1 Makapaio Fa‘atomuaga
Fa‘atomuaga
O le Tusi i le ‘au Makapaio o ni tala ma ni fa‘amatalaga i mea na tutupu i le vaitaimi a o pulea e le mālō o Eleni tagata Iutaia ‘ae maise pulega a le tupu ta‘uta‘ua o Atioko Epifano (175 T.L.M). Na fa‘amalosia e lenei tupu tagata Iutaia ‘ina ‘ia lafoa‘i a latou aganu‘u ma tapua‘iga fa‘a-Iutaia ‘ae fa‘aofi i ai tu ma aga fa‘a-Eleni.
Na ‘avea lenei faiga fa‘amalosi ma mafua‘aga na tula‘i mai ai ni tagata Iutaia, po o le ‘au Makapaio ma tete‘e malosi i le tupu Eleni ‘ona o lo latou tāofi mau ma lo latou talitonuga i le tulafono, tapua‘iga ma tu ma aganu‘u fa‘a-Iutaia. I lenei tusi e atagia mai ai le malosi o le fa‘atuatua o tagata Iutaia i le Atua i se vaitaimi na sauāina ai lo latou fa‘atuatuaga. ‘Ae le gata i lea e molimauina e lenei tusi: O le Atua o lo‘o galue pea i le talafa‘asolopito ma na te foa‘i le manumālō, o se taui lelei lea i tagata o lo‘o agatonu ma fa‘amaoni pea ‘iā te ia.
O le Fa‘asologa o Matā‘upu:
O sauāga ma le tete‘e o Matatia 1.1—2.70
O le ta‘ita‘iga a Iuta Makapaio 3.1—9.22
O le ta‘ita‘iga a Ionatana 9.23—12.53
O le ta‘ita‘iga a Simona 13.1—16.24
Currently Selected:
1 Makapaio Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.