Zac 5
5
Ri ruwaq achi'el achik'
1Chirij ri' k'o chik k'a jun xk'utumej chinuwech. Y xintz'et k'a chi k'o jun nim wuj ri beneq pa kaq'iq'. 2Y ri ángel xuk'utuj k'a chuwe ri achike ri yinajin chutz'etik. Y yin xinbij chi nintz'et jun wuj ri beneq pa kaq'iq' ri k'o waqi' jaj raqen y ka'i' jaj rik'in oxi' q'a'aj ri ruwech. 3K'ari' xubij chuwe: Chuwech la wuj k'o jun itzel oyonik ri xtibiyin chuwech chijun ri ruwach'ulew. Ri jun ruwech ri wuj tz'ibatel chi ri eleq'oma' xkeken. Y ri jun chik ruwech tz'ibatel chi ri nujikiba' ta rutzij ri xa man qitzij ta ri nubij, rija' kan man xtikolotej ta kan. 4Ri Jehová k'iytisanel richin ronojel nubij chi xtuteq re jun etzelanik re' richin napon pa kachoch ri winaqi' ri', y xa kan xtik'oje' k'a chiri' k'a toq xtik'is na el ri tem y ri abej chire ri kachoch, xcha'.
Ri ruwuq achi'el achik'
5Xeri' ri ángel ri nich'on wik'in xik'o-el chinuwech, y xubij chuwe chi tintz'eta' ri achike ri xtibek'ulun-pe. 6Yin xinbij chire chi man wetaman ta. Y rija' xubij chuwe chi ri' jun chakech ri nikusex richin etabel. Y re' nuk'exewachuj ri itzel kibanobal ri winaqi'. 7Ri chakech ri' tz'apen rik'in jun tz'apebel ri banon rik'in plomo. K'ari' xjaq-q'anej ruwi' ri chakech ri', y xintz'et chi chiri' tz'uyul jun ixoq. 8Ri ángel xubij chuwe chi re ixoq re' nuk'exewachuj ri etzelal. K'ari' xunim-qa chupan ri chakech, y xutz'apej chik kan ruwi'.
9Xitzu'un-q'anej chikaj y xintz'et e ka'i' ixoqi' yexik'an e peteneq qik'in, y janila nima'q ri kixik'. Y toq xe'oqaqa, xkitzeqej-el ri chakech richin xkik'uaj-el. 10Xink'utuj k'a chire ri ángel akuchi xtikik'uaj-wi ri chakech. 11Y rija' xubij chuwe chi xtikik'uaj-el pa ruwach'ulew Babilonia richin chi chiri' xtikipaba-q'anej jun rachoch ri ixoq ri k'o chupan ri chakech. Y toq xtik'achoj ri jay ri', chiri' xtich'okobex-wi, xcha'.
Currently Selected:
Zac 5: KQC
Highlight
Share
Copy
Want to have your highlights saved across all your devices? Sign up or sign in
Kaqchikel Bible © Bible Society in Guatemala, 2003.