2 Tes 1
1
Lapia
1Mî Pol nat kï Silas kï Timote m'ndang maktub 'nten m'ad ngékawna kï Tesalonikt, kï în deg lo Luwah kï Bøwj, kï kï lo Bïraþe loj Jeju Krist. 2Kï Luwah kï Bøw, kï Bïraþe Jeju Krist adsïn majkurr kï lapia.
Bïraþe a ðe kïta gangta dø degt
3Ngankõ, maj kad kï ða mersi Luwah kïkanj nyata kïtatøsï. I goðobat kad kï ða nya 'nten kïta kadkam losï ndï aw kï ketekete ngãibe, tar lo dekïðen kusït tube kï ro ngankõt ndï bïla kï døt døt tø. 4Kïtø 'nten, jî kïþe kï døj, ndï kï gaburo kïtatøsï kam ngékawnat lo Luwah, kïta høtøgbá losï, kï kadkam losï'n i ndï i høn sem, na iren rosï njirrirr kam darondogt kï kamkølg tube 'nten døsït. 5Nyag'n non i najkïma kï to kï tïga wakïsï dø tat kï gang kïdenesew lo Luwah; kïta daiyog'n i ndï i dain kamkõt, a ða ad asïn ta kõþe lo Luwah. 6I goðobat ro Luwaht kad ad kamkøl deg'n ndï adsïn kamkøl. 7Na îgïn kamsï ndï øl ye, Luwah a ad i taankò nat sej. Nya 'nten a ða nya titbe lon Bïraþe Jeju a tee høi ko dõ dørãt nat kï malaikag lon kï ngétøg. 8Bïraþe Jeju a tee høi kam horrt kï kõ gilingiling kad ndah ngïra dø degt'n gerïn Luwah al, kï dø degt'n mbetïn hoita kïmaj lo Bïraþe loj Jeju. 9Oon nya'n a ða deg'n non la ten: Nyakïto a ðad ad i nuj kï tamtî kï mbãkïnõt, a în sãi takum Bïraþet, kï tøg loa kï tøitøi. 10Nya 'nten a ðad ndø tel Bïraþe Jejut. Deg'n hã în kï loa ye, a ndubïna, îgïn adïn kamd Luwah ye, a adïna køsïgon. În tø, a în nat kï deg loa kïjaþat kïta i ndigïn najkïma'n j'elsï taa. 11Kïtø 'nten la kï ndï kï j'elïn ta kï Luwah kïtatøsï kïndøgndøg ye, kï kø Luwah kïtakad telsï degt kï asïn ta kun'n Luwah kunsï kï kumkajirt. Kïtøkad ða sesï kïtakul tøl'n ad i tølïn kon ndig ða losï kïmaj, kad kadkam losï asïnatap kam kïla ðant. 12Titbe la tø Bïraþe a ngahn køsïgon kusït, în tø a i ngahn køsïgon roat kïtakul kamkë lo Luwah loj kï kï lo Bïraþe Jeju Krist.
Currently Selected:
2 Tes 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.