Salmos 3
3
Sc'opanel Dios ta sventa sc'anel coltael
Q'ueoj yu'un David c'alal ijatov batel ta scoj ti icontrainat yu'un li xnich'on Absalone.#2 S 15.13—17.22.
1Muc'ul Dios, toj ep li boch'otic chiscontrainicune,
toj ep li boch'otic chopol chiyilicune.
2Ep li boch'otic jech chiyalbicun jc'oplale:
“Le'e mu xcoltaat yu'un li Diose”, xiic.
3Pero li vo'ote, Muc'ul Dios,
vo'ot jmac c'otemot,
jlequilal c'otemot,
vo'ot chavac'bun lec stsatsal co'nton.
4Xivocolet ta sc'anel coltael yu'un li Muc'ul Diose.
La stac'bun tal jc'op te ta ch'ul vits yu'un.
5Li vu'une jun co'nton chimochi, jun co'nton chilic,
yu'un ja' chiscoltaun stuc li Muc'ul Diose.#Sal 4.8; Pr 3.24.
6Mu xixi' yu'un li epal cristianoetic ti tsc'an chiscontrainicune.
7Muc'ul Dios, la' me;
Dios cu'un, coltaun me.
Lec'bo ta majel xocon sat li boch'o chiscontrainune;
voc'bo ta majel yeic li boch'o chopol chc'opojique.
8Muc'ul Dios, vo'ot no'ox xu' chacoltavan.
Ac'bo bendición li jteclum avu'une.
Currently Selected:
Salmos 3: TZE97
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen-GB.png&w=128&q=75)
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.