TAHINGA 38
38
Na tagarahiana na bea ni vogasiha ga susu igê
(Tahinga 27.1-8)
1O Besalele ki tagarahia na bea ni vogasiha ga susu igê renigi na apinige na akasia. Ga heavore na sukuni. Na borahusigana ki 2 mita ma na 50 sentimita. Na aberaberagana ki manga ngekana nika ma bê tagere ki 1 mita ma na 50 sentimita. 2Ngaia ki tagarahigi na bugusuni igê na sukuni ge he. Ngaigi hato ma na bea ka gi tage togo ma. Ngaia ki aba hagenani renia na kapa i higa. 3Ngaia ki tagarahigi nikâ na ara ni marâ hato tanga na bea ni vogasiha ngekana: na apira, na maevo, na apira ni vogasiha, na eahi, ma na apira tanga na gi. Ngaia ki tagarahigi ngaigi hato renia na kapa i higa. 4Ngaia ki hêria na bea aberabera renigi na sigani na kapa ma ki naka i ruguhana na tarina na bea ni vogasiha, i akê ki tariha i gupu. 5Ngaia ki tagarahigi na ringi ni tugiha ge he ma ki nakagi igê na sukuni ge he na bea ni vogasiha. 6Ngaia ki tagarahirerua na apinige ni tugiha renia na apinige na akasia, ki abarerua renia na kapa i higa, ma ki suvarenirerua igê na ringi i na apanenaheri na bea ni vogasiha. 7Ngaia ki tagarahia na bea ni vogasiha renigi na apinige i guguhuga.
Na tagarahiana na maraguhu ni tananiha
(Tahinga 30.18)
8O Besalele ki tagarahia na maraguhu ni tananiha henia na hageha tanga renigi na kapa i higa, ga bâsira mareta igê na gete, ga tagara i metara i maana na ruma na gahu apuna iana na Araha.
Na tagarahiana na mahera i metara na ruma na gahu iana na Araha
(Tahinga 27.9-19)
9-11Na mahera i metara na ruma na gahu apuna o Besalele ki penaria renigi na gahu siki ni Esipito ga kuku. Na gahu ngegana ka tangarerua na akerenaheri ma ka uhuani na 50 mita. Ngaigi ki kuku igê na 40 na u na kape i higa, ga ura igê na 40 na kiru na hunani na kapa i higa: 20 i ta akerena ma i ta akerena. Ngaia ki tagarahigi na kavikavi ma na rabotarê tangagi renigi na siliva. 12Igê na apanena bêso na gahu ka uhuana na 25 mita henigi na 10 na u henigi na 10 na kiru na hunani ma henigi na kavikavi ma na rabotarê. Ngaia hato ka na siliva. 13Igê na apanena bêkê i oga igê na maana na mahera na gahu ka ahuana na 25 mita nikâ. 14-15Na gahu i na apanenaheri na maana na mahera na borahusigaterua karu 7 mita ma na 50 sentimita. Na u gi oru henigi na kiru na hunani gi oru i na apanenaheri. 16Na gahu rihia na mahera ka na gahu siki ni Esipito. 17Na kiru na hunani tangagi na u ka na kapa i higa. Na kavikavi, na rabotarê ma na bubuhini na bogoni akê na u ka na siliva. Na rabotarê ka têgi haku na u hato rihia na mahera. 18Na gahu i kuku igê na maana na mahera ki na gahu siki ni Esipito, i uririga maravarava, rotorotoaga memera ma ka memera na varehuta na sipi, ga turagi igê na mahe. Na borahusigana ki 10 mita ma ki akê na 2 mita ma na 50 sentimita mangagi na gahu rihuia na mahera. 19Ngaia ki kuku igê na u ge he, ga ura igê na kiru na hunani na kapa higa ge he. Na kavikavi igê, na bubuhini ma na rabotarê igê ka na siliva. 20Na rapurapu hato tanga na ruma na gahu apuna ma tangagi na gahu rihuia na mahera ka na kapa i higa.
Na marâ ga tagarahia re na ruma na gahu iana na Araha
21Igê nga na marâ ga tagarahia renigi na ruma na gahu apuna iana na Araha, karu oga igê na hê gi rua, ga tarigi igê na ramata tangahuru gi tage. O Moise ki bonasira na mane ni hagarahenga ka segegi so na marâ hato ngegana. O Itamare karena o Aroni na mane ni vogasiha kani bâsurira igê na tagaraha ngekana.
22O Besalele o karena o Uri ki tagarahigi na ara ni marâ suria na bonasiha iana na Araha. O virana ka no Gure tenia na raraha iana o Juta. 23O Oholiaba o karena o Agisamaka tenia na raraha iana o Tane ki tamania. O Oholiaba ki manisingenigi na tariha, na segeha ni katoha ma na hêhênga ni gahu siki ni Esipito, i uririga maravarava, rotorotoaga memera ma ki memera na varehuta na sipi.
24Na golo hato na enoni ga tagarenigi tanga na Araha tanga na tagarahiana na ruma na gahu apuna ka na 877 kilo, ga hagararingenigi suria na ramata na rotu. 25Na siliva tenira na mane hato ga tomanira tanga na hearihatana ka na 3018 kilo, ga hagararingenigi suria na ramata na rotu. 26Na higahigani ngegana ka tagenani ma henigi na ani ga kasigi na mane hato, i oga na atata igê na tomaha ni nuni. Na ara ni hitangita ki kasia nga na higata ga nungia tenia, ka hagararingenia suria na ramata na rotu. Na atata na mane hato igê na tomaha ni nuni ga tonga na 20 na harisi iata se i asiba, ka vora na 603550. 27Na 3000 kilo na siliva ka tangagi na kiru na hunani tangarê gi tage tanga na ruma na gahu apuna ma tanga na gahu i kuku. 28Na 18 kilo ga hita râ ka tangagi na rabotarê, na kavikavi igê na u ma na bubuhini na u. 29Na higahigani na kapa i higa ga tagarenigi tanga na Araha ka na 2124 kilo, 30tangagi na kiru na hunani na maana na ruma na gahu apuna iana na Araha, na bea ni vogasiha henia na bea i ruguhana, ma tangagi nikâ na marâ hato tanga na bea ni vogasiha, 31na kiru na hunani na u rihia na mahera ma tanga na maana na mahera ma tangagi na rapurapu tanga na ruma na apuna ma tangagi na gahu rihuia na mahera.
Currently Selected:
TAHINGA 38: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific