ᐃᓗᐊᖅᓮᔩᑦ ᐊᒡᓚᖏᑦ 19
19
ᓕᕔᑎ ᓄᓕᐊᖓᓗ
1ᐅᓪᓗᓂ ᑍᒃᑯᓇᓂ ᐃᓴᕆᐊᓕᒃᑯ ᐊᖓᔪᖅᑳᕐᔪᐊᖃᓚᐅᖏᒻᒪᑕ, ᓕᕔᑎᖃᓚᐅᖅᐳᖅ ᓄᓇᖃᓚᐅᖅᑐᒥᒃ ᐃᕗᕅᒥᐅᑉ ᖃᖅᑲᖏᑕ ᐃᓱᐊᓂ. ᐱᑦᓕᐊᒥᑦ ᔫᑕᒦᑦᑐᒥᑦ ᐊᕐᖕᓇᒥᒃ ᑎᒍᓯᓚᐅᖅᐳᖅ ᓄᓕᐊᕆᒃᑲᓐᓂᕈᒪᓪᓗᒍ. 2ᐊᕐᖕᓇᐅᓪᓕ ᓂᓐᖓᐅᑎᓚᐅᖅᐹ ᐊᓯᐊᓃᓕᖅᓗᓂ, ᐅᑎᓚᐅᖅᐳᕐᓗ ᐊᑖᑕᒃᑯᒥᑕ ᐃᒡᓗᖓᓄᑦ ᐱᑦᓕᐊᒧᑦ ᔫᑕᒦᑦᑐᒧᑦ, ᑕᕝᕙᓃᓚᐅᖅᐳᕐᓗ ᑕᖅᑭᓂᒃ ᓯᑕᒪᓂᒃ. 3ᐊᖑᓪᓗ ᐊᐅᓪᓚᓚᐅᖅᐳᖅ ᒪᓕᒃᓴᖅᓗᒍ, ᐃᓚᓐᓂᖅᓴᖅᓗᒍ ᐅᑎᖅᑎᑦᓱᒪᓪᓗᒍ, ᐱᔨᓂᓗ ᐱᖃᑎᒋᓪᓗᒍ ᒪᕐᕉᖕᓂᒡᓗ ᓯᐅᑎᖅᑯᖅᑐᔫᖕᓂᒃ ᓇᒃᓴᖅᓗᓂ ᐊᐅᓪᓚᖅᐳᖅ, ᐊᕐᖕᓇᐅᓪᓗ ᓕᕔᑎ ᐃᑎᖅᑎᑉᐹ ᐃᒡᓗᒧᑦ, ᐊᑖᑕᖓᑕᓗ ᑕᑯᒐᒥᐅᒃ ᖁᕕᐊᓱᒡᓗᓂ ᑐᓐᖓᓱᒃᑎᑉᐹ. 4ᓴᑭᖓᑕ ᐊᕐᖕᓇᐅᑉ ᐊᑖᑕᖓᑕ, ᑕᕝᕙᓃᖁᒻᒪᕆᓚᐅᖅᐹ, ᑍᒤᒻᒪᑦ ᐅᓪᓗᓂᒃ ᐱᖓᓱᓂᒃ ᑕᕝᕙᓃᑉᐳᖅ, ᑖᒃᑯᐊᒃ ᐂᑉᐸᕇᒃ ᓂᕆᕙᒃᓗᑎᒃ ᐃᒥᖅᐸᒃᓗᑎᒡᓗ ᓯᓂᒃᑕᖅᐴᒃ ᑕᕝᕙᓂ. 5ᐅᓪᓗᐃᓪᓕ ᓯᑕᒪᖓᓐᓂ ᐅᓪᓛᒻᒪᕆᒃᑯᑦ ᑐᐸᒃᐸᒃᑲᒥᒃ, ᐸᕐᖕᓇᓕᓚᐅᖅᐳᖅ ᐊᐅᓪᓚᕈᒪᓪᓗᓂ, ᐊᕐᖕᓇᐅᓪᓕ ᐊᑖᑕᖓᑕ ᓂᖓᐅᓂ ᐅᖃᐅᑎᕚ, “ᓂᕆᖅᑳᑬᓐᓇᕆᑦ, ᓄᑭᖃᑦᓯᐊᕐᖕᓂᐊᕋᕕᑦ, ᑭᖑᓂᖓᓂ ᐊᐅᓪᓚᕈᓐᓇᕐᖕᓂᐊᖅᐳᑎᑦ.”
