Jujé 5
5
1Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.
Kinja tamɔd
2Mee ndəaje’g neelé Njesigənea̰ ula Juje pana: Gə́ tɔl mbal gə́ kiaje mba kinja ne tamɔd Israɛlje gɔl kára ɓəi.
3Juje tɔl mbal gə́ kiaje ndá yeḛ inja ne tamɔd Israɛlje dɔdərloo gə́ Aralot. 4Aa ooje, ginee gə́ ar Juje inja ne tamɔd dee lé ɓa nee: Koso-dəwje lai gə́ d’unda loo mee ɓee gə́ Ejiptə teḛ lé diŋgamje gə́ to gə́ njérɔje lai lé d’wəi kag-rəw’g dɔdilaloo’g, goo kunda gə́ d’unda loo mee ɓee gə́ Ejiptə teḛ lé. 5Koso-dəwje lai neelé d’inja tamɔd dee mba̰ ɓa d’unda loo mee ɓee gə́ Ejiptə teḛ ɓəi, nɛ deḛ lai gə́ d’oji dee kag-rəw’g dɔdilaloo’g goo kunda gə́ d’unda loo mee ɓee gə́ Ejiptə teḛ lé d’inja tamɔd dee el. 6Mbata Israɛlje njaa dɔdilaloo’g as ləb dee rɔ-sɔ, saar mba kar ginkoji dəwje gə́ to njérɔje lai gə́ d’unda loo mee ɓee gə́ Ejiptə teḛ lé d’udu guduru mbata deḛ d’ila ŋgonkoji dɔ torndu Njesigənea̰’g el. Gelee gə́ nee ɓa Njesigənea̰ lé man ne rəa gə mba kar ɓee gə́ yeḛ man rəa ar bɔ deeje gə mba kar síjeḛ lé d’a koo el, to ɓee gə́ mbà gə ubu tə̰ji to keneŋ yaa̰ . 7Ŋgan deeje ɓa yeḛ ar dee taa tor dee, ndá Juje inja tamɔd dee mbata deḛ to njélal kinja tamɔd deeje mbata d’inja tamɔd dee loo gə́ d’aw rəbə lé el. 8Loo gə́ d’inja tamɔd dəwje neelé lai mba̰ ndá deḛ d’isi loo-si dee’g saar d’ar rɔ dee ər ya. 9Njesigənea̰ ula Juje pana: Ɓogənè m’ɔr ta rɔkul gə́ Ejiptə dɔ sí’g mba̰. Gelee gə́ nee ɓa d’unda ne ri loo neelé lə Gilgal un kudee mee ndəa gən saar teḛ ne ɓogənè tɔ.
Pag gə́ dɔtar gə́ deḛ ra mee ɓee gə́ Kana̰ lé
10Israɛlje d’isi Gilgal ndá, ndɔ dɔg-giree-sɔ mee naḭ’g neelé loo gə́ kàr a gə kur naŋg ndá deḛ ra naḭ Pag mee ndag-loo gə́ Jeriko tɔ . 11Bèlè gə́ njekorè goo ndɔ Pag lé deḛ d’usɔ kandə néje gə́ mee ɓee’g neelé ləm, gə muru gə́ lal əm-tiné ləma, gə kandə néje gə́ ndao ləm tɔ, deḛ d’usɔ néje neelé mee ndəa gə́ kára ba ya. 12Bèlè gə́ njekorè goo ndɔ Pag lé loo gə́ deḛ d’usɔ kandə néje gə́ mee ɓee’g neelé ndá muru gə́ ḭ dara lé gelee ŋgaŋ ar Israɛlje d’iŋga muru neelé gogo el ŋga ndá mee ləb’g neelé deḛ d’usɔ kandə néje gə́ mee ɓee gə́ Kana̰ ŋga .
Ɓé-njérɔje lə Njesigənea̰ teḛ dɔ Juje’g
13Loo gə́ Juje teḛ mbɔr Jeriko’g dəb ndá yeḛ un kəmee gə́ tar oo ne diŋgam kára gə́ aar nea̰’g gə kiambas gə́ yeḛ ɔr sɔlee’g jia’g. Yeḛ aw rəa’g dəjee pana: See i lé to gə́ ka̰ síjeḛ əsé ka̰ njéba̰je lə sí wa. 14Yeḛ ilá keneŋ pana: Wah! ma m’to ɓé-njérɔje lə Njesigənea̰ gə́ m’ree ɓasinè ɓəi.
Juje oso nea̰’g bəbərə dəb kəmee naŋg dəjee pana: See ta ɗi ɓa mbai ləm a kula kura ləa wa.
15Yen ŋga ɓé-njérɔje lə Njesigənea̰ lé ula Juje pana: Tɔr markob ləi gɔli’g mbata loo gə́ i aar keneŋ lé to loo gə́ to gə kəmee.
Ndá Juje ra togə́bè ya tɔ.
Currently Selected:
Jujé 5: SBA2015
Highlight
Share
Copy
Want to have your highlights saved across all your devices? Sign up or sign in
Ngambai Bible © Alliance Biblique du Tchad 1989, 2015.