Kutendeka 5
5
Nvyalo kufuma pali Adamu mpaka pali Noa
(1 Milandu Ya Nsiku 1.1-4)
1 #
Kut 1.27-28
Keki i kitabu kya nvyalo yakua Adamu.
Leza lu-aalengele muntu, waamukitile wapaleene ni Leza. 2#Mat 19.4; Mk 10.6Leza waalengele mwalalume ni mwanakazi, waabapaalile ni kubenika liina lya muntu bobo busiku bubaalengelue. 3Adamu lu-aakumaniizie myaka 130, waavyele mwana mwalalume mu lukebu lwakue, wapaleene nakue ni kumwinika Seti. 4Pa kyamba kya kuvyala Seti, Adamu waikeele pa kyalo myaka 800 ni kuvyala bange baana balalume ni banakazi. 5Adamu waafwile wali na myaka 930.
6Seti lu-aakumaniizie myaka 105, waavyele mwana mwalalume ni kumwinika Enoshi. 7Pa kyamba kya kuvyala Enoshi, Seti waikeele pa kyalo myaka 807 ni kuvyala bange baana balalume ni banakazi. 8Seti waafwile wali na myaka 912.
9Enoshi lu-aakumaniizie myaka 90, waavyele mwana mwalalume ni kumwinika Kenani, 10pa kyamba kya kuvyala Kenani, Enoshi waikeele pa kyalo myaka 815 ni kuvyala bange baana balalume ni banakazi. 11Enoshi waafwile wali na myaka 905.
12Kenani lu-aakumaniizie myaka 70, waavyele mwana mwalalume ni kumwinika Mahalaleli. 13Pa kyamba kya kuvyala Mahalaleli, Kenani waikeele pa kyalo myaka 840 ni kuvyala bange baana balalume ni banakazi. 14Kenani waafwile wali na myaka 910.
15Mahalaleli lu-aakumaniizie myaka 65, waavyele mwana mwalalume ni kumwinika Yaredi, 16pa kyamba kya kuvyala Yaredi, Mahalaleli waikeele pa kyalo myaka 830 ni kuvyala bange baana balalume ni banakazi. 17Mahalaleli waafwile wali na myaka 895.
18Yaredi lu-aakumaniizie myaka 162, waavyele mwana mwalalume ni kumwinika Enoki, 19pa kyamba kya kuvyala Enoki, Yaredi waikeele pa kyalo myaka 800 ni kuvyala bange baana balalume ni banakazi. 20Yaredi waafwile wali na myaka 962.
21Enoki lu-aakumaniizie myaka 65, waavyele mwana mwalalume ni kumwinika Metusela. 22Pa kyamba kya kuvyala Metusela, Enoki waendele pamo ni Leza myaka 300, kabili waavyele ni bange baana balalume ni banakazi. 23Enoki waafwile wali na myaka 365. 24#Bae 11.5; Yud 14Enoki waendele pamo ni Leza, kabili taamwenekele pantu waatwemue na Leza wakosele.
25Metusela lu-aakumaniizie myaka 187, waavyele mwana mwalalume ni kumwinika Lameki, 26pa kyamba kya kuvyala Lameki, Metusela waikeele pa kyalo myaka 782 ni kuvyala bange baana balalume ni banakazi. 27Metusela waafwile wali na myaka 969.
28Lameki lu-aakumaniizie myaka 182, waavyele mwana mwalalume 29ni kumwinika Noa.#5.29 Noa: Leli liina lya Noa mu Kiebrania i kulanda nangue “kutuuzia.” Waalandile evi, “Ozu i waakatusansamusia kukonkana ni miilo ikolele itulitwabomba pa kyalo kyaatiipilue na Yawe.” 30Pa kyamba kya kuvyala Noa, Lameki waikeele pa kyalo myaka 595 ni kuvyala bange baana balalume ni banakazi. 31Lameki waafwile wali na myaka 777.
32Noa lu-aakumaniizie myaka 500, waavyele Shemu, ni Hamu, ni Yafeti.
Currently Selected:
Kutendeka 5: KBTP
Highlight
Share
Copy
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.