Niyabo 1
1
1Man aye gin ma Lubaŋa onyuto bot Yecu Kricito, wek omi en bene oniaŋ luticce i kom gin ma myero otimme oyotoyot i kare me anyim. En yam ocwalo lamalaika bot laticce Jon wek otitte oŋe. 2ka doŋ lacen i ŋeye Jon olokke odoko caden me lok ma Lubaŋa owaco, dok caden i kom lok me caden ma yam Yecu Kricito omiyo, kun bene otito pi gin ducu ma en oneno. 3Ŋat ma kwano lok ma gitito i buk man i nyim lwak tye ki gum, jo ma winyo bene tye ki gum, ki jo ma lubo gin ma gicoyo iye bene tye ki gum, pien kare doŋ cok.
Mot bot lwak muye Kricito i kabedo abiro mapatpat.
4 #
Nia 3.14;
Yabo 4.5
Lok man Jon mucwalo bot lwak muye Kricito ma gitye i kabedo abiro mapatpat i Acia:
Kica ki kuc obed botwu, ma oa ki bot Lubaŋa ma tye, ma yam obedo tye wa con, dok ma bibino, kun a ki bot cwiny abiro ma gitye i nyim komkerre, 5#Ic 55.4; Jab 89.27 ki ma a bene ki bot Yecu Kricito, lacaden ma genne, latin kayo i kin jo muto, kabaka madit ma loyo luker ducu ma i wi lobo-ni.
Deyo obed bot ŋat ma marowa, ma nene ogonyowa woko ki i twec me balwa ki remone, 6#Nia 19.6; Yabo 5.10 ka doŋ olokowa wadoko lwak ma en loyo, kun wadoko ajwagi pa Lubaŋane ma Wonne bene. Deyo ki twero me loc obed bote nakanaka. Amen.
7 #
Dan 7.13; Mat 24.30; Mar 13.26; Luka 21.27; 1 Tec 4.17;
Jek 12.10; Jon 19.34, 37;
Jek 12.10; Mat 24.30 Nen, en tye ka bino ki pol, dano ducu gibinene ki waŋgi, kadi jo ma yam gucobe; kaka ducu me wi lobo bikumo pire. Kit meno ada. Amen.
8 #
Yabo 22.13;
Nia 3.14
“An Alupa ki Omega”, man Rwot Lubaŋa ma owaco, en Lubaŋa ma tye, dok ma yam onoŋo tye con, doki ma bibino, en Won Twer Ducu.
Kricito onen bot Jon
9An Jon, ominwu ma oribbe kwedwu i can ki i ker ki i diyo cwiny me ciro can ma wabedo kwede i Yecu. Onoŋo atye i cula ma gilwoŋo ni Patimo, pien onoŋo atito lok ma Lubaŋa oloko, ki lok me caden ma Yecu omiyo. 10Cwiny Maleŋ yam oyuto tamma woko i nino pa Rwot, ka doŋ cut awinyo dwan maloŋo yo tuŋ i ŋeya ma winnye calo koko tum ma gikuto. 11kun wacca ni, “Co gin ma itye ka nenone i buk-ki, ka doŋ icwal bot lwak jo muye Kricito ma gitye i kabedo abiro mapatpat, i Epeco, i Cumurna, i Pergamo, Tuatira, Cardic, i Piladelpia ki i Laodikia.”
12Ci alokke me neno dwan ma onoŋo tye ka lok kweda-ni. I kare ma doŋ alokke, ci aneno okar-mac me jabu abiro; 13#Dan 7.13; Dan 10.5 i dye okar-mac abiro-nu aneno iye ŋat mo ma cal ki wod pa dano. Dano-nu orukke woko ki jor mabor, ki del me jabu ma otweyo i kore. 14#Dan 7.9 Yer wiye onoŋo tar calo yer romo matar, tar calo pee; ki waŋe bene onoŋo obedo calo leb mac ma lyel,#Dan 10.6 15#Ejek 1.24; 43.2 tyene aryo ducu onoŋo calo mola ma giliyo i keno, ka lacen doŋ girudo woko odoko maleŋ, kun dwane mor winnye calo mor pa pii ma corre. 16Onoŋo omako lakalatwe abiro i ciŋe tuŋ lacuc, ki pala lucwan mabit ryoryo okatti ki i doge, kun onoŋo nyime tye ka ryeny calo ceŋ ma ryeny matek.
17 #
Ic 44.6; 48.12; Yabo 2.8; 22.13 Ka doŋ anene, ci apoto woko piny ka tyene calo ŋat muto. Ento en oketo ciŋe lacuc i koma kun wacca ni, “Pe ilwor, an aye ŋat mukwoŋo ki me agikkine, 18an ŋat ma kwo-ni. Yam onoŋo ato woko, ento koŋ inen, kombeddi atye kwo, abibedo kwo matwal. Dok bene layab me To ki me Lyel tye bota. 19Kombeddi doŋ ico gin ma itye ka nenone-ni, gin ma tye ki gin ma bitimme lacen i anyim. 20Koŋ agonnyi tyen lok me muŋ me lakalatwe abiro ma ineno i ciŋa tuŋ lacuc, ki okar-mac abiro me jabu. Lakalatwe abiro gin aye lumalaika pa lwak muye Kricito ma gitye i kabedo abiro mapatpat, doŋ okar-mac abiro-ni gin aye lwak muye Kricito ma gitye i kabedo abiro mapatpat.
Currently Selected:
Niyabo 1: Aco85
Highlight
Share
Copy
Want to have your highlights saved across all your devices? Sign up or sign in
Acholi Bible © Bible Society of Uganda, 1985.