Hosea 10
10
1Israels ge a ǀkhaexaǃnâ draibehai, ǁîs ǂûtanib di ǃnāǂamsasiba xu ra ǂûtanibasensa, altardi ais ge ra ǂguiǂgui, ǃhūb âs di ǃgâibahes ǃoan ge ǃgâi īga ge kuru. 2ǂGaob ân ge a ǂkhaba on ge nēsi ǀhapis âna nî tani; ǁîn altarde khôa tsîb ge īgu âna nî hîkākā.
3On ge nî mî: “Sida ge gao-ao-e ūhâ tama hâ, ǃKhūba da ǃao tama xui-ao. Tsî tare-eb kha gao-aoba nî dība da?” 4Gao-aogu ge mîde ra ǃhoa, ǂkhabase gu ge ge nū, ǃgaeǀhaosa dīs ǀkha tsîs ge ǀgoraǃgâsa ǃgāxa hai-i khami ra ǁhao, ǃhūǃgaohe hâ ǃhanab ǃnâ.
5Samarias ǁanǂgāsaben ge Bet-Avens#10:5Bet-Avens: Nē ǀons ge ǂKhabab di oms tamas ka io ǁGôa-eloǃoabas di oms ti ra ǂâibasen tsî nē ǃâs ǃnâ Betels ǁga ra ǁnaeǁgau hîa Elob di oms ti ra ǂâibasensa. 8ǁÎ ǁaraǃâs ǃnâs ge Bet-Avensa Aven ti ra mîhe. ǁKhāti 4:15 tsî 5:8 tsîn tawa sī kō re. di tsâub ǂama ǃao tsî nî ǃoa, ǁîs di khoen tsî ǁgôa-elopristergu ge ǁîs ai nî ǀkhū, ǂkhaisib âsa xus ga bēo. 6ǁKhātib ge ǁîb ona gao-aob Jaredi ǃnarexūse Asiriab ǃoa nî tanihe. Efraimmi ge nî taotaohe, Israeli ge taob xa nî dāhe ǁîb ǀapes ǃaroma. 7Gao-aob Samarias dib ge nî hîkākāhe, tsî hai-i khami ǁgam-i ai nî dâubēhe. 8Tsî di ge ǀgapi ǃkhaidi ǂkhabab Israeli dib dide nî hîkākāhe. ǁKhūn tsî ǀkhininin ge altars ai nî ǁhai tsîn ge ǃhomgu ǃoa “ǃGū-ai da re!” ti mî tsî ǃnâugu ǃoa “ǁNā-ai da re!” ti nî mî.
ǃKhūb ge Israeli ǂama ǀgoraǃgâsa ra gowaǂui
9Gibeas tsēde xus ge ra ǁore Israelse; ǁnāpan ge sī ge mâ. ǂHanuoǃnâsib di torob, sida ôagu ai ra dīheb ge Gibeasa tsâǀkhā tide. 10ǂGao ta kao ta ge ǁîna nî ǁkhara, tsî di ge ǁaede ǁîn ǃoagu nî ǀhaoǀhaosen, ǁîn ǀgamǃnâgu ǁoren ǃaroma ǁîna nî ǃgaese.
11Efraimmi ge a dāǃnâ ǁkhā, ǂkham taretsâu, ǁnā-amaga ta ge tita ǃaob âs di îsasiba ge īǂam. Judab ge nî ǃhūǃgao, Jakob ge nî ǂhauǂhaubasen. 12ǂHanu-aisiba ǃhanabasen, hâhâ ra ǀnammi ǂûna ǃgaobasen; ǀasa ǃhana-e ǃhūǃgaobasen re; ǃKhūba ôas ǁaeb go ǀoa xuige; ǁîb ge nî hā, ǂhanu-aisiba sa ai nî ǀapiǁnâse. 13ǂKhabasiba du ge ge ǃhūǃgao, ǂhanuoǃnâsiba du ge ge ǃgaobasen.
ǂHumib ǂûna du ge ge ǂû tsî du ge sadu ǃkhamaogu di ǂguisib ǃnâ ge ǂgomaiǂnûi. 14Torob ge nî khâi ǁaedi ǁaegu tsî di ge hoaraga ǁkhui-omdi âdo nî hîkākāhe, Salmanni ge Bet-Arbela torob ǁaeb ǃnâ hîkākā khami; ǁgûdi ge ôasan ǀkha ǃâdi ǃnâ ge ǂkhūǂkhūhe. 15ǁNās ǁkhās xase i ge ǀnî-e sas ǀkha nî dī Betelse, sa ǂkhabasib di kaisib ǃaroma; ǁgoaǂnobos aib ge Israels gao-aoba nî hîkākāhe.
Currently Selected:
Hosea 10: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.