Ikilisiati 10
10
1Lilî lûla a wúru-ya kúŋ-nɛ̃ɛ kúŋ nyɔŋ. Bere sîi ŋí nɔ́ ƃé ƃoo mɛ̂ni loŋ a táre-kɛ́tɛ su kàra la.
2Gáa a ɣéniɛ mɛni. Táre-nuu a táre mɛni kɛ̀, ƃòo-nuu kɛ́ ƃòo mɛni kɛ̀. 3Da ƃoo-nuu kɔ̀lɔŋ zìa pêre da gɛ́ pere ma.
4Ímɛi-nuu à ǹíi ŋwàna yâ, ífe kùla ŋ̀óo mu. Ímaa yeŋ-pere a pâi gɛ̂i ǹíi ŋáa é yéŋ
5Ŋá ŋɔ́nɔ mɛni da kpɛ́ni gàa ŋ̀éniɛi ŋí su. Ǹyaa ƃa ǹúu láa túɛ-ƃelai da wôya mɛni támaa kɛ̀. 6Da tíi kpaya-kpaya tɛ̀ɛ m̀oo-ƃelai pɔ́, dí zɛŋ kɔ́lɔŋ-ƃelai lɛ́ɛ. 7Ŋa luɛ-ŋa kàa soo-ŋa pôlu, kâloŋ-lonii dí kɛ́ sìa díkɔɔ ŋá yɛ̂ɛ luɛ-ŋa.
8Núu da a lóa tèe a tôo maa loai su. Núu da a pɛ́rɛ kâŋ wòlo, kali a pɔ̂ri kulâi zu é m̀aa nûui nyíŋ. 9Ǹúui a kɛ̂ kɔni-wolo kûu sui, gɔni-ƃelai da a pɔ̂ri ŋ̀wânai. Núu a kɛ̀ wúru-ƃelai, ŋ̀úru-ƃelai da a pɔ̂ri ŋ̀wânai. 10A kɛ̀ íyuɔ̂i ŋá fé li ní, fɛ̂ɛ í ŋ̀á lí. A wàla kɛ́ tí, fɛ̂ɛ í bili a wála-wala-laa. Táre a pɔ̂ri gɛ̂i í tíi kɛ́ a fii kpɛ̂ɛ-pere. 11À kɛ̀ kali sâle zoo a mò a gɛɛ kali a nyíŋ, gɛ́ ní ŋɔkali zóo-laai tɔɔ̂i ƃa mí? 12Táre-nuu a lôno a ƃaa kɛ́-maa pere, kɛ́lɛ ƃaa kɛ́-maa fé ƃoo-nuu lóno-woo su. 13Ƃoo-nuu a pɛ̂lɛ lónoɔɔ ma a ƃoo-pere é gbéli kpɛ́ɛ a ƃoo-pere. 14Ƃoo-nuu a lôno a dámaa.
Núu da fé m̀ɛnii kɔ́lɔŋ pâi kɛ̂i. Gbɛ̂ɛ ƃé m̀ɛnii kɔ́lɔŋ pâi kɛ̂i la zaá pôlu mai.
15Ƃoo-nuu fé tíi kɛ́-pere kɔ́lɔŋ. M̀ɛni ma tíi loŋ a kpâla la ǹá.
16Kpalo ƃêlai kâa, káai kálɔii mɛi núui káa a lôloŋ. Ǹɔii-ƃelai nîa mɛni a kɛ̂i nɔ́ a lii-nɛ̃ɛ kuláa a kpíni da fóloi. 17Lûwa káa kâa, káai kálɔii mɛi nûui da ǹɔii-ƃelai da díkuu-ŋai mɛni kpɛ̀tɛ, díkɛ ŋ̀aa-see kɛ̀ tãi mai, díkɛ díkpîŋ mɛi kâa, dífa tela kpele-sãa kpanaŋ kpelei.
18Nyɛyɛŋ nuu va pɔ̂ri gbîŋ pɛrɛi pilîlii ɣelêi é maa tɛ́ a ǹɛ́lɛɛ. Ŋɔnyɛyɛŋ a gɛ̀ bɛ́rɛi é wólo.
19Kúu kɛ́ɛ káa a lii-nɛ̃ɛ kuláa. Lɔɔ a gɛ̀ núu kɛ́ koi-nɛ̃ɛ kùla. Kɛ́lɛ à kɛ̀ sɛŋ-kao fé núu yêei, va pɔ̂ri m̀ɛni-ŋai ŋí da kɛ̂i.
20Káfe kâloŋ kpaa máŋ tɔɔ-nuu da láa ƃò ŋ̀ɛ́i pôlu. Káfe kpîŋ kɛ̀ kâa ka pâi gɛ̂i kátɔnɔ kwaa ma. Kà gɛ̀ tí, ǹúui pâi liî a duŋ káfe pâi gɔ̂lɔnii. Ŋɔni loŋ da a pɔ̂ri liî a káwoo.
Currently Selected:
Ikilisiati 10: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia