Mpit 4
4
3. Ny mpiara-miaina
1Nitodika aho dia nahita
ny fampahoriana rehetra atao atỳ ambany masoandro:
ao ny ampahoriana, vonton-dranomaso,
ary tsy misy olona manala alahelo azy.
Iharan’ny fanaovana an-kerin’ireo mpampahory azy,
ary tsy misy olona manala alahelo azy.
2Dia loa-bava aho niantso ho sambatra ny maty#4,2 Sambatra ny maty, sns. I Masindahy Jérôme, dia milaza fa ny alehan’ny hevitry ny olon-kendry amin’ireo teny ireo, dia ny fampitahana ny fijalian’ny velona sy ny fialan-tsasatry ny maty. Tahaka izany indrindra no nifidianan’ireo olo-masina indraindray ny fahafatesana amin’ny fahavelomana. Jereo 1Mpa 19-4; Tôb 3-1; 1Mak 3,50. izay efa maty,
noho ny velona izay mbola velona izao.
3Ary sambatra#4,3 Sambatra... ny tsy mbola àry akory ka tsy nahita ny asa ratsy. Hita miharihary hatrany hatrany fa ny lafiny ratsy no jeren’ny Mpitory teny amin’ny zavatra rehetra, ka hoatra ny kivy izy, ary mila hahakivy tokoa. Nefa tadidiontsika tsara, amin’ny famakiana azy, fa ny lazainy amin’izany, dia ny toetry ny olombelona eto an-tany, raha izy irery, tsy ampian’ny fahasoavan’Andriamanitra; ka marina loatra ny azy amin’izany. Ary izany dia mampiseho ny ilantsika ny fahasoavan’Andriamanitra. noho izy roa tonta ireo indray aza,
ny tsy mbola àry akory,
ka tsy nahita ny asa ratsy,
atao atỳ ambany masoandro.
4Hitako fa ny asa rehetra
mbamin’ny fahakingana rehetra amin’ny taozavatra
dia ny fialonana mihatra amin’olona
avy amin’ny namany ihany;
koa dia zava-poana amam-panenjehan-drivotra foana koa izany.
5Ny adala manohon-tanana ihany,
sady mihinana ny nofon’ny tenany.
6Aleo tanana ila feno fiadanana;
toy izay tanan-droa feno fisasarana amam-panenjehan-drivotra.
7Nitodika aho ka nahita zava-poana hafa atỳ ambany masoandro:
8Misy olona mitoetra irery, ka tsy misy anankiray hafa miaraka aminy,
tsy zanaka, tsy rahalahy,
kanefa aza lava tsy misy farany ny azy,
ary tsy afa-dian-karena ny masony:
Ho an’iza àry ity iasako#4,8 Ho an’iza àry ity iasako? Amin’ny asany, dia toa tsy heveriny afa-tsy izay mety hahasoa azy amin’izao fiainana izao ihany. Fantany ihany fa misy fiainan-ko avy; nefa tsy mazava aminy ny hasambaran’ny lanitra. Fa nataon’Andriamanitra nihamazava tsikelikely sy mitombo miandalandalana ny nanambaràny ny zava-miafina momba ny fiainan-ko avy; koa maro dia maro ny zavatra fantatsika izao, satria nampianarin’i Jesoa Kristy, nefa tsy fantatry ny Jody taloha. Tombon-tsoa lehibe ho antsika kristianina izany.,
sy tsy ampananako fiadanana ny fanahiko?
Zava-poana koa izany, ary lahasa ratsy.
9Aleo roa miara-mitoetra#4,9 Aleo roa miara-mitoetra, sns. Io dia mitovy amin’ilay ohabolana malagasy hoe: Tsara ny roa noho ny iray; fa raha lavo misy mpanarina., toy izay manirery:
fa rehefa olon-droa dia misy karama be azony amin’ny asany.
10fa raha lavo izy ireo, azon’ny anankiray arenina ny namany.
Fa loza kosa no mahazo ny manirery,
ka lavo tsy misy namana hanarina azy!
11Izao koa, raha roa no miara-mandry, mafanafana izy roroa;
fa raha olona iray monja kosa, ahoana no hahafana azy?
12Ary raha misy maharesy ny irery,
ho voatohitry ny roa ihany kosa;
ary ny kofehy telo olana tsy mora tapahina.
13Aleo zatovo mahantra sy hendry,
toy izay mpanjaka antitra sy adala,
tsy mety mihaino torohevitra intsony;
14fa nivoa-kanjaka, avy ao an-tranomaizina izy,
na dia teraka mahantra teo amin’ny fanjakany aza.
15Nahita ny velona rehetra izay mihetsiketsika ambany masoandro aho,
teo anilan’ilay tovolahy nitsangan-kisolo ny mpanjaka#4,15 Tovolahy nitsangan-kisolo ny mpanjaka. Izany hoe: Ny mpandova ny mpanjaka, izay tsy maintsy hanjaka, dia tian’ny be sy ny maro kokoa noho ilay mpanjaka izay efa manjaka rahateo, ary any aminy daholo ny fanantenan’ny ambanilanitra. antitra.
16Tsy nisy fahataperana izany vahoaka be rehetra izany,
dia ireo rehetra ireo izay notarihiny lalana avy eo aloha.
Nefa ny taranaka tsy hifaly aminy akory.
Zava-poana amam-panenjehan-drivotra foana koa izany.
17Tandremo ny tongotrao#4,17 Tandremo ny tongotrao, izany hoe, raha miditra ao amin’ny tempoly ianao, dia tandremo tsara ny fitondran-tena izay tsy maintsy hasehonao ao; ary manatòna eo akaikin’izay manambara ny tenin’Andriamanitra, mba haharenesanao tsara sy handatsahanao ao am-ponao ny fampianarany. Ny toetra toy izany no hankasitrahin’ny Tompo.
raha mankany an-tranon’Andriamanitra ianao;
fa ny manatona hihaino
no tsara noho ny manatitra sorona, araka ny fanaon’ny adala;
satria entin’ny fahalalany hanao ratsy izy ireny.
Currently Selected:
Mpit 4: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.