1 Kor 15
15
Þai Jeju Krist lo koit
1Tajigla, ngankom m'ad i gerïn girr hoita kïmaj kï m'lasï mbera, kï i taan tø, kï i ndï i høn sem tajigla. 2I ndï ajïn kïtakul hoita kïmaj'n non, i ndï høn hoita kïmaj sem tit'n m'lasïn mbera a? Titbe al a ne, kadkam losï i kïndang pãbe. 3Kïtø nyandoon m'la jisït dasabang la, i nya'n m'taa tø, ad i ta 'nten: Krist oi kïta majalg loj kïgo tat kï kam Maktubt lo Luwah, 4duwïna, na Luwah ada þai lo koit ndøt kïkõmïta, kïgo tat kï kam Maktubt; 5tee høi kï ro Kepast, ad i Pierr kamla kï ro ngéndoogt kïkïlah gidaijoo. 6Gog got tee høi kï ro ngankõt madg tøin þumi lon kawïn na kïnat lo kïðabe. Koosïdeg ngãibe kudt ndïn kï død dõ, na kïmadg kudt oin. 7Gog got tee høi kï ro Jakt kamla kï ro ngombangkïlagt tube ye. 8Gog godt tube Krist tee høi kï romt, mî tø tit kï ro det'n hã oojïna dø kagat al. 9Kïtø mî kïdu tøi ndeg ngombangkïlag tube, m'asï kad kunmïn ngombangkïla al, kïta m'da ro ngékawna lo Luwah ndo. 10Titbe kaa, kïtakul kamkë lo Luwah la mîn nya'n mî ye; na kamkë'n Luwah øjïm, to kï ndang al, ad m'ða kïla ngãi tøi ndeg ngombangkïlag tube; na mî ngeða kïla'n non al, kamkë lo Luwah'n ða sem kïla, îla i ngeðaa ye. 11Kïtø 'nten ke mî, ke ngombangkïlag'n non, titbe la kï ndï kï lasï mber hoita kïmaj, titbe la i ndï adïn ne kamsï Krist ye.
Ta dø þai ngétaata lo Krist lo koit
12Na jî taa, kï ndï kï la mber ta þai Krist ku ngékoit, kïtøði deg madg kusït ndï elïn ne anan: þai deg lo koit goto bat bat a? 13Na îla deg a þain lo koit al a ne, Krist þai lo koit al tø. 14Îla Krist þai lo koit al a ne, ta'n ndï kï la mbera i kïndang pãbe, kadkam Krist kaa ne, i kïndang pãbe tø. 15Îla deg a þain lo koit al, ad Luwah ad Krist þai lo koit al tø a ne, jî kï døj jî ngémanaj kï ngom kï tïga wakïsï dø Luwaht, kïta j'el j'an Luwah ad Krist þai lo koit. 16Na îla þai deg lo koit goto a ne, Luwah ad Krist þai lo koit al ho tø. 17Îla Krist þai lo koit al a ne, kadkamsï Krist i kï ndang pãbe tø, în kam majalt losï þaitø. 18Mbã deg'n oin kam Krist't kaa ne, în deg kï nujïn kø. 19Îla kï ndah kamj dø Krist't kad ða sej dø ndït kï døj dõ koon a ne, jî nyakoo kumtondo kï rota tøi deg tube. 20Na rota, Krist þai ku ngékoit woi, i kand kïdasabang ku degt'n oin. 21Kïtø tit ka'n koi ðen kïtakul de ye, titbe tø la þai ngékoig ðen kïtakul de ho ye. 22Tit'n deg tube ndï oin kam Adamt ye, titbe tø deg tube a ngahn kumkajir kam Krist't ho.
23Na dekïðen a þai lo koit kï dø kaglo lon. Krist la þai lo koit dasabang ye, kamla deg'n în kï loa a þain kaglo ðeat ho ye. 24Got gog, døboi nyagt Krist a nuj tøgg kïmajal tube kï awïn kï tøg, na ndï õnþe døjt. Kamla a la kõþe ji Luwaht kï Bøw. 25Kïtø kari na, Krist a õþe mbã kad Luwah la madngétaag tube girr tøgat. 26Madngeta kï døboit'n Krist a nuja kø i koi. 27Kïtø Maktub lo Luwah el an: Luwah la nyag tube girr tøgat. Na lon Krist a el an: Nyag tube în girr tøgïmt ye, Luwah i kïþe kï døn gotot. Kïtø Luwah ad nyag tube în girr tøg Krist't.
28Na lon Luwah ad nyag tube în girr tøg Krist't, kamla Ngon î kïþe kï døn, a la døn girr tøg Bøwïnt kad nyakïndahg tube gerïn maj, Luwah i Luwah kïðabedo dø nyagt tube.
