ᒫᑯᓯᐅᑉ ᐊᒡᓚᖏᑦ 4
4
ᐊᑦᔨᐅᔪᖅ ᑲᓐᖓᖅᓱᐃᔪᖅ
ᒫᑎᐅᓯ 13:1-9; ᓘᑲᓯ 8:4-8
1 #
ᓘᑲᓯ 5:1-3. ᑭᖑᓂᖓᒍᑦ ᒐᓕᓕᐊᑉ ᑕᓯᕐᔪᐊᖓᑕ ᓴᓂᐊᓂ ᐊᔪᕆᖅᑐᐃᓕᕆᕗᖅ. ᐃᓄᒋᐊᒃᑐᕐᔪᐊᑦ ᐊᕙᑖᓂ ᐅᓄᓗᐊᕐᖕᓂᖏᓐᓄᑦ ᐅᒥᐊᒧᐊᖅᐳᖅ, ᑕᕝᕙᓂ ᐃᒃᓯᕙᓕᖅᐳᖅ ᐅᒥᐊᒥ ᐃᒫᓃᑦᑐᒥ, ᐃᓄᒋᐊᒃᑐᕐᔪᐊᓪᓗ ᑕᓯᐅᑉ ᓯᓈᓃᑉᐳᑦ. 2ᐊᑦᔨᐅᔪᓂ ᐊᑐᕐᓗᓂ ᐊᒥᓱᓂᒃ ᐊᔪᕆᖅᑐᖅᐰᑦ; ᐃᒫᒃ ᐅᖃᕐᕕᒋᓪᓗᒋᑦ:
3“ᓈᓚᒋᑦᓯ! ᐊᖑᑎᑕᖃᓚᐅᖅᐳᖅ ᑲᓐᖓᖅᓱᐃᔭᖅᑐᖅᑐᒥᒃ ᐱᕈᖅᓯᐊᒃᓴᓂᒃ. 4ᑲᓐᖓᖅᓱᐃᑎᓪᓗᒍ, ᐃᓚᖏᑦ ᐱᕈᖅᓯᐊᒃᓮᑦ ᐊᖅᑯᒻᒧᑦ ᑲᑕᒃᐳᑦ, ᑎᖕᒥᐊᑦ ᑕᒪᐅᓐᖓᕋᒥᒃ ᐳᑯᓕᖅᐰᑦ. 5ᐃᓚᖏᓪᓕ ᑲᑕᒃᐳᑦ ᐅᔭᕋᓛᓄᑦ ᐃᑦᔪᑭᑦᑐᒧᑦ,#4:5 ᐃᑦᔪᖅ- ᓯᕐᖕᒥᖅ ᐃᑦᔪᑭᑦᑐᒦᓇᒥᒃ ᐱᕈᖅᓯᐊᒃᓮᑦ ᐱᕈᑲᐅᖅᑐᖅᐳᑦ. 6ᓯᕿᓂᖅ ᓄᐃᖕᒪᑦ ᐱᕈᓕᓵᖅᑐᑦ ᐆᑕᐅᕗᑦ ᓯᕿᓂᕐᖕᒧᑦ; ᐱᕈᖅᑐᑦ ᐊᒫᑭᓗᐊᕋᒥᒃ#4:6 ᐂᕋᑭᓗᐊᕋᒥᒃ ᐊᑯᓂᐅᖏᑦᑐᖅ ᐸᓂᖅᐳᑦ. 7ᐃᓚᖏᓪᓕ ᐱᕈᖅᓯᐊᒃᓮᑦ ᑲᑕᒃᐳᑦ ᐅᖅᐲᑦ ᑲᑭᓪᓚᕐᖕᓇᖅᑐᓖᑦ ᐊᑯᕐᖓᓐᓄᑦ, ᑲᑭᓪᓚᕐᖕᓇᖅᑐᑦ ᐱᕈᕋᒥᒃ ᐱᕈᖅᑐᑦ ᐃᐱᑎᑉᐰᑦ, ᐱᕈᕐᕕᐅᔪᓐᓃᖅᖢᑎᒃ. 8ᐃᓚᖏᑦ ᐱᕈᖅᓯᐊᒃᓮᑦ ᑲᑕᒃᐳᑦ ᐃᑦᔪᖃᑦᓯᐊᖅᑐᒧᑦ, ᑖᒃᑯᐊ ᐱᕈᐸᓕᐊᓕᕋᒥᒃ, ᐃᓚᖏᑦ ᐱᕈᕐᕕᐅᓪᓗᑎᒃ 30ᓂᒃ, ᐃᓚᖏᓪᓗ 60ᓂᒃ, ᐃᓚᖏᓪᓗ 100ᓂᒃ.”
9ᐅᖃᕆᕗᖅ, “ᑐᓵᔪᓂᒃ ᓯᐅᑎᓖᑦ ᑐᓴᕐᓕᑦ.”
ᐊᑦᔨᐅᔪᑦ ᑖᒃᑯᐊ ᐅᖃᐅᓯᕆᔭᐅᑦᔪᑎᖏᑦ
ᒫᑎᐅᓯ 13:10-17; ᓘᑲᓯ 8:9-10
10ᐃᓄᑑᓕᕐᖕᒪᑦ, ᐃᓚᖏᑦ ᐅᖃᓪᓚᒃᑎᓪᓗᒍ ᑐᓵᖅᑲᐅᔪᑦ ᔩᓱᓯᒧᐊᖅᐳᑦ ᐃᓕᓐᓂᐊᖅᑎᖏᑦ 12 ᐃᓚᒋᓪᓗᒋᑦ, ᐊᐱᕆᓪᓗᑎᒃ ᐊᑦᔨᐅᔪᒥᒃ ᑖᑦᓱᒥᖓ ᑐᑭᓯᓇᖅᓯᑎᑦᓯᖁᓪᓗᒍ. 11ᑭᐅᕔᑦ, “ᐃᓕᑦᓯ ᓇᓗᓇᖅᑐᒥᒃ ᖃᐅᔨᑎᑕᐅᕗᓯ ᒎᑎᐅᑉ ᐊᑕᓂᐅᕕᖓᓂᒃ, ᐊᓯᓯᓕ ᒎᑎᐅᑉ ᐊᑕᓂᐅᕕᖓᑕ ᓯᓚᑖᓃᑦᑐᑦ ᑐᓴᖅᑎᑕᐅᕗᑦ ᐊᑦᔨᐅᔪᑎᒍᑦ; 12#ᐂᓮᐊᓯ 6:9,10.ᑍᒪ,
‘ᐃᔨᒥᖕᓄᑦ ᑕᑯᒐᓗᐊᕐᓗᑎᒃ, ᐃᓕᑕᖅᓯᖁᓇᒋᑦ,
ᓯᐅᑎᒥᖕᓄᓪᓗ ᑐᓵᒐᓗᐊᕐᓗᑎᒃ, ᑐᑭᓯᖁᓇᒋᑦ;
ᑍᒤᓐᖏᒃᑯᑎᒃ ᒎᑎᒧᑦ ᓵᒋᐊᕋᔭᕐᖕᒪᑕ,
ᑖᑦᓱᒪ ᐃᓱᒪᒋᔪᓐᓁᕐᕕᒋᒐᔭᕐᖕᒪᒋᑦ ᐊᔪᕐᖕᓂᖏᓐᓂᑦ.’”
ᔩᓱᓯᐅᑉ ᑐᑭᓯᓇᖅᓯᑎᑦᓯᓂᖓ ᑲᓐᖓᖅᓱᐃᔫᑉ ᐊᑦᔨᐅᑎᑕᐅᓂᖓᓂᒃ
ᒫᑎᐅᓯ 13:18-23; ᓘᑲᓯ 8:11-15
13ᔩᓱᓯᐅᑉ ᐅᖃᐅᑎᕔᑦ, “ᑕᒪᑐᒥᖓ ᐊᑦᔨᐅᔪᒥᒃ ᑐᑭᓯᓐᖏᓚᓰ? ᖃᓄᕐᓕ ᑕᕝᕙ ᐊᑦᔨᐅᔪᓂᒃ ᓇᓕᐊᓐᓂᑐᐃᓐᓇᖅ ᑐᑭᓯᔪᓐᓇᕐᖕᓂᐊᖅᐱᓰ? 14ᑲᓐᖓᖅᓱᐃᔨ ᑲᓐᖓᖅᓱᐃᕗᖅ ᒎᑎᐅᑉ ᐅᖃᐅᓯᖏᓐᓂᒃ. 