6ᑖᒃᑯᐊᒃ ᐊᖑᑏᒃ ᒪᕐᕉᒃ ᐃᒃᓯᕙᖃᑎᒌᓚᐅᖅᐴᒃ ᓂᕆᖃᑎᒌᒡᓗᑎᒃ ᐃᒥᖃᑎᒌᒡᓗᑎᒡᓗ; ᐊᕐᖕᓇᐅᓪᓗ ᐊᑖᑕᖓᑕ ᐊᖑᑦ ᐅᖃᐅᑎᕚ, “ᑐᓐᖓᓱᒡᓗᑎᑦ ᓯᓂᒃᑕᒃᑲᓐᓂᑬᓐᓇᕆᑦ ᖁᕕᐊᓱᒡᓗᑎᓪᓗ.”
7ᓕᕔᑎᓕ ᒪᑭᑉᐳᖅ ᐊᐅᓪᓚᕈᒪᓪᓗᓂ, ᓴᑭᖓᑕᓕ ᐊᔪᐃᓐᓈᕆᕚ ᓯᓂᒃᑕᒃᑲᓐᓂᖁᓪᓗᒍ, ᐊᓱᐃᓛᒃ ᓯᓂᒃᑕᒃᑲᓐᓂᓚᐅᖅᐳᖅ. 8ᐅᓪᓗᐃᓪᓕ ᑕᓪᓕᒪᒋᓕᖅᑕᖓᓂ ᐅᓪᓛᒻᒪᕆᒃᑯᑦ ᒪᑭᓐᓇᒥ ᐊᐅᓪᓚᕋᓱᐊᓕᓚᐅᖅᐳᖅ, ᐊᕐᖕᓇᐅᓪᓕ ᐊᑖᑕᖓᑕ ᐅᖃᐅᑎᕚ, “ᓂᕆᑬᓐᓇᕆᑦ, ᐅᑕᖅᑭᓗᑎᑦ ᐅᓪᓗᑐᖃᐅᓕᖅᐸᑦ ᐊᐅᓪᓚᕐᖕᓂᐊᖅᐳᑎᑦ”. ᐊᓱᐃᓛᒃ ᑖᒃᑯᐊᒃ ᒪᕐᕉᒃ ᐊᖑᑏᒃ ᓂᕆᖃᑎᒋᓕᖅᐴᒃ.
9ᑖᓐᓇ ᐊᖑᑦ, ᓄᓕᐊᖓᓗ, ᐱᔨᖓᓗ ᐊᐅᓪᓚᕋᓱᐊᓕᖅᑎᓪᓗᒋᑦ, ᐊᑖᑕᖓᑕ ᐅᖃᐅᑎᕚ, “ᑕᑯᒋᑦ, ᐅᓐᓄᓕᓕᕐᖕᒪᑦ ᒫᓐᓇ; ᑕᕝᕙᓃᑐᐃᓐᓇᓕᕆᑦ ᐅᓐᓄᐊᒥ, ᑖᖅᓯᔭᕇᓚᖓᓕᕐᖕᒪᑦ, ᑕᕝᕙᓃᑐᐃᓐᓇᓕᕆᑦ ᑐᓐᖓᓱᒡᓗᑎᑦ, ᓯᓂᒃᑕᓕᕆᑦ ᖃᐅᒃᐸᑦ ᐅᓪᓛᒻᒪᕆᒃᑯᑦ ᐊᐅᓪᓚᕐᖕᓂᐊᖅᐳᑎᑦ ᐊᖏᕐᕋᖅᓗᑎᓪᓗ.”
