Amosa 6
6
O le Leaga o Isaraelu ma le Malaia e Tupu Ai
1Talofa i ē o fa‘atalanoa i Siona ma ē o nonofo fa‘atalanoa i le mauga o Samaria, ē ‘ua ta‘ua i atu nu‘u silisili, na ō i ai le ‘āiga o Isaraelu.#Eso 19.5; Isai 32.9; Sefa 1.2; Iako 5.1 2‘Ia ‘outou ō atu i Kalene, ma va‘ava‘ai atu i le tou ō atu ai i Amato tele; i le ō ifo ai i Kata i Filisitia; e sili ‘ea lo latou lelei i nā mālō, pe sili ‘ea ‘ona tele o lo latou lau‘ele‘ele i lo ‘outou lau‘ele‘ele?#Kene 10.10; 1 Samu 17.4; 1 Tu 8.65; 2 Tu 18.34; Isai 10.9 3Talofa i ē ‘ua manatu ‘ua mamao le aso vale ma fa‘alatalata mai le nofoa o i ai le fa‘asauā; 4o ē ta‘o‘oto i moega nifo elefane ma latou ta‘o‘oto i o latou moega ma ‘a‘ai i tama‘i mamoe o le lafu ma tama‘i povi a‘i le fale povi; 5o ē pepese fa‘atasi ma le leo o le napeli ma latou sauni mo i latou la‘aupese, e pei o Tavita;#Amo 5.23 6o ē inu uaina i ipu tetele ma u‘u ‘iā te i latou i u‘u e sili ‘ona lelei; a ‘ua lē tigā i latou ‘ona o le malaia o Iosefa. 7O le mea lea e tāfea i ai nei i latou, e muamua i ē tāfea, e mavae atu le ‘alaga fiafia o ē ta‘o‘oto.
8‘Ua tautō le Ali‘i le ATUA i lona soifua, o lo‘o fetalai mai ai le ALI‘I le Atua o ‘au: ‘Ua ‘ou ‘ino‘ino i le mamalu o Iakopo, ‘Ua ‘ou ‘ino‘ino fo‘i i ona maota; o le mea lea ‘ou te tu‘uina atu ai le ‘a‘ai ‘atoa ma mea ‘ua tumu ai.#Sala 47.4; Iere 51.14
9‘Āfai fo‘i e totoe tagata e to‘atinoagafulu i le fale e tasi, latou te oti ai lava. 10E si‘itia se tasi e le uso o lona tamā, o lē na te susunu fo‘i ‘iā te ia, e ‘aumai ai ivi a‘i le fale; na te fa‘apea atu i lē ‘ua i mea aupito i totonu o le fale, “Pe ai se tasi ‘ua i ai pea ‘iā te oe?”
‘Ona tali atu fo‘i lea o ia, “E leai lava.” ‘Ona fa‘apea mai lea o ia, “Fa‘alologo ia auā e lē tatau ‘ona ta‘ua o le suafa o le ALI‘I.”#2 No 16.14; Amo 5.13
11Auā fa‘auta mai ‘ea, ‘ua poloa‘i atu le ALI‘I, na te taia fo‘i le fale tele ‘ia solo ma le fale itiiti ‘ia lepetia. 12E taufetuli ‘ea solofanua i le papa pe suatia ai ‘ea e se tasi i povi? auā ‘ua ‘outou liu i rosa le fa‘amasinoga ma le fua o le amiotonu i laena.
13O ‘outou o ē fiafia i se mea fa‘atauva‘a, o ē fa‘apea mai, “Po ‘ua lē maua mai ‘ea i le tatou malosi o nifo mo i tatou?”#1 Tu 22.11
14A o lenei, fa‘auta mai, le ‘āiga o Isaraelu e, ‘ou te fa‘atūina se tasi nu‘u, latou te fai oe mo latou fili, o lo‘o fetalai mai ai le ALI‘I le Atua o ‘au; latou te fa‘asauā ‘iā te ‘outou, e pau mai i le mea e ui atu ai i Amato e pau mai i le vaitafe o le vao.#Teu 1.1; 2 Tu 14.25; Iere 5.15
Currently Selected:
Amosa 6: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.