15ᐃᓄᐃᑦ ᐃᓚᖏᑦ ᐱᕈᖅᓯᐊᒃᓴᑎᑐᑦ ᐊᖅᑯᑎᒧᑦ ᑲᓐᖓᖅᓲᑎᒋᔭᐅᔪᑎᑐᑦ ᑍᒤᑉᐳᑦ, ᐅᖃᐅᓯᕐᖕᓂᒃ ᑐᓴᕐᖕᒪᑕ, ᓵᑖᓇᓯᐅᑉ ᑕᕝᕙ ᐅᐸᑦᑕᐅᑎᒋᕔᑦ ᐅᖃᐅᓰᑦ ᑖᒃᑯᓄᖓ ᑲᓐᖓᖅᓲᑎᒋᔭᐅᔪᑦ ᐲᔭᖅᐰᑦ. 16ᐃᓚᖏᑦ ᐃᓄᐃᑦ ᐱᕈᖅᓯᐊᒃᓴᑎᑐᑦ ᐅᔭᕋᓛᓄᑦ ᓄᓇᑭᑦᑐᒧᑦ ᑲᓐᖓᖅᓲᑎᒋᔭᐅᔪᑎᑐᑦ ᑍᒤᑉᐳᑦ, ᐅᖃᐅᓯᕐᖕᓂᒃ ᑐᓴᕋᒥᒃ, ᑕᕝᕔᓐᓇᖅ ᐃᓚᓕᐅᕆᕗᑦ ᖁᕕᐊᓱᒡᓗᑎᒃ; 17ᐅᖃᐅᓰᑦ ᐊᒫᖅᑖᖏᓐᓇᒥᒃ, ᑲᔪᓯᓂᖃᖅᐳᑦ ᓯᕕᑭᑦᑐᒥᒃ; ᐅᖁᒤᑦᑐᑦ ᐊᑭᕋᖅᑐᖅᑕᐅᓃᓪᓗ ᐱᒋᐊᓕᕐᖕᒪᑕ ᐅᖃᐅᓰᑦ ᐱᑦᔪᑎᒋᓪᓗᒋᑦ, ᑕᕝᕔᓐᓇᖅ ᓴᐱᓕᑲᐅᑎᒋᕗᑦ.#4:17 ᓴᐱᕐᕆᐊᑦᓴᐅᑎᒋᕗᑦ 18ᐃᓚᖏᑦ ᐃᓄᐃᑦ ᐱᕈᖅᓯᐊᒃᓴᑎᑐᑦ ᐅᖅᐱᖕᓄᑦ ᑲᑭᓪᓚᕐᖕᓇᖅᑐᓕᖕᓄᑦ ᑲᓐᖓᖅᓲᑎᒋᔭᐅᔪᑎᑐᑦ ᑍᒤᑉᐳᑦ; ᑖᒃᑯᐊᖑᕗᑦ ᐅᖃᐅᓯᕐᖕᓂᒃ ᑐᓴᖅᑐᑦ, 19ᐃᓅᓯᐅᑉ ᑕᒪᑐᒪ ᐃᓱᒪᔮᕐᖕᓇᕐᖕᓂᖓᓄᑦ, ᐊᔪᖅᓴᖏᑦᑐᒪᓂᕐᖕᒧᓪᓗ, ᐊᓯᖏᓐᓄᓪᓗ ᐱᔪᒪᕕᒃᔪᐊᕐᖕᓂᕐᖕᓄᑦ ᑎᑭᕝᕕᐅᓕᕋᒥᒃ ᐅᖃᐅᓰᑦ ᐃᐱᑎᑕᐅᕗᑦ ᑕᒪᒃᑯᓄᖓ, ᐱᕈᕐᕕᐅᔪᓐᓇᖅᓯᓇᑎᒃ. 20ᐃᓚᖏᓪᓕ ᐃᓄᐃᑦ ᐱᕈᖅᓯᐊᒃᓴᑎᑐᑦ ᐃᑦᔪᖃᑦᓯᐊᖅᑐᒧᑦ ᑲᓐᖓᖅᓲᑎᒋᔭᐅᔪᑎᑐᑦ ᑍᒤᑉᐳᑦ; ᑖᒃᑯᐊᖑᕗᑦ ᐅᖃᐅᓯᕐᖕᓂᒃ ᑐᓴᕋᒥᒃ ᐃᓚᓕᐅᕆᔪᑦ ᐱᕈᕐᕕᐅᓕᕐᓗᑎᒃ, ᐃᓚᖏᑦ 30ᓂᒃ, ᐃᓚᖏᓪᓗ 60ᓂᒃ, ᐃᓚᖏᓪᓗ 100ᓂᒃ.”
