1 TIMOCI Na i Vakamacala Taumada
Na i Vakamacala Taumada
O Timoci e dua na cauravou lotu Vakarisito mai Esia Lailai ka luvena e dua na marama Jiu, ia e kai Kirisi o tamana. A yaco o koya me dua na i tokani ka dauveivuke i Paula ena nona cakacaka ni kaulotu. Na i Matai ni Vola i Paula vei Timoci e dusimaki kina e tolu na ka bibi.
Na kena i matai sai koya ni vola oqo e vunauca ka vakasalataka na veivakavuvuli lasu ena loma ni lotu. Na i vakavuvuli lasu oqo e veiwaki vata kina na vakasama vaka-Jiu kei na vakasama e sega ni vaka-Jiu, ka yavutaki ena vakabauta ni sa rui ca vakalevu na vuravura oqo ka sa rawa walega kina me vakabulai na tamata kevaka sa tiko vua e dua na mataqali kila-ka vuni, ka me bulataka talega o koya na i vakarau eso me vaka na vakatatabu ni kakana kei na sega ni vakawati. Na i vola oqo e koto talega kina na veivakasala eso me baleta na qaravi ni lotu kei na i vakarau ni sokalou. E volai talega kina e dua na i vakamacala me baleta na i vakarau e dodonu me tu vei ira na veiliutaki ena loma ni lotu. Ena kena i tinitini, sa qai vakasalataki o Timoci ena sala eso me yaco rawa kina o koya me dua na dauveiqaravi vinaka i Jisu Karisito vata kei na nona i tavi ki na veisoqosoqo lotu tale eso.
Na Lewe ni Vola
Na i vakamacala taumada 1.1-2
Vakasala eso me baleta na lotu kei na veiliutaki 1.3—3.16
Vakasala eso ni veiqaravi vakalotu i Timoci 4.1—6.21
Currently Selected:
1 TIMOCI Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.