Yuda Fare pala hageya
Fare pala hageya
Ndu ge ne njaŋge maktub ge Yuda ne tol tene go na mo̰r ge Jeso Kris ne, na Yakub ná vya ne (Yud 1). Njaŋge na maktub hon swaga koteya ge ɓase ge Dok ne ma ne ge suwal a̰me ne to, amma ho̰ naa ge hon fareba ma pet. Njaŋge na kaŋ ge del wara myanaŋgal (60) mbo wara tiimal (80) go go.
Maktub ge Yuda ne ma ne maktub ge azi ge Bitrus ne fare ma mbo ta pe (2Bit 2), nama sḛ ma jwak a jan fare da ne naa ge ne hon hateya ge sone ge ɓase ge Dok ne ma buwal zi ma.
Swaga ge ne ŋgay tene (Yud 1-2), maare naa ge ne hon hateya ge sone ge ɓase ge Dok ne ma buwal zi ma, jan nama go Dok mbo burmi nama dimma ne na ne burmi naa ge sone ge dḛ zaŋgal ma go (Yud 3-16). Amma moɗege naa ge Dok ne ma go nama koy hon fareba ge nama ne (Yud 17-23). Fare pe aya ge na ne go, uware Dok na ge ne má nee ne Jeso Kris ta (Yud 24-25).
Fare janna ge Yuda ne ge naa ge ne hon hateya ge hale ma pal ndaar kaka, ago hale ge nama ne mbo ban nama ne viya̰ máya ge Dok ne, ge ne ho̰ nee na ne Jeso-Kris zi go uzi. Amma hate nee go nee kwa naa ge sone ma a̰se, ne zó nama ne ol siya uzi, amma ne ke me haŋgal na kaage nama zwagre nee ne hal sone ge nama ne to (Yud 22-23).
Currently Selected:
Yuda Fare pala hageya: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.