Efezianina 4
4
ANATRANATRA
Fiantsoana mba ho iray
1Koa mangataka aminareo aho, dia izaho izay an-tranomaizina noho ny amin’ny Tompo, mba hanao fitondran-tena mendrika ny fiantsoana niantsoana anareo, 2amin’ny fanetren-tena sy halemem-panahy rehetra, amin’ny fahari-po, amin’ny fifandeferana, amim-pitiavana; 3mikeleza aina hitana ny firaisam-po amam-panahy akamban’ny fihavanana; 4fa tsy misy afa-tsy tena iray, sy Fanahy iray, araka ny niantsoana anareo ho amin’ny fanantenana iray; 5tsy misy afa-tsy Tompo iray, finoana iray, Batemy iray, 6ary Andriamanitra iray, izay Rain’izy rehetra, ambonin’izy rehetra, manerana azy rehetra, ary ao anatin’izy rehetra.
7Samy manana ny ambaratongany anefa ny fahasoavana nomen’i Kristy antsika tsirairay avy. 8Izany no anaovan’ny Soratra Masina hoe: Niakatra any ambony Izy, nitondra olona maro ho babo, ary nanome fanomezana maro ho an’ny olona. 9Inona no ilazana hoe: «niakatra Izy» afa-tsy noho Izy efa nidina ho any ambanin’ny tany koa? 10Ary tsy iza Ilay nidina fa Ilay niakatra any ambonin’ny lanitra rehetra ihany, mba hamenoany ny zavatra rehetra. 11Dia Izy no nanome ny sasany ho Apôstôly#4,11 Apôstôly dia izay rehetra nomena ny raharahan’ny tena Apôstôly 12 lahy. Mpaminany, izay ampitenenin’ny Fanahy Masina (1Kôr 12,29). Evanjelista, iraky ny Apôstôly sy mpanampy azy (Asa 21,8). Mpiandry sns. mpifehy sy mpitondra ny fiangonana., ny sasany ho mpaminany, ny sasany ho evanjelista, ary ny sasany ho mpiandry sy mpampianatra, 12mba samy hanana ny fandraharahany avy, amin’ny fandavorariana ny olona masina, dia amin’ny fandrafetana ny Tenan’i Kristy#4,12 Ny tenan’i Kristy, ny Eglizy., 13mandra-pahatongantsika rehetra#4,13 Isika rehetra mitambatra, dia ny Eglizy izany na ny tenan’i Kristy, no tsy tokony ho zaza (and faha-14) fa ho olon-dehibe hoatra an’i Kristy, mahatratra ny halehibeazana amam-pahafenoan’ny fahasoavany. ao amin’ny firaisam-pinoana amam-pahalalana lavorary ny Zanak’Andriamanitra, sy ho lehilahy lehibe tonga ohatra, mahatratra ny halehibeazana amam-pahafenoan’i Kristy; 14dia tsy ho zaza intsony isika, ka tsy ho azon’ny rivotry ny fampianaran-tsamihafa rehetra ahilangilana sy avezivezy, tsy ho voafitaky ny saim-petsy itarihan’ny olona ho amin’ny hevi-diso; 15fa hanaraka ny marina amin’ny fitiavana, ka hitombo hatrany hatrany amin’ny zavatra rehetra, amin’ny firaisana amin’ny Loha, dia i Kristy. 16Izy no iankinan’ny tena manontolo, ka mahatonga ny rantsam-batana rehetra hilamina fatratra, hitambatra mafy, hifanampy hatrany, samy miasa araka ny anjarany tsirairay avy, ka mitombo sy toa mandrafitra tena amin’ny fitiavana.
Ny fiainam-baovao ao amin’i Kristy
17Koa izao àry no lazaiko sy ambarako ao amin’ny Tompo#4,17 Ao amin’ny Tompo, araka ny maha-kristianina antsika.: aza manao fitondran-tenan-Jentily izay mizotra manaraka ny hevi-poanany, 18fa nihamaizin-tsaina izy ireny, sy nanalavitra ny fiainan’Andriamanitra, noho ny tsy fahalalana amam-pahajambàm-pony, 19ka lany henatra dia navarin’ny filàn-dratsiny tamin’ny fijejojejoana amam-pahalotoana rehetra. 20Fa ianareo kosa, dia tsy mba ny ho toy izany no nianaranareo hahalala an’i Kristy, 21raha Izy tokoa no renareo ka tao aminy no nampianarana anareo, araka ny fahamarinana ao amin’i Jesoa, 22hiala amin’ny fitondran-tenanareo taloha, ka hamela ny olon-tranainareo#4,22 Ny olon-tranainareo. Todiho Rm 6,6. efa simban’ny fitaky ny filàn-dratsy, 23mba hohavaozina ao amin’ny saina amam-panahinareo ianareo, 24ka hitafy ny olom-baovao izay noarîna araka an’Andriamanitra amin’ny fahamarinana amam-pahamasinana tena izy tokoa.
25Ario àry ny lainga, ka samia milaza ny marina amin’ny namany avy, fa mifampirantsam-batana avokoa isika rehetra. 26Tezera, fa aza manota, ary aoka tsy ho tratry ny masoandro milentika ny fahatezeranareo. 27Aza omena fidirana ny demony. 28Izay nangalatra, aoka tsy hangalatra intsony, fa aleo miasa tanana, manao zavatra tsara, dia hanan-komena ny tsy manana aza.
29Aoka tsy haloaky ny vavanareo ny teny ratsy, fa ny teny soa mampandroso amin’ny tsara, araka izay ilaina, mba hahazoan’izay mihaino fahasoavana. 30Aza mampalahelo ny Fanahy Masin’Andriamanitra, izay nanasiana tombokase anareo, ho amin’ny andro fanavotana#4,30 Ny andro fanavotana feno sy tanteraka, dia ny farandro hahatongavan’ny Tompo fanindroany. 31Esory aminareo rehefa mety ho lolom-po, fahatezerana, fahavinirana, fitabatabana, fitenenan-dratsy, ary hasomparana. 32Fa aoka ianareo samy halemy fanahy amin’ny namany avy, ka hifampiantra sy hifamela heloka, toraka ny namelan’Andriamanitra anareo ao amin’i Kristy.
Currently Selected:
Efezianina 4: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.