10ᐊᖑᓪᓕ ᑖᓐᓇ ᐅᓐᓄᐊᒥ ᑕᕝᕙᓃᒃᑲᓐᓂᕈᒪᓐᖏᓚᖅ; ᐊᐅᓪᓚᖅᓗᑎᒡᓗ, ᑎᑭᓐᓇᒥᒃ ᔨᐳᓯᐅᑉ ᐊᑭᐊᓄᑦ (ᑖᓐᓇ ᔨᕉᓴᓕᒻ). ᓯᐅᑎᖅᑯᖅᑐᔪᖁᑎᖃᓚᐅᖅᐳᖅ ᒪᕐᕉᖕᓂᒃ ᐃᒃᓯᕙᕕᓖᖕᓂᒃ, ᓄᓕᐊᒃᑲᓐᓂᓂ ᐃᓚᒋᓪᓗᒍ. 11ᔨᐳᓯᐅᑉ ᖃᓂᒋᔭᖓᓃᓕᖅᑎᓪᓗᒋᑦ, ᐅᓪᓗᖅ ᐊᓂᒍᓕᖅᑎᓪᓗᒍ ᖃᒡᓕᒐᒥᒃ ᔨᐳᓯᒧᑦ ᐱᔨᐅᑉ ᐊᖓᔪᖅᑳᓂ ᐅᖃᐅᑎᕚ, “ᐊᑏ ᓴᖑᓚᐅᖅᑕ ᔨᐳᓮᑎᑦ ᐃᒡᓗᒐᓴᖏᓐᓄᑦ, ᑕᕝᕙᓂ ᓯᓂᒃᑕᖅᓗᑕ.”
12ᐊᖓᔪᖅᑳᖓᑕᓕ ᐅᖃᐅᑎᕚ, “ᐃᒡᓗᒐᓴᖕᓄᑦ ᓄᖅᑲᕐᖕᓂᐊᓐᖏᓚᒍᑦ ᐃᓅᖃᑎᒋᓐᖏᑕᑦᑎᓐᓂ, ᐃᓴᕆᐊᓕᒥᐅᖑᖏᑦᑐᓂ; ᖄᖏᕐᖕᓂᐊᖅᐳᒍᑦ ᒋᐱᐊᒧᑦ.” 13ᐱᔨᒥᓄᓪᓗ ᐅᖃᕆᓪᓗᓂ, “ᐊᑏ ᑍᒃᑯᐊ ᐃᒡᓗᒐᓮᑦ ᑎᑭᓐᓇᓱᐊᓕᖅᓚᕗᑦ ᑕᒻᒫᕆᐊᖅᑐᖅᓗᑕ ᒋᐱᐊᒥ ᐅᕝᕙᓘᓐᓃᑦ ᕌᒪᒥ.” 14ᑍᒤᒻᒪᑦ ᖄᖏᖅᐳᑦ ᔨᐸᓯᒥᒃ ᑲᔪᓯᓪᓗᑎᒃ ᐃᖏᕐᕋᓚᐅᖅᐳᑦ; ᓯᕿᓂᖅ ᓂᐱᓚᐅᖅᐳᖅ ᒋᐱᐊᒧᑦ ᖃᒡᓕᑎᓪᓗᒋᑦ ᐱᓐᔭᒥᓂᐅᑉ ᑭᖑᕚᖏᑕ ᓄᓇᖓᓄᑦ. 15ᐃᒡᓗᒐᓴᖕᓄᑦ ᓴᖑᓪᓗᑎᒃ, ᐃᑎᖅᐳᑦ ᓯᓂᒃᑕᕈᒪᓪᓗᑎᒃ ᒋᐱᐊᒥ, ᐊᖅᑯᑏᑦ ᐊᑯᓐᓂᖓᓂ ᐱᕕᑐᔪᒥ ᐃᒃᓯᕙᓕᖅᐳᑦ ᐃᒡᓗᒐᓴᖕᓂ, ᑭᓇᒧᓪᓘᓐᓂᑦ ᕾᖁᔭᐅᖏᓐᓇᒥᒃ ᐃᒡᓗᒥᓂ ᓯᓂᒃᑕᖁᔭᐅᓗᑎᒃ.