29Îla titbe al a ne, deg madg ndï ðan baptem kïta ngékoig kïtøði a? Îla deg a þain lo koit al bat a ne, kïtøði deg ndï ðan ne baptem got degt kï oin a? 30Jî tø, kïtøði kï lan roj kø ad kï ndï ta koit døkàdt kïðen a? 31Rota, ngankom m'ndï ta koit kïndøgndøg. M'elta 'nten kïta m'ndï m'ða ronel døsït kam ndïjt kï dø dõ nat kï Krist Jeju kï Bïraþe loj. 32Îla i kïgo nyaða degt hã m'ðøøn kï dãg kï mut kam þebot kï Epesï a ne, maja i ði kïtam a? Îla deg þain lo koit al a ne, i soot kad kï sanya ho, kï j'ãi nya ho, kïta loti j'a kï j'oi, tit'n elïn ne kam terrtat ye be. 33Ot kad üsïn mut, ða namna kï deg kïmajal ndï tuj hal kïro.
34Adïn kumsï ja, kad nyaðasï i goðobat. Maj kad i ðan majal al, kïta deg madg kusït gerïn Luwah al. M'elsï ta 'nten kad rosï sølsïn.
Deg a þãin lo koit kï dãro kï titbãi a?
35Na de mad a ndïje ta, an: titbãi ndï adïn deg þain ne lo koit a? A þain lo koit kï dãro kï titbãi a? 36I gaa maj oo. Kumnya'n i dub ye, a oi kamla got a ne, a þa ye. 37Na kumnya'n i dub nõ, i ro nya'n a þa ndø madt nõ al, na i kumnyakoon, maja i tëi, ke kumnya mad kïðang. 38Na Luwah ndï ada kádro mad tit'n ndigïn, ke kumnya kïðen ndï ada kádro kï sumba døa. 39Nyandahg kï kumkajir tube awïn kï dãro kïkïða al, kïmad i dã de, kïmad i dã dãg, kïmad i dã yelg, kïmad i dã kanjg. 40Ro nyag kï dørãt ton nõ, ro nyag kï døningt ton nõ tø. Na ro nyag kï dørãt majd i tadang kï ro nyag kï døningt. 41Kunj kàd i dang, kunj nah i dang ho, kunj kïmëg i dang, kamla kunj kïmë mad i dang kï kïmë madg. 42Lon deg a þain lo koit a i titbe tø. Dãro de'n duwïna ye, i dãro kï a ndum, na lon a þai lo koit a ne, a i dãro kïkanj ndum. 43Lon duwïna ye, i dãrot kï dangt, na lon a þai a ne, i dãro kïmaj dum. Lon duwïna ye, i dãro kï tøga goto, na lon a þai a ne, i dãro kïngang. 44Lon duwïna ye, i dãro de kï dã, na lon a þai a ne, i dãro kï Ndil. Îla tal dãro de to nõ a ne, dãro kïgo ndilt to nõ tø ho. 45Kïtø 'nten tø la ndangïn ne kam Maktubt, an: De kï dasabang ad i Adam tel ro kï kumkajir.
Na Adam kï døboit i Ndil kï ngekad deg kumkajir. 46Na în hã i kïgo ndilt hã ðe dasa al, na în hã i kïgo dãrot tã, kamla î kïgo Ndilt ðe ye. 47Luwah þa de kï dasabang kï bu døning, de'n non ðana kï bu døning, na de kïkõjoo ðisï ko dørãt. 48Deg'n þand kï buning în tit de'n Luwah þaa kï buning. Deg'n Luwah ad'd ðisïn ko dørãt tit'n kï de'n ðisï ko kï dørãt. 49Tit'n kï lan þakumta de'n Luwah þaa kï buning ye, titbe tø la j'a kï lan þakumta de'n ðisï ko dørãt. 50Ngankom, girr ta lom laten: nya kï ða kï dãro kï mosï asï ngah kõþe lo Luwah al, nya kï ndum asï ngah nya kï dum ndum al tø. 51Oon maj. M'a m'tee dø takïmulnd m'adsï, jî tube hã, j'a kï j'oin al, na Luwah a mbelj tube. 52A mbeljïn kanangbe titbelkum kï nda sep be, lon towmand kï døboit a kø. Kïtø lon towmand a ko ye, deg a þain lo koit, kï dãro kï dum ndum, jî tø j'a kï mbel. 53Kïtø kari na dãro kï ndum 'nten a la dum ndum ront. 54Na lon nya 'nten ða nya ye, dãro kï ndum a la dum ndum, dãro kï koi a la dum koi tø kamla, nyag a ðan nya tit'n ndangïn ne kam maktubt: Urïn koi ad goto kam tetðøøt kïbo. 55Î koi tetðøø loi i ða a? Î lo kï koo, tøgi kad i ðan nyakïto kï de i ða a? 56Koi asï ða nya kï to kï deg kïtø majal kï ða lod, na ngah tøg dø degt kïta mberkïnda lo Moij. 57Na ad kï j'adïn mersi Luwah, în adj tetðøø kïtakul Bïraþe loj Jeju Krist. 58Kïtø 'nten ngankom ngétar lom, kï i ðan bijir kïkanj kørr kø. Kï i ðan kïla lo Bïraþe kï døtdøt kïkanj nyata. Kïtø i gerïn kad kør'n i ndï ørïn kam kïlat nat kï Bïraþe i kari kïndang al.
Currently Selected:
1 Kor 15: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.