Zôna 2
2
Zôna è Ɣâla fɛ̀li
1-2Tãi Zôna è kɛ̀ la ǹyɛ̃ɛi koi è Ŋɔɣâlai Yâwɛɛ fɛ̀li ǹyɛɛi,
“Ŋá wɔ́lɔ Nuu-namui ma tãi ŋá kɛ̀ la mɛni-kpɔ̂lu sui,
ǹyaŋ è ŋ́oo mɛ̀ni.
Ŋá wɔ̀lɔ saa-taa
í ŋ́oo mɛ́ni.
3Í ḿbìli yúo bari sáma,
ǹyái é tínaŋ ḿâ.
Ǹyá-ɣîliŋ da nya-fulei
dí ḿɛi pɛ̂lɛ.
4Nya ƃe ŋá mò a gɛɛ ƃa ŋ́gbɛ ŋa kula íŋɛi.
Ŋa pɔ̂ri ŋɔ́nɔ ípɛrɛ maa waai kâai léŋ?
5Ǹyái è ńzòŋ a ŋ́gwana,
barii tínaŋɔɔ ḿâ.
Ǹyái-tuma-laa-ŋai dí kpìniŋ ŋ́uŋ ma.
6Ŋá yèŋ ŋá seri ǹyái kpóŋ ma.
Tãi ŋá sèri la saa-taai,
nàa ge-ti-ŋai sɔ́ɔŋ è tòo ḿbôlu-pere wɔlɔ-wɔlɔ da wɔlɔ-wɔlɔ.
Kɛ́lɛ óo Yâwɛɛ Ŋáɣâlai,
í ŋ́ùla m̀olôŋ su í pá a ńyãa pôlu fúlu-laa su.
7Tãi ŋámɔ̂leŋ è fòa la ŋ́gbonôi,
Yâwɛɛ kíli è tòo ŋá ŋáɣâla-fɛli-wooi é seri mà
Ŋɔɣâla-pɛrɛ Kɛ́tɛi mu.
8Diai da díkili pù ǹúu-kpɛtɛ-ɣâla-ŋai dîa
nyii-ŋai díkaa nɔ́ kpɛ́ni-kpɛ́nii,
da dípôlu tɔ̀ɔ Ɣâla ŋɔƃɛlɛ-seei ma.
9Kɛ́lɛ ńyãai sɛɣɛ-fêi-woo káa ńai,
ŋa pâi sâla kulâi mà.
M̀ɛnii ŋá maa-kono-tee kɛ̀i, ŋa pâi gɛ̂i.
Ŋuŋ-ma-ƃô a kûla Yâwɛɛ yêei.”
10Nya ƃe Yâwɛɛ è lòno ǹyɛ̃ɛi pɔ́, é mài a Zôna zîŋ ma.
Currently Selected:
Zôna 2: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia