Hosea 14
14
Hoseab ge Israela ra ǀkhoma
1Oahā re Israeli dido, ǃKhūb sadu Elob ǃoa. Sadu ǂhanuoǃnâsib ǃaroma du ge ǃnôa xuige. 2Mîde ūsao î ǃKhūb ǃoa oa tsî mî re: “ǂHanuoǃnâsib hoaba ūbē re, î ǀkhomxase ūǃoa da re, î da sida amǁgaugu ǂûtaniba mā tsi ǁkhā. 3Asiriab ge sida sâu tide; hāgu ai da ge ǃgapi tide tsî da ge ǁkhawa ‘sida elogu’ ti ǃomgu âda di sîsenga mî tide. ǃGuniǀgôan sats xa ra ǀkhomxahe xui-ao.”
ǃKhūb ge Israela ǀasa ûiba ra mîmâiba
4Nētib ge ǃKhūba ra mî:
“ǁÎn di ǂhanuoǃnâsiga ta ge nî ǂuruǂuru,
ti ǂgaob hoab ǀkha ta ge ǁîna māsenxase nî ǀnam;
ti ǁaixasib ge ǁîna xu bē amaga.
5Tita ge Israeli dina ǀaub ase nî ība;
ǁîn ge leliǃkhās khami nî ǃkhā.
Tsîn ge nî ǃnomaǃkhō,
Libanonni di sederhaidi khami.
6ǁÎn di ǂkham ǁnâugu ge ǀomkhâi
tsî ǀkherahaidi khami nî ī.
ǁÎs di ǂkhaisib tsî ǃgâi ǁamab âs
ge Libanonni din xase nî ī.
7ǁÎn ǁnā sommi ǃnâ ge ǁan hâ in ge nî oahā;
ǁîn ge ǃhoroba nî ǀomkhâi kai, draibeǃhanab khami
tsîb ge ǁamab âsa Libanonni di ǂauxûib xase nî ī.
8Efraimtse, tare-e ta tita ǁgôa-elon ǀkha ǁae hâ?
Tita ge ǃeream tsî ra kōǀî tsi ta.
Hoaǁae a ǃam siprehais khami ta ge ī
tita xus ge ǂûnats ra hōsa”
tib ge ǃKhūba ra mî.
ǀUnis
9Tari-e a gā-ai, tsî nē xūna ra ǁnâuǃā? Tari-e a ǁnâuǃāxa tsî nē xūna nî ǂanǃā? ǃKhūb di daogu ge a ǂhanu-ai tsîn ge ǂhanu-ai khoena ǁîgu ǃnâ ra ǃgû, xawe ǃûǂamaon ge ǁîgu ǃnâ ra ǁnā.
Currently Selected:
Hosea 14: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.