Ai Vola I Malakai Na Parofita 4
4
O koya na Kalou, ena cudruvi ira na tamata ca, 1, ka vakalougatataki ira era rerevaki koya, 2, 3. Sa vakaroti ira me vakabauta na vunau, 4, a sa tukuna na lako mai i Ilaija, kei na nona cakacaka, 5, 6.
1IA, raica, sa lako mai na siga ko ya, ena waqa me vaka na lovo; ia ko ira kece era viavialevu, kei ira yadua sa caka ca, era na vaka na vu-ni-sila: ia ena vakacaudrevi ira na siga ko ya sa lako mai, sa kaya ko Jiova ni lewe vuqa, me kakua kina ni vakalaivi vei ira na wakana se na tabana.
2Ia ena cadra mai vei kemudou sa rerevaka na yacaqu na Siga ni yalododonu, ia na veivakabulai ena kauta lako e na tabana; a dou na lako yani ka tubu cake me vaka na luve ni karavau e na loma ni bai. 3Ia dou na butuqaqi ira na tamata ca; ni ra na dravusa e ruku ni qeteqete ni yavamudou e na siga kaʼu na cakava kina na ka o qo, sa kaya ko Jiova ni lewe vuqa.
4Dou nanuma na vunau i Mosese na noqu tamata, a ya kaʼu a vakarota vua mai Orepi me nodra kecega na Isireli, io, nai lesilesi kei na lewa.
5Raica, au na talai Ilaija na parofita vei kemudou eliu, ena qai lako mai emuri na siga i Jiova e levu ka rerevaki: 6ia ena saumaka ko koya na lomadra na qase vei ira na gone, kei na lomadra na gone vei ira na nodra qase, deʼu lako mai ka yavita na vanua e na veivakarusai.
Ai tinitini ni vola ni veiyalayalati makawa.
Currently Selected:
Ai Vola I Malakai Na Parofita 4: FIJ1864
Highlight
Share
Copy
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.