ᓇᓂᕈᐊᖅ ᖃᑦᑕᐅᔭᐅᑉ ᐊᑖᓃᑦᑐᖅ
ᓘᑲᓯ 8:16-18
21 #
ᒫᑎᐅᓯ 5:15; ᓘᑲᓯ 11:33. ᔩᓱᓯᐅᑉ ᐅᖃᐅᑎᕔᑦ, “ᓇᓂᕈᐊᕐᖕᒥᒃ ᐃᑎᖅᓯᔪᖃᓲᖑᕚ ᐃᓕᓪᓗᒍ ᖃᑦᑕᐅᔭᐅᑉ ᐊᑖᓄᑦ, ᐅᕝᕙᓗ ᓯᓂᒃᕕᐅᑉ ᐊᑖᓄᑦ ᓇᓂᕈᐊᑉ ᐃᓂᖓᓄᐊᖅᑕᐅᒐᔭᓐᖏᓛᖅ? 22#ᒫᑎᐅᓯ 10:26; ᓘᑲᓯ 12:2.ᐃᔨᖅᑕᐅᓯᒪᔪᖅ ᓴᖅᑭᑎᑕᐅᔪᒫᖅᐳᖅ ᐃᔨᕐᕕᖃᖏᑦᑐᒧᑦ; ᐊᓐᖏᐊᕆᔭᐅᔪᖅ ᓴᖅᑭᑎᑕᐅᔪᒫᐳᖅ ᖃᐅᒪᔪᒧᑦ. 23ᑐᓵᔪᓂᒃ ᓯᐅᑎᓕᒃ, ᑐᓴᕐᓕ.”
24 #
ᒫᑎᐅᓯ 7:2; ᓘᑲᓯ 6:38. ᐅᖃᐅᑎᕔᑦ, “ᑐᓴᖅᑕᑦᓯᓐᓂᒃ ᐃᒃᐱᒍᓱᑦᓯᐊᕆᑦᓯ; ᐊᓯᑦᓯᓐᓄᑦ ᐃᖅᑲᖅᑐᐃᓂᓯ ᒪᓕᒡᓗᒍ ᒎᑎᒧᑦ ᐃᖅᑲᖅᑐᖅᑕᐅᔪᒫᕆᕗᓯ, ᐊᒡᓛᑦ ᖃᐅᔨᓴᖅᑕᐅᒻᒪᕆᖕᓂᖅᓴᐅᓗᓯ. 25#ᒫᑎᐅᓯ 13:12; 25:29; ᓘᑲᓯ 19:26.ᐱᖃᖅᑐᖅ ᑐᓂᓯᕕᐅᒃᑲᓐᓂᕐᖕᓂᐊᖅᐳᖅ; ᐱᖃᖏᑦᑐᕐᓕ ᐊᖅᓵᖅᑕᐅᓂᐊᖅᐳᖅ ᒥᑭᔪᒥᒡᓘᓐᓃᑦ ᐱᖃᕋᓗᐊᖅᐸᑦ.”
