Cnt 1
1
1A wal jun is poesía cham Salomón manxa watx'ilok ti'.
Babel Makan
Chi yal ix k'opoj axca ti':
2Tz'ubc'al el in ti' ach in camc'ulnebil. Yelxac'al watx' a camc'ulal chi wab yintak vino.
3Manxa watx'ilok yoc jabil perfume en, a wal yet chach binaji, lajan wal chi wab axca yel jabil perfume. Yuj tu' xan tok ay junok eb ix k'opoj tol c'am chach camc'ulneni.
4Iintok etok yin aymanil, iintok bay a cuarto xin ach wajawil, ẍi ix.
Chi yal eb amigo:
Manxa tzalojc'ulalok chon ayji ec' etok; caw wal ok jochej a camc'ulal yintak vino. Yuj tu' xan xiwil chi camel c'ul eb ix k'opoj en, ẍi eb.
Chi yal ix k'opoj axca ti':
5Ex ix aj Jerusalén, ayin ti' k'ekmak'inak wili, palta watx' wili; k'ek wili axca wal yili manteado bay Cedar, watx' wili axca yili cortina yul yatut cham Salomón.
6C'am chex ocxac'al t'anan win, yujtol k'ek wili, yujtol tz'anak in yuj yakan c'u. A eb nak in nuej max tit yowal eb win, max in yaon oc eb yin in taynen awoj uva, yuj tu' xan max in bek ilnej in ba.
7Ak' wojtaknej el ach in camc'ulnebil, ¿baytal chach ilwi calnel? ¿baytal chetok no' yebaj ba yet chuman c'u? ¿Tzet yuj xan tol chin ec'jab axca junok ix ix tol toc'al chi ec'jab xol eb et ilom calnelal? ẍi ix.
Chi yal eb amigo:
8Ta man ojtakok ach ix tol yelxac'al watx' eli xol eb ix ix watx' yili, tzaklojan yintak yakan no calnel, a bay tu' chel no' a yunetak chiwo, bay cawilal is lanchu eb ilom calnel tu', ẍi eb.
Chi yal nak:
9In camc'ulnebil ach, lajan ach chi wil axca junok no' k'opoj chej chi ec' xol is carruaje faraón.
10Watx'xac'al yili a sat nan xol yu a txiquin, watx'xac'al yili a nuk' bay ayoc ch'en uej.
11Ok co watx'nej yu a txiquin naba oro, ok oc ch'en plata yelbubok, ẍi nak.
Chi yal ix k'opoj:
12Yak'ban chotan ay wajawil bay is meẍa, axa an nardo chi el sumumok jabil win.
13A in camc'ulnebil lajan wal chi wab axca junok tx'uy an mirra, tol a wal bay txam in c'ul ayic'ok.
14A wal in camc'ulnebil lajan wal axca junok yuchan an alheña chi ch'ib bay En-gadi, ẍi ix.
Chi yal nak:
15Manxa watx'ilok eli ach in camc'ulnebil, caw wal watx' eli. Lajan yili a bak' sat axca yili no' cakmu, ẍi nak.
Chi yal ix k'opoj:
16Caw wal watx' eli ach in camc'ulnebil, caw wal watx' eli. A wal an yax ac'un ok oc co wayubok, ẍi ix.
Chi yal nak:
17A te c'ute' ok oc axca patzabilok co na, axa te q'uisis ok oc axca is patilok, ẍi nak.
Currently Selected:
Cnt 1: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989