Amosa 1
1
O le To‘asā o le Atua ‘iā Suria ma isi Nu‘u
1O ‘upu a Amosa o lē na i ai i le ‘au fagamanu i Tikoa, na ia iloa ai ‘iā Isaraelu, i ona po o Usia le tupu o Iuta, o ona po fo‘i o Ierepoamo le atali‘i o Ioasa, le tupu o Isaraelu; e lua tausaga na vā a‘i lea mea i le o‘o mai le mafui‘e.#2 Tu 15.1-7; 2 No 26.1-23; 2 Tu 14.23-29
2‘Ua ia fa‘apea mai:#Ioe 3.16
E leo tele mai le ALI‘I mai Siona,
e tulei ifo fo‘i lona si‘ufofoga mai Ierusalema.
E fa‘anoanoa fo‘i mea e tata‘a ai manu a ē fagamanu,
e mago fo‘i le tumutumu o Karamelu.
O le Fa‘amasinoga o Nu‘u tu Tuā‘oi
Suria
3O lo‘o fa‘apea mai le ALI‘I: E tolu agasala a Tamaseko, e fa fo‘i, ‘ou te lē liliu ‘ese ai lana sala; auā na latou solia ‘iā Kiliata i u‘amea e soli ai saito.#Isai 17.1-3; Iere 49.23-27; Saka 9.1 4‘Ae ‘ou te tu‘uina atu le afi i le fale o Asaeli, e fa‘aumatia ai fo‘i maota o Peniata. 5‘Ou te gauia fo‘i le fa‘amaufa‘alava o Tamaseko, ‘ou te fa‘aumatia lē ‘ua mau i le vanu o Avene, ‘atoa ma lē ‘ua u‘u le to‘oto‘o i Pete-etena; e tāfea fo‘i le nu‘u o Suria i Kira, o lo‘o fetalai mai ai le ALI‘I.
Filisitia
6O lo‘o fa‘apea mai le ALI‘I: E tolu agasala a Kasa, e fa fo‘i, ‘ou te lē liliu ‘ese ai lana sala; auā na latou fa‘atāfeaina le tāfeaga ‘ato‘atoa ‘ia tu‘uina atu ai i Etoma.#Isai 14.29-31; Iere 47.1-7; Eseki 25.15-17; Ioe 3.4-8; Sefa 2.4-7; Saka 9.5-7 7‘Ae ‘ou te tu‘uina atu le afi i le pā o Kasa, e fa‘aumatia ai ona maota. 8‘Ou te fa‘aumatia fo‘i lē ‘ua mau i Asetota, ma lē ‘ua u‘u le to‘oto‘o i Asekelona; ‘ou te liliu atu lo‘u lima i Ekerona, e fano ē ‘ua totoe o Filisitia, o lo‘o fetalai mai ai le Ali‘i le ATUA.
Turo
9O lo‘o fa‘apea mai le ALI‘I: E tolu agasala a Turo, e fa fo‘i, ‘ou te lē liliu ‘ese ai lana sala; auā na latou tu‘uina atu le tāfeaga ‘ato‘atoa i Etoma, mōna ‘ua lē manatua le feagaiga a uso.#Isai 23.1-18; Eseki 26.1—28.19; Ioe 3.4-8; Saka 9.1-4; Mata 11.21-22; Luka 10.13-14 10‘Ae ‘ou te tu‘uina atu le afi i le pā o Turo, e fa‘aumatia ai ona maota.
Etoma
11O lo‘o fa‘apea mai le ALI‘I: E tolu agasala a Etoma, e fa fo‘i, ‘ou te lē liliu ‘ese ai lana sala; auā na ia tuliloa i le pelu lona uso,#1.11 lona uso: o tagata Isaraelu e tupuga mai ‘iā Iakopo le uso o Esau, Esau lea o le tupuga o tagata Etoma. na ia le alofa lava, na saei pea lava lona ita; na ia tausi pea lava lona ita tele.#Isai 34.5-17; 63.1-6; Iere 49.7-22; Eseki 25.12-14; 35.1-15; Mala 1.2-5 12‘Ae ‘ou te tu‘uina atu le afi i Timanu, e fa‘aumatia ai maota o Posara.
Amoni
13O lo‘o fa‘apea mai le ALI‘I: E tolu agasala a le fānauga a Amoni, e fa fo‘i, ‘ou te lē liliu ‘ese ai lana sala; auā na latou fa‘atiau i fafine totō i Kiliata, ‘ina ‘ia fa‘ateleina e i latou lo latou lau‘ele‘ele.#Iere 49.1-6; Eseki 21.28-32; 25.1-7; Sefa 2.8-11 14‘Ae ‘ou te tutu se afi i le pā o Rapa, e fa‘aumatia ai ma le ‘alaga ona maota, i le aso e tau ai le tau‘a, ma le afi i le aso e i ai le asiosio.#2 Samu 11.1; 12.26; Eseki 21.20, 28 15E alu i le tāfeaga Malekama, o ia ‘atoa ma ali‘i ‘ua ‘iā te ia fa‘atasi ma ia, o lo‘o fetalai mai ai le ALI‘I.
Currently Selected:
Amosa 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.