1 Timoteo 4
4
1 #
2 Tim 3:1; 2 Pet 3:3; Yud 1:18; 1 Yok 2:18. Konye inera Emoyo kaitebeikin ebe kotoma apakio nuepote etiakatiakaunos ice ainyein aiyuun, epupete imoyon luepaarete, ka aisisianakin naka ajokin, 2kanuka aisoswanut naka ikeŋalak, luieweio aomisiokec kemacar loesarani, 3#Age 9:3; 1 Kor 10:30,31. imikete aimany, italeete lunyaman, luabu Edeke kosub tetere ijaunete luiyuunito ka luejenete noi abeit kaimal, 4#Age 1:31; Asw 10:15. Naarai ejok ŋinibore kere yenikesubi Edeke, emamei da ibore yeneŋerio, arai ecamunio kaimal; 5naarai italaunitai kanuka akirot naka Edeke ka ailip da.
6Arai isiituni iinacan akiro ŋun iraun ekejaanakinan loejok loka Kristo Yesu, kitanete jo akiro nuka aiyuun, ka aisisianakin naejok naibu kotup, 7#1 Tim 1:4; 6:20; 2 Tim 2:16,23; Tit 1:14; 3:9. Kinac awaragasia numam eraas nuka edini, nukabaŋaanut. Konye kitwasama bon kotoma ayoŋit Edeke; 8#1 Tim 6:6. naarai aitwasam akuan ejai ameda naedit, konye ayoŋit Edeke ejai ameda kakiro kere, naarai ejai aisumunet naka aijar naka tinenikwana, ka aijar da naebuni. 9#1 Tim 1:15. Namunot akirot na, ido naibusakinit ituŋa kere acamun. 10#1 Tim 2:3,4. Naarai kitaaritoi kiwuta da kanuka ŋun, naarai kimunokina Edeke lokajaran, loerai Eketaiaran loka ituŋa kere, aitelekarit loka luiyuunito.
11Kicorak akiro ŋun, kisisianak da kes, 12#Tit 2:15. Kinyek idiotuŋanan aimen atumunikon, konye korau ijo aanyunet mama ejaas luiyuunito kotoma oiner, ka ejautene, kotoma amin, kotoma aiyuun, ka asegara da. 13Aitodol neabunio, kodunyak asoman, ka aicor, ka aisisianakin da. 14#1 Tim 5:22; 2 Tim 1:6; Asw 6:6; 8:17. Sirikijal ainakinet naejai kotomakon, nakiinakinitai kanuka adwaranut ka aidokokinio akanin nuka imakio. 15Koomitenenei ŋun, kojaenena kotomakec, tetere etakani akonijokiar otuŋa kere. 16#Rom 11:14. Kocoite bon ka aisisianakinikon da; kosalak toma ŋun, naarai arai kiswama kwaŋin itajara bon, ka ŋul da lukipupete joo
Currently Selected:
1 Timoteo 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.