16ᑕᑯᒋᓪᓗ, ᐃᑦᑐᖅ ᕾᕗᖅ ᐱᓇᓱᐊᖅᑐᕕᓂᖅ ᐱᕈᖅᓰᕕᖕᒥᒃ ᐅᓐᓄᒃᑯᑦ; ᑖᓐᓇ ᖃᖅᑲᓕᖕᒥ ᐃᕗᕅᒥᒥ ᓄᓇᖃᖅᑐᖅ, ᒋᐱᐊᒥ. ᑕᕝᕙᓂᓕ ᐃᓄᐃᑦ ᓄᓇᖃᖅᑐᑦ ᐱᓐᔭᒥᓂᐅᑉ ᑭᖑᕚᕆᓚᐅᖅᐰᑦ. 17ᑖᓐᓇ ᐃᑦᑐᖅ ᑕᑯᓴᕋᒥ, ᓂᐅᕐᕈᐊᖅ ᑕᑯᕚ ᐃᒡᓗᒐᓮᑦ ᐊᖅᑯᑎᖓᑕ ᐱᕕᑐᓂᖓᓃᑦᑐᖅ, ᐃᑦᑑᑉ ᐊᐱᕆᕚ, “ᓇᒧᓐᖓᐅᕖᑦ? ᓇᑭᓪᓗ ᑎᑭᑉᐱᑦ?”
18ᓕᕔᑎᐅᑉ ᑭᐅᕚ, “ᐱᑦᓕᐊᒥᐅᑕᐅᕗᒍᑦ ᔫᑕᒦᑦᑐᒥ, ᐃᕗᕅᒥᒧᓪᓗ ᖃᖅᑲᓕᖕᒧᑦ ᐂᕗᒍᑦ ᑕᐅᕙᓂᒥᐅᖑᒐᒪ, ᐱᑦᓕᐊᒧᑦ ᔫᑕᒦᑦᑐᒧᑦ ᐂᓚᐅᕋᒪ; ᒫᓐᓇᓕ ᐊᖏᕐᕋᐅᓕᖅᐳᖓ; 19ᐃᕕᒃᓱᒐᖃᖅᐳᒍᑦ ᓂᕿᒃᓴᖃᖅᓗᑕᓗ ᓯᐅᑎᖅᑯᖅᑐᔪᖁᑎᑦᑎᓐᓄᑦ, ᓂᐊᖂᔭᖃᖅᓗᑕᓗ ᕔᓂᒥᒡᓗ ᓄᓕᐊᒃᑲᓐᓂᓐᓄᑦ ᐅᕙᓐᓄᓪᓗ ᐱᔨᓐᓄᓪᓗ; ᓱᓇᒥᒃ ᑭᓐᖒᒪᒃᓕᖏᒃᑲᓗᐊᖅᓗᑕ ᓱᓇᓕᒫᓂᒃ ᐱᑕᖃᕋᑦᑕ.”
20ᐃᑦᑐᕐᓕ ᐅᖃᖅᐳᖅ, “ᑐᓐᖓᓱᒋᑦᓯ ᐅᕙᑦᑎᓐᓄᑦ! ᑲᒪᒋᑦᓯᐊᕐᖕᓂᐊᖅᐸᑦᓯ ᐱᔭᕆᐊᖃᖅᑕᑦᓯᓐᓂᒃ; ᑕᒫᓂ ᑭᓯᐊᓂ ᐱᕕᑐᓂᕐᖕᒥ ᐊᖅᑯᑎᒥ ᓯᓂᒃᑕᕋᓱᐊᖏᓪᓗᓯ.” 21ᑕᕝᕙ ᐃᒡᓗᒥᓄᑦ ᐊᖏᕐᕋᐅᑎᕔᑦ, ᓂᕆᑎᓪᓗᒋᓪᓗ ᓯᐅᑎᖅᑯᖅᑐᔪᖁᑎᖏᑦ, ᐃᑎᒐᖏᓪᓗ ᐅᐊᓴᖅᐰᑦ ᓂᕆᑎᓪᓗᒋᓪᓗ ᐃᒥᖅᑎᑉᐰᑦ.
