Mal 4
4
Nämla Lhawuk laka ifwala
1Lhawuk tä laj letumfwaya yok:
–Nämla ifwala tä olham oka ifwala tä lechayohyaj tet iwoye n'onhonthi. Nilhokhiyeja wichi tä lhaichäjwethä lhäy'e iyhäj tä ni'isahen tehlat iwoye hup tä y'ohomche. Niwohit m'ak che imälhehihila, tsi ifwalatso che näm iwunhiyeja lhamel. 2Tha matla amel tä lehuminn'o wet lewoye olhämtes, o'isyaj tehlat iwoye ifwala tä isi atapehen, wet achesyaj tälhiyela. Letawetyenhiyejawethä, atehlat iwoye w'asetaj les tä tiyäjchephä tä tälho lehi. 3Che nichäte ifwalatso tä owaklhat, amel lhenlat äsaweta lhamel tä ni'isahen, tehlat iwoye honhat mok.
4“Tichunache olhämtes tä ot'unteji okawo Moisés täjte i'pe tachenaj tä Horeb. Häpehte tä owatläk nilhokej Israel lhayis iwoye t'at.
5“Lhek yahinya, ochenla amehen oka profeta Elías#Mat 11.14; 17.10-13; Luc 1.17 tä ayta nämhi oka ifwala tä wuj lhäy'e tä äytaj. 6Wet inityenhiyeja hin'ol lhäy'e leles yämthilek lha'isyenhen. Che niteyatso, onämla wet owit'äynhila aka honhat, oyämlat noj.”
Currently Selected:
Mal 4: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.