Apocalipsis 3
3
Re nubij re Jesucristo chique re hermanos re jec'o pa tenemit Sardis
1Tatz'ibaj-a cha re pa'al pa rue' re iglesia re c'o chire' pa tenemit Sardis, y tabij-a chique re hermanos chin re iglesia re', che yen re c'o vuku' espíritu chin re Dios viq'uin y c'o chuka' vuku' ancha'l ch'umil, nimbij, che yen ntaman ronojel re quitz'amon rubanic. Ntaman che nibex chique che c'o quic'aslen, pero xa man quire-ta. Roma chinoch yen xa can je quiminak.#Lc 15.24, 32; Ef 2.1; Col 2.13; 1 Ti 5.6; Stg 2.26; Jud 12. 2Mare' nimbij chique che tuna' quivach y man tiquiya' k'ij che can ye'q'uis re cosas re c'a otz chic ba' re c'o pa quic'aslen. Pa ruq'uixel che quire' xa can tiquibana' chique che ye'q'uiy, roma re ca'e-oxe' cosas otz re', xa ye'com-yan-ka chuka' pa tak quic'aslen. Yen nintz'at che re banabal re ye'tajin chubanic re jec'o pa tenemit Sardis, man otz-ta, y can man otz-ta chach re Dios. 3Can te'ka chiquic'o'x re ruch'abal re Dios re xquic'ul y xquic'axaj nabey. Can titzolaj chic-pa cánma riq'uin y tiquitzekelbej chic jun bey re ruch'abal re Dios. Roma vo xa man xtiquiban-ta quire', can xquinapon quiq'uin ancha'l tak napon jun elek'om#Lc 12.39. y man xtiquinabej-ta anchique hora xquineka. 4Pero chiquicojol re hermanos re jec'o chire' pa Sardis, jec'o jun ca'e-oxe' re can je ch'ajch'oj. Can man quitz'ilbisan-ta-qui' riq'uin re banabal re man je otz-ta.#Jud 23. Y jare' re xque'biyaj junan viq'uin yen, quicusalon sak tak tziak,#Is 52.1; 61.3, 10; Ap 7.9, 13. roma can ruc'amon-va che niquicusaj. 5Mare' re anchique re xtich'acon, can xtinya' chuka' re rutziak sak. Y can man xtinlisaj-ta-a re rube' chupan re libro chin c'aslen.#Ex 32.32; Sal 69.28; Fil 4.3; Ap 21.27. Y chuka' can xtimbij cha re Nata'#Mt 10.32. y chique re ángeles, che re jun re' can vichin yen. 6Re c'o ruxquin chin nuc'axaj, can tuc'axaj re nubij re Espíritu Santo chique re iglesias.
Re nubij re Jesucristo chique re hermanos re jec'o pa tenemit Filadelfia
7Tatz'ibaj-a chuka' cha re pa'al pa rue' re iglesia re c'o chire' pa tenemit Filadelfia, y tabij-a chique re hermanos chin re iglesia re', che yen re can yin Lok'olaj-va,#Is 6.3; Lc 1.32; Hch 3.14. re Katzij y re ac'ayon chuka' re llave chin re David, y tak nijak cha re llave re' man jun nitiquir nitz'apin y tak nitz'apes man jun nitiquir nijako,#Job 12.14; Is 22.22; Mt 16.19; Ap 1.18. mare' nimbij chique, 8che yen ntaman ronojel re quitz'amon rubanic. Y can njakon-va jun puerta chiquivach#2 Co 2.12. re man jun nitiquir nitz'apin, roma can man jun bey quivovan che quiniman re nube'. Y astapa' can manak quik'ij banon, pero reje' can niquinimaj-va re nubij re nuch'abal. 9Y mare', yen xtimban che can xque'xuque'#Is 49.23; 60.14. chivach re jun grupo vinak chin re Satanás re ye'bin che je israelitas y xa man je katzij-ta israelitas. Y quire' xtimban chique chin tiquitamaj che yen can yixinjo-va. 10Yex can niban-va re nubij re nuch'abal, roma can icoch'on ronojel. Y roma re jun ibanabal re' can otz, can xquixinchajij chach re tijoj-pokonal tak xte'ka#2 P 2.9. pa rue' re ruch'ulef, y re tijoj-pokonal re' chin xque'rutojtobej conojel re vinak re jec'o chach re ruch'ulef. 11Y can cha'nin xquimpa chic jun bey.#Ap 2.25; 22.7, 12, 20. Y mare' can tichajij jabal re iyacon pa tak ivánma, chin che man jun xtilisan re i-corona#Ap 2.10. chivach. 12Y re jenipa' xque'ch'acon, xtimban chique che can xque'oc pilares chin re rachoch re nu-Dios. Y can chire' riq'uin re Dios xque'c'ue-va nojel tiempo. Y chiquij reje' xtintz'ibaj-va#Ap 14.1; 22.4. re rube' re nu-Dios y re rube' re rutenemit reja'. Y re tenemit re' ja re c'ac'a Jerusalén,#Ga 4.26. re nika-pa chila' chicaj riq'uin re nu-Dios. Y chire' chiquij re pilares re' xtintz'ibaj-va chuka' re c'ac'a nube' yen. 13Re anchique c'o ruxquin chin nuc'axaj, can tuc'axaj re nubij re Espíritu Santo chique re iglesias.