22 #
ᒨᓯᓯ ᓯᕗᓪᓖᑦ 19:5-8. ᖁᕕᐊᓱᖃᑎᒋᓕᖅᓗᒋᓪᓗ, ᑕᕝᕔᓐᓇᖅ ᓄᓕᐊᕐᖕᓂᕐᖕᒥᒃ ᐊᑐᕐᖕᓂᖅᓗᒃᑎᓂᑦ ᐃᒡᓗᖓ ᐊᕙᑕᖏᖅᑕᐅᕗᖅ ᐅᒃᑯᐊᖓᓂᒡᓗ ᐊᑦᓴᖅᑕᖅᓗᑎᒃ; ᐊᖑᓪᓗ ᐃᑦᑐᖅ ᐅᖃᐅᑎᕚᑦ, “ᐊᖑᑦ ᑍᓐᓇ ᐊᖏᕐᕋᐅᑎᔧᑦ ᐊᓂᑎᒍᒃ! ᓄᓕᐊᕈᒪᒐᑦᑎᒍ!”
23ᑖᓐᓇᓕ ᐊᖑᑦ ᐃᑦᑐᖅ ᐃᒡᓗᖃᖅᑐᖅ ᐊᓂᕗᖅ ᐅᖃᐅᑎᓪᓗᒋᓪᓗ, “ᑍᒤᓕᐅᕋᓯ, ᖃᑕᓐᖑᑎᒃᑳ! ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕋᓯ, ᑖᓐᓇ ᐊᖑᑦ ᐃᒡᓗᒥᐅᑕᕆᒐᒃᑯ. 24ᑕᑯᒋᑦ! ᑕᕝᕙ ᓄᓕᐊᒃᑲᓐᓂᖓ ᐸᓂᒐᓗ ᐅᐃᒡᒐᓱᒃ ᐊᖑᒻᒧᑦ ᐊᒃᑐᖅᑕᐅᓚᐅᖅᓯᒪᖏᑦᑐᖅ. ᑖᒃᑯᐊᒃ ᐊᓂᑎᓐᓂᐊᖅᐹᒃᑲᒃ, ᑖᒃᑯᐊᓗ ᐱᔪᓐᓇᖅᐸᓯ. ᐃᓱᒤᓐᓇᕐᕈᑎᒋᓂᐊᕋᑦᓯᐅᒃ, ᑭᓯᐊᓂᓕ ᐱᐅᖏᑦᑐᐊᓗᖕᒥᒃ ᐱᓇᓱᐊᖅᑍᓕᒋᑦᓯ ᐊᖑᒻᒧᑦ ᑖᑦᓱᒧᖓ!” 25ᑖᒃᑯᐊᓕ ᐊᖑᑎᑦ ᓈᓚᒍᒪᓚᐅᓐᖏᓚᑦ ᑖᑦᓱᒥᖓ, ᑍᒤᒻᒪᑦ ᓕᕔᑎᐅᑉ ᓄᓕᐊᒃᑲᓐᓂᖓ ᐊᓂᑎᑉᐹ ᑖᒃᑯᓄᖓ, ᑖᓐᓇᓗ ᓄᓕᐊᖅᐹᑦ ᐱᓕᕆᐊᕆᓪᓗᒍᓗ ᐅᓐᓄᐊᓕᒫᖅ ᓄᖅᑲᓚᐅᕋᑎᒃ ᐅᓪᓛᖅ ᑎᑭᓪᓗᒍ, ᖃᐅᒻᒪᓕᖅᑎᓪᓗᒍ ᓴᒃᑯᑍᓐᓇᖅᐹᑦ.
