Miq 5
5
Dios iwo siläta tä ihichela Niyat tä David leles tä lepes lheley elh tä tälhiyela Belén
1¡Jerusalén lheley, hutwek aka sip'älis,
atayhfwas inu amehen!
Lhamel iwo m'akayej Israel lhayis kaniyat,
y'ajej letsut häp lech'alo.
2Mat am, Belén tä Efrata,
ahäp hupuy tä niwuja
tä lhewej häp Judá lhayis lew'etes.
Mat otälhthila amho elh
tä niyathiyeja häp Israel,
wichi tä niyatey p'ante häp lhäs.#Mat 2.4-6
3Athana Lhawuk ileyej ayej laka wichi,
tataye atsinha tä iwohla lhäsa.
Wet lhäs tä ihichela
lhamlak ihutwek lepuhfwas
tä häpe Israel lhayis
tä õyokosp'antech'oye häp laka honhat.
4Lham neyhiphäla wet t'uhiyela laka wichi,
häp tä isej Lewuk Dios lakhajyhayaj lhäy'e lewujyaj.
Wet nech'e lhamel letamsekis ihihila,
tsi lham nech'e õ'tihiyeja lewujyaj
pajla'tha tajen honhat lepesey.
5Lham ichäjla n'amehen lhatamsek.
Chik Asirio lhayis näme lhaka honhat,
wet chik weschufwi häp lhaka hupuy tä takhajayhen,
y'achenhiyela lhaka niyatey
tä lhäy'e lhip tä takhajayhen,
häpkhilek tatayhlä lhamel.
6Wet lhamel ikalhihila Asiria,
häp honhat p'ante Nimrod ihi,#Gén 10.8-12
wet lhamel niyathiyeja
häpkhilek ifwayhat n'amejen,
tsi Asirio lhayis nämho t'at lhaka honhat.
Israel lhayis iyhäjfwas tä imälhehi
7Israel lhayis iyhäjfwas tä imälhehi
tä ihiche wichi iyhäj kahonhatil,
lhamel tehlat iwoye ayas tä Lhawuk ichen,
wet tehlat iwoye häp pelhay
tä nitsäype hal'ä tälhes,
tälhiyet'a hin'ol lenech'ethayaj.
8Israel lhayis iyhäjfwas tä imälhehi
tä ihiche wichi iyhäj kahonhatil,
lhamel tehlat iwoye t'owalhaj
tä iyej itshätäy iyhäj tä ihi tayhi,
wet tehlat iwoye t'owalhaj tä iyej tson'atas,
hiw'enho lewit'äyhyaj wet iwo lhipeya,
yäm nofwej.
9Häp tä mälhyejtso, Iwuk,
lenuhiyela atayhfwas wet lhämla nofwej.
Nofwila n'oka'tshayaj lhäy'e n'ocheyälis
10Lhawuk lhämet yok:
“Chik nichäthiyela ifwala tä otshupyene,
olänhihena haw'utey yel'atas
wet owasthihichela aka kaletas tä n'oka'tshayajchal.
11Owasthihichela aka hupuy,
wet othathichela kanhi nilhokej hupuy tä takhajayhen.
12Ohämthiyeja hiyawul
wet nemhit lew'enla han'ältshantses.
13Otifwiyeja acheyälis
lhäy'e tuntey tä len'okwiyej,
häpkhilek nemhit len'okwiyej akwey lhenhay.
14Otonhihichela hal'äy tä dios tsinha
tä lhey Asera lepeykas tä i'amejen,
wet oyämla matche tä owasthiche aka hupuy,
oyämlat nofw.
15Otihiyeja owäkw häp wichi iyhäj
tä niwoyaye olhämtes,
wet owohla lahayayej lakachuhanyajay.”
Currently Selected:
Miq 5: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.