ᐊᑦᔨᐅᔪᖅ ᐱᕈᖅᓯᐊᒃᓴᐅᑉ ᐱᕈᖅᐸᓪᓕᐊᓂᖓ
26ᐅᖃᕆᕗᖅ, “ᒎᑎᐅᑉ ᐊᑕᓂᐅᕕᖓ ᐃᒤᑦᑑᔮᖅᐳᖅ ᐊᖑᑦ ᐱᕈᖅᓯᐊᒃᓮᑦ ᑲᓐᖓᖅᓲᑎᒃᓴᖓᓂᒃ ᑲᓐᖓᖅᓱᐃᔪᖅ ᐱᕈᖅᓰᕕᖁᑎᒥᓂ, 27ᐅᓐᓄᐊᖑᓕᕐᖕᒪᑦ ᓯᓂᓕᖅᐳᖅ ᒪᑭᓪᓗᓂᓗ ᐅᓪᓛᒃᑯᑦ, ᐱᕈᖅᓯᐊᒃᓮᑦ ᑲᓐᖓᖅᓲᑎᒋᓯᒪᔭᖏᑦ ᓄᐃᓕᖅᐳᑦ ᐱᕈᓕᕐᓗᑎᒃ, ᑖᓐᓇ ᖃᐅᔨᒪᓐᖏᓚᖅ ᖃᓄᖅ ᐱᖕᒪᖔᑕ. 28ᓄᓇᕐᔪᐊᑉ ᑕᒪᑐᒪ ᓇᖕᒥᓂᖅ ᓂᕆᑎᒻᒪᒋᑦ ᐱᕈᖅᑎᓪᓗᓂᒋᓪᓗ, ᐱᕈᖅᑐᑦ ᐱᕈᕐᕕᐅᓕᖅᐳᑦ, ᓯᕗᓪᓕᕐᖕᒥᒃ ᐱᕈᓯᒐᒥᒃ ᓄᐃᓕᖅᐳᑦ, ᑭᖑᓂᖓᒍᑦ ᓂᐊᖁᖅᑖᓯᕗᑦ, ᑭᖑᓪᓕᖅᐹᒥᒃ ᓂᐊᖁᖏᑦ ᐱᕈᖅᓯᐊᒃᓴᖃᓕᖅᐳᑦ. 29#ᔪᐃᓕ 3:13.ᐱᕈᖅᑐᑦ ᐱᕈᕇᑦᓯᐊᕐᖕᒪᑕ, ᐊᖑᑎᐅᑉ ᓇᑲᑎᓕᖅᐰᑦ ᓇᑲᑎᕆᑦᔪᑎᒥᓄᑦ, ᐱᕈᖅᑐᓂᒃ ᑲᑎᖅᓱᐃᕕᒃ ᓇᓪᓕᐅᑎᖕᒪᑦ.”
ᐊᑦᔨᐅᔪᖅ ᐱᕈᖅᓯᐊᑉ ᑲᓐᖓᖅᓲᑎᒃᓴᖅᑕᖓ
ᒫᑎᐅᓯ 13:31-32,34; ᓘᑲᓯ 13:18-19
30ᐅᖃᕆᕗᖅ, “ᖃᓄᕐᓕ ᒎᑎᐅᑉ ᐊᑕᓂᐅᕕᖓ ᐊᑦᔨᖃᕐᖕᓂᕋᕈᓐᓇᖅᐸᕗᑦ ᓱᓇᒥᒡᓗ ᐊᑦᔨᐅᔪᒥᒃ ᐊᑐᕈᓐᓇᖅᐱᑕ? 31ᐃᒤᑦᑑᔭᖅᐳᖅ; ᐊᖑᑦ ᐱᕈᖅᓯᐊᒃᓴᐅᑉ ᑲᓐᖓᖅᓲᑎᒃᓴᖅᑕᖓᓂᒃ ᒪᓯᑕᕐᑦᒥᒃ ᑎᒍᓯᒐᒥ ᓄᓇᒧᑦ ᑲᓐᖓᖅᓲᑎᒋᕚ, ᑖᓐᓇ ᓄᓇᕐᔪᐊᕐᖕᒥ ᐱᕈᖅᓯᐊᒃᓴᓂᑦ ᒥᑭᓐᓂᖅᐸᐅᕗᖅ; 32ᑭᖑᓂᖓᒍᑦ ᑖᓐᓇ ᑲᓐᖓᖅᓲᑕᐅᒐᒥ ᐱᕈᖅᐸᓪᓕᐊᓯᕗᖅ ᐱᕈᖅᑐᓕᒫᓂᑦ ᐊᖏᓂᖅᐸᐅᓕᕐᓗᓂ, ᐊᕙᓚᖓᔪᖏᑦ ᐊᖏᒡᓕᕐᖕᒪᑕ, ᑎᖕᒥᐊᑦ ᑕᕝᕙᓂ ᐅᓪᓗᖃᕈᓐᓇᓕᖅᐳᑦ ᑕᕐᕋᓕᓂᖓᓂ.”
33ᐃᓄᖕᓂᒃ ᐊᔪᕆᖅᑐᐃᕗᖅ ᐊᑦᔨᐅᔪᓂᒃ ᐊᑐᕐᓗᓂ, ᐊᑦᔨᐅᔪᑦ ᑖᒃᑯᐊ ᐊᓯᖏᓐᓂᒃ ᐊᒥᓱᓂᒃ ᐊᔪᕆᖅᑐᐃᑦᔪᑎᖃᕆᕗᖅ, ᐅᖃᓪᓚᒡᕕᒋᕔᑦ ᑐᑭᓯᔪᓐᓇᖅᑕᖏᑎᒍᑦ; 34ᐊᑦᔨᐅᔪᑦ ᐊᓯᐊᒍᑦ ᐅᖃᓪᓚᒃᕕᒋᓐᖏᓔᑦ, ᐃᓕᓐᓂᐊᖅᑎᓂ ᐃᓚᑐᐊᕆᓕᕌᖓᒥᒋᑦ, ᐅᖃᐅᓯᕆᖅᑲᐅᔭᒥᓂᒃ ᐊᑦᔨᐅᔪᓂᒃ ᑕᒤᓐᓂᒃ ᓇᓗᓁᖅᓯᕕᒋᖃᑦᑕᖅᐰᑦ.