26ᐅᓪᓛᓐᖑᓕᕐᖕᒪᓪᓗ ᐊᕐᖕᓇᖅ ᕾᕗᖅ ᐅᕐᕈᓪᓗᓂᓗ ᐊᖑᑎᐅᑉ ᐃᑦᑑᑉ ᐅᒃᑯᐊᖓᓄᑦ, ᐅᐃᖓᑕ ᓇᔪᖅᑕᖓᓄᑦ, ᑕᕝᕙᓃᖏᓐᓇᓚᐅᖅᐳᕐᓗ ᖃᐅᒻᒪᓕᖅᑎᓪᓗᒍ. 27ᐅᐃᖓᓗ ᒪᑭᓐᓇᒥ ᐅᓪᓛᒃᑯᑦ, ᐊᓂᓕᖅᓗᓂᓗ ᐅᒃᑯᐊᖅ ᒪᑐᐃᕋᒥᐅᒃ, ᓄᓕᐊᒃᑲᓐᓂᓂ ᑕᑯᕚ ᓇᓚᔪᖅ ᐃᒡᓘᑉ ᓯᓚᑖᓂ ᑕᓕᖏᒃ ᐃᓵᖓᔫᒃ ᐅᒃᑯᐊᒧᑦ. 28ᐅᖃᐅᑎᕚᓗ, “ᒪᑭᓕᕆᑦ, ᐊᑏ ᐊᐅᓪᓚᓕᖅᑕ.” ᑖᓐᓇᓕ ᑭᐅᓐᖏᓚᖅ. ᑕᕝᕙ ᑎᒥᖓ ᓯᐅᑎᖅᑯᖅᑐᔪᒧᐊᖅᐹ; ᐊᐅᓪᓚᖅᓗᓂᓗ ᐊᖏᕐᕋᐅᓕᖅᓗᓂ. 29#ᓴᒧᐃᓕ ᓯᕗᓪᓖᑦ 11:7.ᐊᖏᕐᕋᕋᒥᓗ ᐃᒡᓗᒥᓄᑦ ᐃᑎᖅᐳᖅ ᓴᕕᖕᒥᒡᓗ ᑎᒍᓯᓪᓗᓂ. ᓄᓕᐊᒃᑲᓐᓂᖓᑕᓗ ᑎᒥᖓ ᐊᒡᒍᖅᐹ 12ᓕᓪᓗᒍ, ᐊᐅᓪᓚᖅᑎᑉᐰᓪᓗ ᐃᓴᕆᐊᓕᐅᑉ ᑭᖑᕚᓕᒫᖏᓐᓄᑦ 12ᓄᑦ ᐊᑐᓂᑦ. 30ᐃᓘᓐᓇᑎᒃ ᑕᑯᔪᑦ ᐅᖃᖅᐳᑦ, “ᑍᒤᑦᑐᐊᓗᖕᒥᒃ ᑕᑯᓚᐅᖅᓯᒪᓐᖏᓚᒍᑦ! ᑍᒫᒃ ᐱᔪᖃᓚᐅᖅᓯᒪᓐᖏᓚᖅ ᐃᓴᕆᐊᓕᒥᐅᑦ ᐊᐅᓪᓚᓚᐅᖅᓯᒪᖕᒪᑕ ᐄᑦᔨᑉᑎᒥᑦ ᐅᓪᓗᒥᒧᑦ ᑎᑭᓪᓗᒍ, ᐃᓱᒪᒃᓴᖅᓯᐅᕆᐊᖃᓕᖅᐳᒍᑦ ᑲᑎᒪᖃᑎᒌᒡᓗᑕ ᐅᖃᖃᑎᒌᒡᓗᑕᓗ.”
Currently Selected:
ᐃᓗᐊᖅᓮᔩᑦ ᐊᒡᓚᖏᑦ 19: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.