Mpit 3
3
2. Ny fahafatesana
1Samy misy fotoana voatendry ho azy avy #3,1-8 Samy misy fotoana voatendry ho azy avy, sns. Ny fotoana izay lazaina amin’ireo andininy valo ireo, dia ny fotoana izay tsy maintsy tonga noho ny fiovaovan’ny zavatra; fa tsy ilay ataon’ny mpanandro hoe: Andro tsara na andro ratsy akory, na zavatra tonga noho izy asesiky ny vintana. Filazalazana ny toetoetra samihafa mpahazo ny olona eto ambonin’ny tany, amin’izao fiainana izao. ny zavatra rehetra;
misy fotoana ho azy avokoa ny zavatra atỳ ambany masoandro:
2fotoana hahaterahana, ary fotoana hahafatesana;
fotoana hambolena, ary fotoana hanongotana izay nambolena.
3Fotoana hamonoana, ary fotoana hanasitranana;
fotoana hanjerana, ary fotoana hananganana.
4Fotoana hitomaniana, ary fotoana hihomehezana;
fotoana higogogogoana, ary fotoana handihizana.
5Fotoana hanelezam-bato, ary fotoana hanangonana azy;
fotoana hamihinana, ary fotoana hifadiana fifamihinana.
6Fotoana hitadiavana, ary fotoana hamerezana,
fotoana hitahirizana, ary fotoana hanariana.
7Fotoana handrovitana, ary fotoana hanjairana;
fotoana hanginana, ary fotoana hitenenana.
8Fotoana hitiavana, ary fotoana hankahalana;
fotoana hiadiana, ary fotoana hihavanana.
9Inona no soa an’izay miasa, amin’ny hasasarana iaretany?
10Nodinihiko ny asa asain’Andriamanitra
isasaran’ny zanak’olombelona;
11Ka ny zavatra rehetra samy nataon’Andriamanitra ho tsara amin’ny fotoany avy:
ny mandrakizay nataony ao am-pon’izy ireo#3,11 Ny mandrakizay nataony ao am-pon’izy ireo. Ny zavatra dia samy soa amin’ny fotoana mety ho azy; fa ny olombelona dia nomen’Andriamanitra saina hahafantarany ny zavatra sy ny toetra samihafa mahazo ny olona tsirairay avy sy ny firenena koa, amin’ny taona mifandimby tsy misy fetra, mba handinihany azy. Nefa kosa, raha ny asan’Andriamanitra manontolo no heverina, tsy takatry ny sain’olombelona hofantarina. koa,
nefa tsy azon’ny olombelona fantarina ny asa
ataon’Andriamanitra hatramin’ny fiandohany
ka hatramin’ny fiafaràny.
12Ary hitako fa tsy misy soa#3,12 Tsy misy soa... mihoatra ny mifaly. Ny lazaina amin’izany, dia ny mifaly amim-pahendrena sy ara-drariny. ho azy ireo,
mihoatra ny mifaly sy manao izay hiadanany amin’ny andro iainany:
13ary fantatro koa fa matoa misy olona mihinana sy misotro,
sady mahita fiadanana amin’ny asany rehetra,
dia fanomezan’Andriamanitra izany.
14Fantatro fa haharitra mandrakizay,
izay ataon’Andriamanitra,
tsy misy tokony hanampiana an’izany na analana amin’izany.
Ka ny hahatahoran’ny olona azy,
no nanaovan’Andriamanitra an’izany.
15Ny atao izao dia efa nisy sahady,
ary izay mbola hatao koa, efa nisy sahady;
fa averin’Andriamanitra ny efa lasa.
16Izao koa no hitako, tatỳ ambany masoandro:
Ny fiketraham-pitsarana#3,16 Ny fiketraham-pitsarana, sns. Hita matetika eto ambonin’ny tany fa mazàna raha izay nantenain-kitsara hahazahoana ny rariny no tia kolikoly, dia manjary mifamadika ny rasa; izany hoe, ny diso tonga manana ny rariny ary ny marina manjary diso. araka ny rariny,
dia ipetrahan’ny faharatsiana,
ary ho solon’ny fahamarinana dia ao ny tsy fahamarinana.
17Hoy aho anakampo:
Hotsarain’Andriamanitra ny marina sy ny ratsy,
fa samy manana ny fotoanany avokoa ny zavatra rehetra
sy ny asa rehetra.
18Hoy aho anakampoko:
Ny amin’ny zanak’olombelona:
Tonga izany, mba hizahan’Andriamanitra toetra azy ireo,
19Fa ny anjaran’ny zanak’olombelona#3,18-21 Fa ny anjaran’ny zanak’olombelona, sns. Ny olombelona, araka ny hita eo ivelany fotsiny, dia sahala amin’ny biby; tsy fantatra mazava aza, hoy ny mpitory teny, na ho velona ny fanahiny aorian’ity fiainana ity na tsia, izany hoe: ny saintsika araka ny heriny ihany, tsy mahalala izany mazava; fa nambaran’Andriamanitra tamintsika fa ho velona tokoa isika any an-koatr’izao fiainana izao; ary araka izany fanambaràna izany, dia fantatry ny Mpitory teny fa tsy ho faty ny fanahintsika, fa hiverina amin’Andriamanitra izay nanao sy nanome azy indray. Jereo 12,7.,
dia ny anjaran’ny biby,
iray ihany no anjaran’izy roa tonta;
toy ny ahafatesan’ny iray, no ahafatesan’ny iray koa;
fofon’aina iray no an’izy roa tonta;
ka tsy misy ihoaran’ny olombelona amin’ny biby,
fa samy zava-poana ny zavatra rehetra.
20Fitoerana iray, no alehan’ny zavatra rehetra:
vovoka no niavian’ny zava-drehetra;
ary vovoka no hiverenan’ny zava-drehetra.
21Iza moa no mahalala ny fofon’ain’ny zanak’olombelona#3,21 Fofon’ain’ny zanak’olombelona: Izany hoe ny fanahin’ny olombelona. miakatra any ambony,
ary ny fofon’ain’ny biby, midina any ambany mankamin’ny tany?
22Ka dia hitako fa tsy misy soa ho an’ny olombelona,
mihoatra ny mifaly ao amin’ny asany;
fa izany no anjarany.
Fa aiza moa no mety hahafantarany izay ho avy any aoriany?
Currently Selected:
Mpit 3: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.