Matthaisioi Phrinzangpo 12
12
1De thoa Yeshu dalbi jaqa tabsaunis skyodedpin; yang khuri lzadrulbakhanunis ltoqse snyema kaṯo chate (strup nyese) za ryaḵẖs.
2Amma, pharisyapaunla do thongmana khoa zes : Ziksang, yeri lzadrulbokhanunis dalbi jaqa ba miḏodcha yodkhan lashik bed. 3Amma, khos khongunla mols : Dawid nang kho nanyambo yodkhanunis ltoqse yodtsana Ashipi nangeang jukse skalpo-e takiun zos zerbi rshmangpoa khyentes shoqbiang ltaspa meda ? 4(De takiun) kohenun tsa-a mene Dawid la yang kho nanyambo yodkhanun-la-ang za miḏodcha in min. 5Hana dalbi jaqa kohenunis sunagog (zerkhan rshmaq-dus-se-ang-nuk) dalbi jaqi rin jaqpa meden-chiang khongun budthal medkhan in zerchawa khyentes thoratiang ltaspa meda ? 6Amma, ngas khyentanga zered : Rshmaq-dus-sa-o basang chhopoek der yod. 7Amma skalpoa thadpamed dobasang snying thsigiluks la thaded zerchi tami rshkangpo khyentanga shesukpin na rshnongs med-khanunika rshnongs mikalbat. 8Chiazerbana, Mi Buthsao dalbi jaqi Ashipa in.
9Yang kho, dekana langse skyode khonguni rshmaq-dus-seang juks. 10Yang, ltosang, der laqpa skamskhan michik yodsuk; yang khongunis budthal sperchi snyad phingma khoa tris : Dalbi jaqunla nadpa noro chhachukpa doduga midod (ju)? 11Amma, khos khongunla mols : khyentiangna mi chikchiga luwaq chikchik yodna do dalbi jaqa rdzing chikchigiang hyanga yongs narek khos do thamse thene miphinga ? 12Luwaq basang mi marinthos mena ? Dephya dalbi jaqa noro ba dodcha in. 13Dekana khos de miwa mols : Khyeri laqpao rshkyong : yang khos (laqpao) rshkyangs, yang do mana noro songse e laqpao natsoḵẖs rdese songmin.
14Amma, Pharisyapaun phyista-a bingse khongunis kho gatsuga satuk zere grabs bas. 15Amma, Yeshua do rshtaḵẖspa songse dekana jangse skyod; yang mi mangmo khoe lza-a yongs, yang khos doun saq noro chha chuks.; 16Yang kho khorang ngonmachukshik zere dounla gochukse ols ; 17Ni, Esaias khyenkhani lches molcha songmao gangrgya chha, dyu song. 18(Molchao dyu in): Ltashik, dyu ngas rdamskhan ngi jabshi bakhanpo yang ngi snying thade yodkhan ngi rgasha songkhanpo in. Ngas ngari Semspo khoeka jaqtuk yang khos shaḵẖspo e janmi mithsirunla gochuktulc. 19Khos hana zingsha mi tang hana tang mitang yang strangbuniang khoe skadpoang go migo. 20Khos shaḵẖspo rgyal chukchuk thsaqpa chaqse thsolthsol songkhan dambuik michaq yang phethsik songkhan syari odpo mi sad. 21Yang khoe mingtaḵẖspeka mithsirunis rdyangma jaqtuk.
22Dekana, dre byarkhan jarba qud chikchik khoe shitia khyongs; yang khos do jarba qudpo tam zerkhan nang thongkhan chhacha base noro chhachuks.
