ǀGapiǁnaetsanas 3
3
1Tsuxuba ta ge ti kharob ǃnâ
ǁnāb ǀnam ta aba ǁhapo
tsî ge ôa; xawe ta ge hō bi tama ge i.
2Tita ge khâi tsî ǃāsa ge ǃgûǃnâǃganu
ti ǀnamsaba ra ôase.
ǁÎba ta ge ôa
xawe ta ge hō bi tama ge i.
3ǃÛi-aogu ǃāsa ra ǃûigu ge
ǃās ǃnâ gu ra ǃgûma hîa ge hō te.
O ta ge ǁîga ge dî:
“ǁNāb, ǁîba ta ǀnam hâba go mû tama hâ?”
4ǁÎga xu ta ra ǃkharu
hîa ta ge ǁnāb ǀnam ta hâb ǀkha ge ǀhao.
ǁÎba ta ge ge ǁnam, tsî ǁnāxū bi tama ge i.
Ti îs oms tawa ta ge ge hā-ū bi
tita ge ǃnaeǃnâ ǃnā-oms ǃnâs kōse.
5Mîmâiba te re Jerusalems khoeso
nū re ǀgaen tsî ǁgûn tawa
sim ǀnamma so toa tamab hâ hîa ǁara tidesa.
ǃNonaǁî ǁnaetsanas
Tarekhoes
6Tare-e ǁnā ǃgaroǃhūba xu ǃgoaxa-i, ǀanni khami ī-i,
mireb tsî ǃgâihamxūn,
ǁamaǂharugu-aob din ǀkha hamhamhe hâ-e?
7Salomob di sâ-aikharob ge ǁnāba,
ǃnanidisi toroǃkhamaogu,
Israeli ǀgaisagu digu xa tanihe hâse.
8Hoagu ge gôagu ǀkha ǁâtanisen hâ
toroǃkhamaogu, torodī ǁkhāga.
Mâb hoab kamanab âb ai gôaba ūhâga
tsuxub di ǁnāǂamdi ǃoagu.
9Gao-aob Salomob ge Libanonni hain ǀkha
sâ-aikharoba ge kurubasen.
10ǀHaiǀurib ǀkhab ge ǂkhâǃnâga ge dī;
ǃgâsenǃkhaib ge ǃhuniǀurib ǀkha ǃkhûǀkhāhe hâ.
Tsî di ge ǂkhapide ǂhoaǀapa ǃkhai-i ǀkha
îsase Jerusalems tarekhoedi xa ge ǂgapuhe hâ i.
11Sions khoeso, ǂoaxa î so gao-aob Salomoba mû re.
ǁÎb ge ǃgameb ge tsēs,
ǁîb di ǃgâiaǂgaob tsēs ais ge ǁgûsa
ǀgapa bi kronsa danas âb ai ūhâ.
Currently Selected:
ǀGapiǁnaetsanas 3: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.