ᔩᓱᓯᐅᑉ ᐃᑯᓪᓚᖅᑎᑦᓯᓂᖓ ᐊᓄᕆᒥᒃ
ᒫᑎᐅᓯ 8:23-27; ᓘᑲᓯ 8:22-25
35ᐅᓪᓗᒥ ᑕᕝᕙᓂ ᐅᓐᓄᖕᒪᑦ, ᐃᓕᓐᓂᐊᖅᑎᓂ ᐅᖃᐅᑎᕔᑦ, “ᑕᓯᐅᑉ ᐊᑭᐊᓄᐊᓚᐅᖅᑕ.” 36ᐃᓄᒋᐊᒃᑐᕐᔪᐊᑦ ᕿᒪᒃᓗᒋᑦ, ᐃᓕᓐᓂᐊᖅᑎᖏᑦ ᐅᒥᐊᒧᐊᖅᐳᑦ ᔩᓱᓯᐅᑉ ᐃᒃᓯᕙᕕᒋᔭᖓᓄᑦ. ᐅᒥᐊᖑᖃᑎᖏᑦᑕᐅᖅ ᒪᓕᒃᑭᕗᑦ. 37ᐊᓄᕆᕐᔪᐊᕐᖕᒧᑦ ᑎᑭᑕᐅᕗᑦ, ᒪᓪᓕᓕᖅᑐᐊᓘᖕᒪᑦ ᐅᒥᐊᖅ ᖃᓪᓕᕋᖅᑕᖅᑕᐅᓕᕐᖕᒪᑦ, ᐃᒻᒪᒃᐸᓪᓕᐊᓕᕐᓗᓂ. 38ᔩᓱᓯ ᐅᒥᐊᑉ ᐊᖁᐊᓂ ᓯᓂᒃᐳᖅ, ᐊᑭᓯᖅᓯᒪᓪᓗᓂ; ᐃᓕᓐᓂᐊᖅᑎᖏᑕ ᑐᐹᕐᓗᒍ ᐅᖃᐅᑎᕚᑦ, “ᐊᔪᕆᖅᑐᐃᔩ ᖃᓄᐃᒃᓴᓐᖏᓚᑏᑦ ᑐᖁᑐᐃᓐᓇᕋᓗᐊᕈᑦᑕ?”
39ᑐᐸᒐᒥ ᐊᓄᕆ ᐃᓂᖅᑎᖅᐹ, ᐃᒪᕐᖕᒧᑦ ᐅᖃᖅᐳᖅ, “ᐃᑯᓪᓚᕐᓗᑎᑦ ᓄᖅᑲᕆᑦ!” ᐊᓄᕆ ᐃᑯᓪᓚᖅᐳᖅ, ᐃᒪᖅ ᐃᑯᓪᓕᐊᒻᒪᕆᓕᕐᓗᓂ. 40ᐃᓕᓐᓂᐊᖅᑎᓂ ᐅᖃᐅᑎᕔᑦ, “ᓱᖕᒪᑦ ᑲᑉᐱᐊᓱᒃᐱᓯ? ᓱᓕ ᐅᒃᐱᕐᓂᖃᓐᖏᓚᓰ?”
41ᑖᒃᑯᐊ ᑲᒪᕗᑦ ᐊᖏᔪᒥᒃ, ᐃᒻᒥᖕᓄᑦ ᐅᖃᖃᑦᑕᐅᑎᓪᓗᑎᒃ, “ᖃᓄᐃᑦᑑᒐᒥᐅᓇ, ᐊᓄᕆᐅᑉ ᐃᒪᐅᓪᓗ ᓈᓚᒍᓐᓇᖅᑕᖓ!”
Currently Selected:
ᒫᑯᓯᐅᑉ ᐊᒡᓚᖏᑦ 4: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.