23Yang mibongsun jung sngangs, yang zes : Dyu Dawidi Buthsao ina ? 24Amma, Pharisyapaunis do goana zes : Di miyus dreuni gowa Beelzebuli snyedika mene dreun phingma med. 25Amma, Yeshua khonguni sambaun shese khongunla mols : Ga rgyastridchigiang khontang chikchigi bariang khrul langsna de yulpo thangstong gyurcha in. Yang ga rgyalsa chik hana khangma chigiang khontang chikchigi bariang khrul langsna do rshtanpo milus. 26Yang taqdir nganpaos nganpao phingse tangedna khorang khoranga nang khrul songldian in; ni, khoe rgyastridpo gatsuga rshtanpo duktuk ? 27Yang taqdir ngas Beelzebuli snyedika droun nhingedna, khyonti buthsaunls sui snyedika phinged ? Dephya khongun khyonti shaḵẖs phekhan chhok. 28Amma, taqdir ngas Ashipi Semsi snyedika dreun phingedna, ni Ashipi rgyastridpo khyenti der hlebsed. 29Hana, ngadchani khangmeang jukse snanla der ngadclianpo chingse mene khoe thsongun heṯi ba sua gatsuga nyaned ? Ngadchanpo chingsena khoe khangmawa heṯia tangnuk. 30Nga nadrese medkhanpo nga na michikkhan in. Yang nga nadrosc misaqkhanpos yane chhachuged. 31Dephya ngas khyentanga zorod, mana ga nyespeka nang rshmunmoeka miunla skyonzod na chhok, amma, Rtsangma Semspoe luksiang tabskhan rslmiunmoa miunla skyonzod michha. 32Yang gasus Mî Buthsi luksiang khoni tam chik zesna khoa skyonzod na chhok; amma, gasus Rtsaangma Semspoe luksiang khoni tam (kaṯo) zesna hana di namzeang hana yongcha yodchan namzoang khoa skyonzod michha. 33Hana staqjiyu rgyala yang khoe phaluang rgyala sheshik; hana staqjiyu rtsoqpo yang khoe plialuang rtsoqpo sheshik. Chiazerbana phaluika staqjiyu ngozin chhed. 34Wahunik naqpo zbrulla skyeskhanun, khyentang rtsoqpo yodpana rgyala tam zerba khyontanga gatsuga nyaned ? Chiazerbana snyingpeang gangso yodkhanpos chale boed. 35Rgyala miyus rangi (snyinpoe) rgyala soriangna rgyala chithongun phingse khyongod yang rtsoqpo miyus rtsoqpo seriangna rtsoqpo chithongun phingse khyonged. 36Amma ngas khyentanga zered, miunis zerkhan rshkangmed tamun saqi rtsispo shakhs be jaqa tangcba in. 37Chiazerbana khyori tamunika khyerang khadrangi rtsiseang tangcha chhok yang khyeri tanunika khyerang chadpa phoqkhap chhok.
38Dekana, chhos zbrikhanun nang Pharisiapauniangna khachigis khoa tamlaniang zored : Kasa ltsabkhan, yeri shitiana ngacha rshtaḵẖsnek thongma thadukpa (ju)! 39Amma, khos khongunla tamlaniang mols : Rtsoqpo nang Loli balthan mithsir chigis rshtaḵẖsna tsalod yang Yonasi khyenkhani rshtaḵẖsnao mene doa yang rshtaḵẖsnek stancha michha. 40Chiazerbana thsan sum nyin sum Yonas nyahangi Ltoeang dukpa natsoḵẖspo Mi buthsiawang thsan sum nyin sum se ltoeang dukcha in. 41Niniwapa naso sminkhan miunis shaḵẖs be jaqa di mithsirpo nadrese sone langse khongunika chhadpa phoqehuktuk, chiazerbana, khongunis Yonasi ngonchukchasika gyodluks bas. Yang misto; Yonas basang chhopoek dika yod. 42Hlophyoqsi (rgyastridi) rgyalmos shaḵẖs be jaqa di mithsirpo nadrose sone langse doeka chhadpa phoqohuktuk, chiazerbana, de chhochô Solomoni shangspoa nyanma miyuli jukchîkna yongs. Yangmisto; Solomon basang chhoek dika yod. 43Amma, ga thoa mi-iangna tseṯu semspo bingna de miyus skidpo tsale chhu modkhan malsaunla khoren do thoba med, 44Dekana, dos zered: ngarang phyista-a bingse yongskhan ngari khangmeang yang loqse chhok, yang hlobsena do ashi medkhan, zduse yang rchoka base yodkhan thobed. 45Dekana, kho songse, khorang basang rtsoqpo yodkhan semsngan rdun nyambo khyongse khong diang jukse duged. Yang de mi jugi (lukspo) snani (lukspo) basang thep rtsoqpo chhed. Di rtsoqpo mithsirpoangang dya natsoḵẖs chhok.
46Amma, khos mibongsunla darang s ora tangen yodtsana, ltosang : (khoe) amao nang phonoun kho na spera tangma tsalen phyista-a langse yodpin. 47Ni, chikchigis khoa jus : Kasa, Ziksang (ju)! Yori amao nang phonoun yeranga tamchilt zeruk samse phyista-a langse yod. 48Amma, khos khoranga dyu zeskhanpoa tamlaniang mols : Ngi amao su in ? Yang ngi phoncun su in ?
49Yang khos rangi lzadrulbakhanuni rolla laqpa rshkyangse mols : Ltashik, ngi amao nang phonoun(dyu-un) in. 50Chiazerbana gasus rshnamuniang yodkhan ngi Ati ranlukspo basna, kho ngi phonô nang achhe-nomô nang amao in.
Currently Selected:
Matthaisioi Phrinzangpo 12: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève