2 Timoteo 4
4
1 #
Asw 10:42; 1 Pet 4:5; Rom 14:9,10. Kecorak jo jokan kakonyen nuka Edeke, kakonyen da nuka Kristo Yesu loebuni airabakin ikajarak ka ikatwak da, kanuka atakanunike ka akejakanut; 2#Asw 20:20,31. kolimonok akirot, kokapakina kapak naejok, ka apak da namam ejok, kiretak, kitoron, kicor, katitiŋikin kere ka aisisianakin. 3#2 Tim 1:13; 1 Tim 4:1. Naarai ebuni apak naegirioto ituŋa aisisianakin naka aijar, ejaas kaki nuipiete, etukonokinete bonik ikesisianakinak kwape ejaar aiŋobelekec bonik, 4#1 Tim 4:7; 2 Ses 2:11. eekarete kesi ainyein aiirar abeit, epaarete mama ejaas awaragasia nutai. 5#2 Tim 2:3; Pes 4:11. Konye jo, kitikokina kakiro kere, kotitiŋikite nueroko, kiswama aswam naka ekalimonokinan loka Akiro Nukajokak, kitodolik akoniijaanakin. 6#Pil 2:17. Naarai kwana kabukokin eoŋ asubanit; adol apak naka akalosit. 7#1 Kor 9:25; 1 Tim 6:12; Pil 3:14. Aji ejie lokajokan, adau abolobol, aricit aiyuun. 8#2 Tim 2:5; Yok 1:22; 1 Pet 5:4; Apu 2:10. Amear kwana keŋadakinitai aboko naka adolit, nakainakini Ejakait, ekatubon loedolit, kapaaran kaŋin, ido mere eoŋ bon, konye kere da luaminasi atakanunike.
9 #
2 Tim 1:4. Kokukunyuun abunore mamakaŋ katipet. 10#2 Kor 8:23; Gal 2:3; Kol 4:14; Tit 1:4; Plm 1:24. Naarai kajalaki Dema, emina ikar luka tinenikwana, alot da Sesalonika; alot Keresike Galatia, ka Tito da Dalamatia. 11#Asw 12:12,25; 13:13; 15:37-39; Kol 4:10,14; Plm 1:24. Luka bon ejai keoŋ. Kodum Marako koyau; naarai ibus ŋes kamakaŋ kanuka aijaanakin. 12#Asw 20:4; Pes 6:21-22; Kol 4:7-8. Abu kejuka Tukiko Epeso. 13#Asw 20:6. Naibunio ijo, koyaunia elou loabu kenyek kaneejai Karapo ko Teroa, iitabon da, aitelekarit lukimukulen. 14#Sab 28:4; 62:12; Awa 24:12; Rom 2:6; 1 Tim 1:20; 2 Sam 3:39. Abu Alegesanda ekatatan aikomon keswamak nueroko nuipu; etacakini Ejakait ŋes kwape ejaatar akeswamisio, 15Kidara ijo da kamakeŋ, naarai abu kirebok noi akirowok. 16#2 Tim 1:15. Kaiyarika nasodit amamei yenikowaika, konye kajalakis kere. Kinyeis ŋun aimarakinio kes! 17#Sab 22:21; Dan 6:21,28; Asw 23:11; 27:23. Konye abu Ejakait kobwo kodiekaŋ, ketogogoŋ da, tetere etodolikini akiro nualimonokini, kopupete da Imo kere, kayuunio da kotoma aituk naka eŋatuny. 18Kayuuni Ejakait eoŋ kotoma kaŋiniswam kere naerono, ketajari da kiton akejakanut nakokuju. Kojai aibuses mamakeŋ ikar ka ikar. Amen.
19 #
Asw 18:2; 2 Tim 1:16-17. Kiyoga Pirisika ka Akuila, ka lukokal da loka Onesiporo. 20#Asw 19:22; 20:4; 21:29; Rom 16:23. Abu Erasito kosalak Korinto; konye abu kenyek Toropimo Mileto edeka, 21Kokukunyuun abunore eriŋa apaarasia nuka aaterot edoluno. Kiyogai Eubulo jo, Pudes da, ka Lino, ka Kulaudia, ka iinacan kere kiyogaete jo.
22Kojai Ejakait kemoyokon, Asianut kojai kayes.
Currently Selected:
2 Timoteo 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.