Apocalipsis 5
5
Re Jesucristo ancha'l jun oveja y can ruc'amon-va che nurec' re vuj baton ruchi'
1Y xintz'at che re Jun re tz'uyul chach re lok'olaj ch'acat, c'o jun vuj#Is 29.11; 34.16; Ez 2.9; Ap 6.1. baton ruchi' ruc'uan pa rajquik'a'. Re vuj re', nojnak rach y rij che letra, y banon sellar riq'uin vuku' sello.#Is 8.16; Dn 12.4. 2Y can jare' tak xintz'at jun ángel re c'o poder pa ruk'a' y jun pa ruchi' nich'o, y nubij: Can man jun re ruc'amon chin nulisaj re vuku' sello chin che nurec' ruchi' re vuj.
3Xa can man jun re ruc'amon-ta chin nurec' ruchi' re vuj. Man jun c'o chupan re rocaj, y ni xe-ta chach re ruch'ulef y ni xe-ta chuxe-ka re ruch'ulef. Astapa' xaxe chin che nutz'at-ta ba'. 4Y yen Juan camas yinok', roma man jun re ruc'amon-ta chin che nurec' ruchi' re vuj y nuban-ta leer. Can man jun c'o, astapa' xaxe chin che nutz'at-ta ba'. 5Y jun chique re rejeta'k tak achi'a' xubij chua: Man catok', roma re vuj can c'o c'a Jun re ruc'amon chin nulisaj re vuku' sello y nurec' ruchi', roma ja reja' re ch'aconak y can junan riq'uin jun león.#Gn 49.9. Reja' can rey-rumam can re Judá#He 7.14. y rey-rumam can chuka' re Rey David, xcha' chua.
6Y c'are' xintz'at che re Jun re', jare' re ancha'l oveja re xk'ax-yan chach re camic.#Is 53.7; Jn 1.29. Reja' pa'al chire' pa quinic'ajal re Jun re tz'uyul chach re lok'olaj ch'acat, re je caje' re camas q'uiy quinak'avach c'o, y re rejeta'k tak achi'a'. Y re ancha'l oveja re' c'o vuku' ruc'ua' y vuku' nak'arach.#Zac 3.9. Y re vuku' nak'arach re', ja re vuku' espíritu chin re Dios re je'takon chach re ruch'ulef chin ye'samaj.#Zac 4.10; Ap 4.5. 7Xpa re ancha'l oveja re k'axnak chic chach re camic, xbo'rc'ama-pa re vuj baton ruchi' re c'o pa rajquik'a' re tz'uyul chach re lok'olaj ch'acat. 8Y jac'a tak xbo'rc'ama-pa re vuj baton ruchi', re je caje' re camas q'uiy quinak'avach c'o y re je veinticuatro rejeta'k tak achi'a', xe'xuque-ka chach re ancha'l oveja re k'axnak chic chach re camic. Y reje' je'quic'ualon arpas#Ap 14.2; 15.2. y chuka' je'quic'ualon re je'banon cha k'anapuak re c'o pom chupan. Y jare' re qui-oraciones#Sal 141.2; Ap 8.3, 4. conojel re je rajc'ual re Dios. 9Y re je caje' re camas q'uiy quinak'avach c'o y re rejeta'k tak achi'a', c'o c'a jun c'ac'a bix niquibixaj,#Sal 40.3. y re bix re' nubij:
Rat re can yat ancha'l jun oveja can ruc'amon-va#Ap 4.11. chin xbac'ama-pa re vuj, y can ruc'amon-va chuka' chin ya'lisaj re ru-sellos,
roma rat can xaquimisas, y riq'uin re aq'uiq'uel#Mt 26.28; Hch 20.28; Ro 3.24-26; He 9.12; 2 P 2.1; 1 Jn 1.7. xojacol konojel chin xojoc chin re Dios,
xabanchique-ta c'a re ka-raza y re kach'abal, y chuka' xabanchique-ta c'a re katenemit y re ka-nación.#Dn 4.1; 6.25.
10Y xaban chaka che xojoc reyes y sacerdotes#Ex 19.6. chin re Karta' Dios,
y junan xtakaban gobernar pa rue' re ruch'ulef.
11Y tak xintzu'un chic-apo, xintz'at che camas je q'uiy ángeles re quisutin rij re Jun re tz'uyul chach re lok'olaj ch'acat, y re je caje' re camas q'uiy quinak'avach c'o y re rejeta'k tak achi'a'. Y re ángeles re jec'o chire', can pa millones,#Dt 33.2; Sal 68.17; Dn 7.10; He 12.22. y xinc'axaj 12che jun pa quichi' niquibij:
Re Jesucristo re ancha'l oveja re xquimisas,
can ruc'amon-va che c'o ru-poder,#Ap 7.12. c'o rubiyomal y c'o na'oj riq'uin.
Reja' ronojel nitiquir nuban.
Y chuka' ruc'amon che niya' ruk'ij, y can ruc'amon che nibixax rube', y reja' can ruc'amon-va chuka' che nibex cha che camas nem, ye'cha'.
13Y xinc'axaj chuka' che ronojel re je'rubanon re Dios re jec'o chupan re rocaj, re jec'o chach re ruch'ulef, re jec'o chuxe-ka re ruch'ulef, y re jec'o chupan re mar, niquibij:
Re tz'uyul chach re lok'olaj ch'acat y quire' chuka' re ancha'l oveja re xk'ax-yan chach re camic,
jare' re otz che nibixax rube' y reja' can otz-va chuka' che nibex cha che camas nem, c'o ruk'ij y c'o ru-poder#1 Cr 29.11; Jn 5.23; Ef 3.21; Fil 2.10. chin nojel tiempo, xe'cha'.
14Y re je caje' re camas q'uiy quinak'avach c'o, xquibij: Amén.
Y re je veinticuatro rejeta'k tak achi'a' can jare' xe'xuque-ka chin xquiya' ruk'ij#1 Cr 16.36; Ap 19.4. re can nojel tiempo c'o ruc'aslen.
Currently Selected:
Apocalipsis 5: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.