Re nubij re Jesucristo chique re hermanos re jec'o pa tenemit Laodicea
14Y tatz'ibaj-a cha re pa'al pa rue' re iglesia re c'o chire' pa tenemit Laodicea, y tabij-a chique re hermanos chin re iglesia re', che yen re Katzij y yen re yintzijon re ntz'eton,#Is 55.4. y yen chuka' re yinc'o riq'uin re Dios tak c'amaje-na tiban re ruch'ulef,#Pr 8.22; Jn 1.1, 2. nimbij, 15che yen ntaman ronojel re quitz'amon rubanic. Ntaman che man can-ta quibanon confiar-qui' viq'uin, pero chuka' man yinquiya-ta can. Más-ta otz xe-ta xa je mek'an o xe-ta xa je tef. 16Pero como xa man je mek'an-ta, y ni xe-ta je tef, mare' xque'nxa-a. 17Roma reje' niquibij che can c'o chic qui-mero, camas chic je biyoma'#Os 12.8. y can man jun chic cosa re nic'atzin-ta chique. Y man quitaman-ta che xa camas c'ayef quibanon chinoch yen. Xa camas je meba', xa can man jun cosa c'o quiq'uin, xa can je ch'anal, y chuka' can je moyi'. 18Mare' ninya' rutzijol chique, che tak reje' niquilok' oro, tiquilok'o' re c'o viq'uin yen,#Is 55.1. chin quire' can xque'oc-va biyoma'.#Mt 13.44. Roma re oro c'o viq'uin yen, can otz-va, roma k'asan chic pa k'ak' y manak tz'il riq'uin. Y chuka' tak reje' niquilok' tziak, can tiquilok'o' re tziak sak re c'o viq'uin yen, chin che nucuch rij re quiq'uex. Y chuka' viq'uin yen tiquilok'o-va re ak'om chin niquiya' pa quinak'avach chin che ye'tzu'un jabal. 19Y yen can nimbij re andex quibanon y can ye'mban corregir conojel re ye'njo'.#Job 5.17; Pr 3.11; He 12.5, 6. Mare' re hermanos re jec'o pa Laodicea can riq'uin ronojel cánma titzolaj chic-pa quic'o'x viq'uin. 20Roma yen can pa ruchi-jay yinc'o-va y yinvayon-apo. Anchique re xtic'axam-pa vichin y nujak re ruchi-jay chinoch,#Cnt 5.2; Is 1.18. xquinoc-apo#Jn 14.23. riq'uin y xquinva' riq'uin. Y re jun re' can xtiva' chuka' viq'uin yen. 21Y re anchique xtich'acon, can xtitz'uye' junan viq'uin chach re lok'olaj ch'acat.#Mt 19.28; 1 Co 6.2; 2 Ti 2.12; Ap 2.26. Can ancha'l re xban chua yen tak xinch'acon, can xintz'uye-va riq'uin re Nata' Dios. 22Y re anchique c'o ruxquin chin nuc'axaj, can tuc'axaj re nubij re Espíritu Santo chique re iglesias.
Currently Selected:
Apocalipsis 3: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.