PĀ GƏ̄ 136
136
Ī-tɔ̄yī nge kajə Israel
1Ī-tɔ̄yī Kɔ́ɔ̄ɓē tɔdɔ̄ ni i de kə́ majə,
kem majə yān to ngándáńg.
2Ī-tɔ̄yī Nə́ɓā kə́ dɔ nə́ɓā gə̄ tə́ malang,
tɔdɔ̄ kem majə yān to ngándáńg.
3Ī-tɔ̄yī Kɔ́ɔ̄ɓē kə́ dɔ kɔ́ɔ̄ ɓē gə̄ tə́,
tɔdɔ̄ kem majə yān to ngándáńg.
4I nəkɔ́ ngóy n rāā yá̰á̰ kə́ yáā kə́ bo ngá̰ý gə̄ ní,
tɔdɔ̄ kem majə yān to ngándáńg.
5I nəkɔ́ ngóy n rāā dɔ rā̰ kə kum kedēé ní,
tɔdɔ̄ kem majə yān to ngándáńg.
6Ni-rāā dɔ nang adə̄ ra ngan̄g dɔ bā bo gə̄ tə́,
tɔdɔ̄ kem majə yān to ngándáńg.
7Ni-rāā yá̰á̰ kə́ bo gə̄ kə́ unjə̄n̄ kow,
tɔdɔ̄ kem majə yān to ngándáńg.
8Rāā mbang kadə̄ o̰o̰ ɓē dɔ loo kə́ kadaá tə́,
tɔdɔ̄ kem majə yān to ngándáńg.
9Nāā ō tə́yō̰ gə̄ ō, kadə̄ o̰o̰n̄ ɓē dɔ loo kə́ ndɔ̄ɔ́ tə́,
tɔdɔ̄ kem majə yān to ngándáńg.
10Ni tɔ̄l̄ ngáń hágə gə̄ kə́ Ejiptə tə́,
tɔdɔ̄ kem majə yān to ngándáńg.
11Ni teē kə Israel gə̄ kɔ̄ɔ́ kem ɓē kə́ Ejiptə tə́,
tɔdɔ̄ kem majə yān to ngándáńg.
12Teē sedə́ kɔ̄ɔ́ kə tɔ́gə jīn ń əla kə̄ dɔɔ́ ní,
tɔdɔ̄ kem majə yān to ngándáńg.
13Ni-gān̄g bā tə̄ɓā gə̄ naā tə́ jōó,
tɔdɔ̄ kem majə yān to ngándáńg.
14Adə̄ ngán Israel gə̄ mānə̄n̄ danaá,
tɔdɔ̄ kem majə yān to ngándáńg.
15Banī mbəre Parao̰ kə áskar yān gēé tə́nīdə́ kum tə́,
tɔdɔ̄ kem majə yān to ngándáńg.
16Ni-njə̄rā kə gír deē yān gēé kem dəla loo tə́,
tɔdɔ̄ kem majə yān to ngándáńg.
17Ni ənda mban̄g kə́ bo gə̄,
tɔdɔ̄ kem majə yān to ngándáńg.
18Ni tɔ̄l̄ mban̄g kə́ ngan̄g ngá̰ý gə̄,
tɔdɔ̄ kem majə yān to ngándáńg.
19Tɔ̄l̄ Sihon mban̄g yā Amor gə̄,
tɔdɔ̄ kem majə yān to ngándáńg.
20Tɔ̄l̄ Og mban̄g kə́ Basan ō,
tɔdɔ̄ kem majə yān to ngándáńg.
21Gō tə́ anī un dɔ nang yādə́ adə̄ yá̰a̰ ndəbā tə́,
tɔdɔ̄ kem majə yān to ngándáńg.
22Adə̄ Israel ń i nge kəla yān ní yá̰a̰ ndəbā tə́,
tɔdɔ̄ kem majə yān to ngándáńg.
23Dan ń yá̰á̰ kə́ to kum tō ndoō teē dɔjí tə́ ní,
əga kemən dɔjí tə́,
tɔdɔ̄ kem majə yān to ngándáńg.
24Ni-taājí jī ngé rɔ̄ɔ̄jí gə̄ tə́ əya̰jí dɔɔ́,
tɔdɔ̄ kem majə yān to ngándáńg.
25Ni-adə̄ yá̰a̰ malang kə́ ndi kə kumuú yá̰a̰ kəsa,
tɔdɔ̄ kem majə yān to ngándáńg.
26Ī-tɔ̄yī Nə́ɓā kə́ dɔ rā̰ tə́,
tɔdɔ̄ kem majə yān to ngándáńg.
Currently Selected:
PĀ GƏ̄ 136: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.