1 SAMUELA Na i Vakamacala Taumada
Na i Vakamacala Taumada
Na i Matai ni Vola i Samuela e volai kina na kedrai tukutuku na Isireli mai na nodra gauna na dauveilewai ki na gauna e basika kina na veiliutaki vakatui. Na veiveisau ka yaco ena nodra bula na Isireli e kunei ni ratou vakaitavi vakalevu kina e lewe tolu na turaga: o Samuela, ka i otioti ni dauveilewai; o Saula, ka i sevu ni tui; kei Tevita, na i karua ni tui ka curu maliwa na kedrau i tukutuku o Samuela kei Saula na kena i talanoa ni se cauravou lailai.
Na vakasama levu e koto ena i vola oqo e tautauvata kei na kedra eso mai na veivola ni Veiyalayalati Makawa, o ya ni noda yalodina vua na Kalou ena kauta mai na veika vinaka, ka basika na leqa kevaka eda talaidredre. Oqo e dusimaki vakamatata ena vosa ni Kalou vei Ilai na bete (2.30) ni a kaya, “Au na vakarokorokotaki ira ga era sa vakarokorokotaki au; ka'u na beci ira sa beci au.”
Na i vola oqo e volai kina na duidui ni vakasama me baleta na kena tauyavutaki na veiliutaki vakatui. Na Kalou vakataki koya sa kilai deivaki tu ni nodra tui dina ga na Isireli; ia me vaka na nodra gagadre na tamata, sa digitaka kina na Kalou e dua me nodra tui. Ia na ka bibi duadua o ya ni o koya na tui kei ira na Isireli era bula taucoko ena ruku ni veiliutaki ni Kalou (2.7-10). Ena ruku ni veiliutaki Vakalou, sa rokovi vakatautauvata na nodra dodonu na tamata kece sara, se ra vutuniyau se dravudravua.
Na Lewe ni Vola
O Samuela na dauveilewai e Isireli 1.1—7.17
Sa yaco me tui o Saula 8.1—10.27
Na i tekitekivu ni veiliutaki vakatui i Saula 11.1—15.35
O Tevita kei Saula 16.1—30.31
Na mate i Saula kei ira na luvena tagane 31.1-13
Currently Selected:
1 SAMUELA Na i Vakamacala Taumada: FNV
Highlight
Share
Copy
Want to have your highlights saved across all your devices? Sign up or sign in
Fijian New Version Bible, Revised Edition © Bible Society of the South Pacific, 2017, 2021.