2 Mizimbu 1
1
Mwene Solomoni alomba mana
(1 Vim 3:1-15)
1Solomoni muna Mwene Ndaviti, wakolesele vumwene vwa Isalele, co Shukulu Kalunga Njambi yendi wamuvezikisile nakumwamesa manene.
2Mwene Solomoni waanene lishiko kuli vamyata voshe vakele na moko ya a vanu vakupwa 1,000 na kuli vaje lalo vakele na moko ya a vanu vakupwa 100 na vamyata voshe vaka-kushwana na vakulunu voshe va mu naanga na vanu voshe va Isalele. 3Ngecivene, Solomoni na mbunga yoshe vaile ku mwela wakulemesela ku Ngimbiyone. Vaile kuje omwo kukekwo kwakele Mbalaka Mwakuliwanena, ije Mosesa ngamba ya Shukulu Kalunga watungilile mu mambo. 4#2 Sam 6:1-17; 1 Miz 13:5-14; 15:25—16:1 (Nameme ngoco, Cikasa ca Cikumiiyo cakele mu Yelusalema, vacitulikilile mu mbalaka ije yemikile Mwene Ndaviti omo wakacishakele ku Kilyate Njelime.) 5#Kut 38:1-7 Mutula wa vunengu uje walingile Mbezalele muna Uli mutekulu wa Hule, nawo lalo wakele mu Ngimbiyone kulutwe lwa Mbalaka Mwakuliwanena. Co Mwene Solomoni na vanu voshe valemesele Shukulu Kalunga kuje. 6Kulutwe lwa Mbalaka mwene walemesele Shukulu Kalunga nakukombelela vimuna 1,000 kupwa vin̄ombelo vya kwenyeka a mutula wa vunengu.
7Co vutsiki vuje vene Njambi washolokele kuli Solomoni wamwihwile ngwendi, “Vika ushaka ngeci njikwanevyo?”
8Co Solomoni wamukumbulwile ngwendi, “Simbu yoshe wamwesele tate Ndaviti cizemo cakama, co ololo unanjishwanesa mu mwela wendi kupwa mwene. 9#Kus 13:16; 28:4 Shukulu Kalunga Njambi, shulisa cikulaeso cije walingile kuli tate. Yove unanjipwisa mwene akati ka vanu ava vavangi manene vaje naumo wai asa kuvalava, 10ngecivene, njane mana akushwana nawo nakuzivuka vije vishakiwa. Nga kesi mukemwo, co vatijo njasa kushwana vanu vove ava vanatumu ngacije?”
11Co Njambi wakumbulwile Solomoni ngwendi, “Unalombo cuma cacivwa, kuwalombele vufuko, nambe lutsimo, nambe kutsa kwa vitozi vove, nambe kuyoya simbu yakama, oloni unalombo mana nakuzivisisa ngeci ushwane vanu vange ava, njinakupwisa mwene omwo vakevo. 12Co njikakwana mana nakuzivisisa, amo na vufuko vwavungi, na lutsimo kutuvakana vimyene voshe vaje vakeleko laja nambe vaje vakakalako kulutwe.”
Nzili ya Mwene Solomoni na vufuko
(1 Vim 10:26-29)
13Ngecivene, Mwene Solomoni watundile#1:13 MWENE SOLOMONI WATUNDILE: Vamo ngwavo, Mwene Solomoni wezile: ku mwela wakulemesela ku Ngimbiyone, kuje kwakele Mbalaka Mwakuliwanena, welukile ku Yelusalema. Co washwanene Isalele. 14#1 Vim 4:26 Wapangele matemba a nzita akupwa 1,400 na tuvalu vakupwa 12,000. Co vamo wavaakele mu Yelusalema, vaje vasaleleo wavaakele mu vinganda vyakuliseza-seza. 15A simbu yakushwana kwendi, siliva na ngolinde vyapwile vyavingi mu Yelusalema ngwe mamanya angoco, na miti ya kendale yatumine manene ngwe miti ya mikuyu mu lifuti lya ku vushelumukilo vwa malundu lya Yunda. 16#Kwi 17:16 Co vaka-kulandulwila mwene vakele na nzili yakulanda tuvalu va ku Museli#1:16 MUSELI: Mu ciHevelu ngwavo, Ingito. na ku Silisha,#1:16 MUSELI NA SILISHA: Vifuti vimo kuje kuvakele nakulanda-landa tuvalu a simbu ya vumwene vwa Solomoni. 17nakulanda matemba akutunda ku Ingito. Valandesele tuvalu na matemba kuli vimyene va vaHiti, na vimyene va vaSilya, co valandesele matemba na mavundungulu a siliva akupwa 600 a litemba limo na limo, co na mavundungulu a siliva akupwa 150 a kavalu umo na umo.
Currently Selected:
2 Mizimbu 1: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006