Mariara Iohepira qaqi vaiririqama amitovaro kia vikantiro nuvaka Mariava tavovaro Kotira Maraquravano vira vainti taiqama kora. 19Viva vainti taiqama viro vauvaro vira vaativano Iohepiva koqe vaiintivano vaiharora tiro, viva tiharo, Te vaiinti nahenti nivuqaa Mariara atitaariraro viva kaurira haika varaantorave. Kaiqe te vira evaara atitaariraro vuarire, tiro.
20Iohepiva naiqai mintima kero iriro, vaiteharo taira tave vauvaro Noravano atitova enseli vovano qovarama viro tiharo, Devitira maaquo, Iohepio, kia qeteharama Mariara varaane. Kotira Maraquravanoma vira vainti taiqama kaivo.
21Ai naatavano qorainti vainti vuru vatatairara are vira autu reharama Ihurave tiane. Ihuva vaiinti nahenti kahaqama nimiteharo vika qora kaiqa vare uvara nunka nimiteharo vika kuvantu nimitaainarara tira, are vira autu rehara Ihurave tiane, tiro.
22Haaru Noravano nai paropeti vaiinti noqihairo tivato uvava vivauma variarire tiro, enselivano qovarama viro minti tura. Haaru Kotira uva qoqaiqamake vauva, paropeti vaiintivano mintima tiro:
23Naantiara kia vaiinti vataakero nina nahentiva vainti taiqama viro vainti vatataanarove. Vika virara Imanuerivave tivarave, tura. (Aisaiaa 7:14)
Imanuerira autu okara vaireva, Kotiva tinavu hampata vairave, tura.
24Iohepiva vaitoraqihairo himpiro viva Noravano atito enseliva tu uvara iriro viva tunte iro, Mariara qaqi varatora.
25Iohepiva Mariara qaqi varatero vaiharo viva kia vikantiro niraitiro vauvaro, Mariava qaqi variqi viro, vuru qorainti vainti vatatovaro Iohepiva vira autu reharo, Ihurave, tura.
Currently Selected:
Matiu 1: tbg
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.