Mareko 8
8
1Ou pani ai uku a’a aruru ovara‐mai kei’inave, oro pei eria mi’inave ane, Una aivara U ai aneai Iesu laea‐elau’unave, erau voa kuruenave ane,
2A’a aruru Nai umu‐ekana, uku lare rere kaiane oro Nai kiripai pokoiane euna, oro pei eria mi’ina ane:
3Oro pei navai‐navaili?-?makina Nai ekaiviriane omo pai’iri ai, oro oia eavuliakana kapea ai: uku oro aila amai mere anenave.
4Una aivara erau voa veve’enave, Ei kekepere mako ai enei pei ekeiama‐mia?-?mau ei a’a aruru eiai?
5U erau voa veve’einave, Pu aw ekara’aru ana noro mi’ina? Oro kurunave, Pu aw 7 uakeina.
6A’a aruru papa’avai U ekinave: pu aw 7 U mi’inave, nawki‐awkanave ane, la’a vepenave, Una aivara ekunave a’a aruru paku ai aiai; pu aw la’a a’a anu paku ai oro ai’inave.
7Nava mau’u awku ailapea oro mi’inave: U nawki‐awkanave, ekinave ane nava a’a anu paku ai aiai.
8Oro na’anave, lai aukiakei’inave ane: pei kakai uakei’inave oro kekai 7 laru ai roikinave, mi‐enanave ane.
9A’a pei navaka oro 4,000 akoakei’inave: U ekaivirinave ane.
10Una aivara kiripai U mapea emoki lakenave, Dalemanuta ai anenave ane.
11Parisea a’a e’e’okanave, oro nawki‐awkamakei’inave vupu eiai kaia ai, oro ewaea?-?awkava’ane‐iai.
12Iesu i’i ovara limakei’inave, erau voa veve’einave, Uku oiana ei kiri a’a vupu vorona? Nai kurunaina kapoi, Vupu eria awkuakeiakana ei kiri a’a eiai.
13U ave’einave, mapea lakenave, Ururu iou ane mekai ke’enave.
14Aivara pu aw mi‐aneai aikavaka; mapea ai pu aw monou e oro miaka.
15U erau voa ekinave, Oivirine uku Parisea a’a, Heroda ane, uku omo opara veila ika orau parua’ane.
16Oro erau voa ekinamakei’inave, Ei voa naea uku enei pu eria mi’ina.
17Iesu inamu‐eiaka’ane oro voa ekinamakei’inave, U erau voa veve’einave, Uku oiana noro voa nakina uku noro pu eria mi’ina? Noro eai inamu‐oiapeana, ipapeana ane? Nomo lai eai pauapaua ana?
18Noro inamu mi’ina, noro inamu‐oiapeana? Noro keporo mi’ina, noro viriapeana? Noro laikora‐nakiapeana?
19Nai pu aw 5 vepeaka’?-?ane a’a aruru 5,000 eiai, pei kakai inu kekai ekara’aru ana noro ama‐roiki’e, evopoa mi‐ena’e? Oro kurunave, Kekai 12 enei mi‐enanave.
20Pu aw 7 awku a’a aruru 4,000 eiai, pei kakai inu kekai ekara’aru ana noro ama‐roiki’e? Oro kurunave, kekai 7.
21U erau voa veve’einave, Noro eai ipapeana?
22Oro Betasaida ai anenave, inamu apua a’a U ai arekavakei’inave, Iesu inamu‐apua a’a nekeai oro nawki‐awkanave.
23Inamu‐apua a’a anu eve U a’akinave, pai’iri iki ai oravaka‐elenave ane, inamu‐apua a’a anu inamu upa mere u kaunere kaiaka’ane, Una eve awku a’a upa mere aiaka’ane, U erau voa veve’enave, Ni awku inamu‐ama?-?oi’i?
24U inamu‐ekinave, erau voa kurunave ane, Nai a’a inamu‐eina oro are rokoamakina, oro iri mikirina.
25Pani mo Una eve inamu‐apua a’a anu inamu upa mere U ai’inave, a’a inamu‐ekiai U awkinave ane: una emai evere’eakei’inave, a’a kavakava ima miki u inamu‐oinave.
26Iesu ei a’a okaivirinave una marea ai, erau voa awkinave ane, pai’iri ni pa ikiriai.
27Iesu Una aivara kiripai Kaisaria Pilipi inu pai’iri pai’iri ai elenave: kapea ai Una aivara U erau voa veve’einave, A’a oiamakuru’i Nai eiai?
28Oro erau voa kurunave, A’a varomo kuruna Ni Ioane Bapatiso: a’a mo kuruna Ni Elia; a’a mo kuruna Ni laikorava kaupu a’a anu a’a monou.
29U erau voa veve’einave, A noro oiamakuru’i Nai eiai? Petero erau voa kurunave, Ni Keriso keina.
30U ekinave a’a e pa awkiai.
31Pinai pani eire U erau voa ekinave, A’a anu Mere kukunu aila miai limakina; i mai‐oro, omoro amua a’a ane, kikiria a’a ane, inaka‐awkavakeiakana, avakeiak?-?na ane, lare rere kaiane neko mere ai U moawku rokoa?-?la’avakana.
32Kurua voa U iki kurunave. Ou voa eiai Petero a’akinave, Una voa ei’inave ane.
33Iesu urukimakei’inave, Una aivara inamu‐eimakei’inave ane, U Petero onu voa ei’inave, U erau voa kurunave, Nai neko mere ai enara, Satani e, Uku ni lai a’a anu lai keina, Iehova anu lai peo.
34A’a aruru Una aivara kiripai U ai aneai U laea‐elauaka’ane, U erau voa kuruenave, A’a e’e’ikavai umuliane, una nane u inakali’inamoki, una iri keoa u uakinamoki, e’e’ikanamoki ane.
35Uku a’a kavakava una rokoa iawkavai u umuli’ina una rokoa u paukiakana; a kurua a’a una rokoa paukina Nai eiai, Iva voa eiai ane, una rokoa u iawkavakana.
36Oi kavani ana a’a miakana u pani va’au iki miane, a una imunu u paukiane?
37Oi kavani ana a’a awkuakana una imunu eiai?
38Ei eve’eve, namea kiri a’a, makirikeiakana uku Nai eiai, uku Na voa eiai ane; ou a’a eiai A’a anu Mere awku makirikeiakana, Una Mai inu evao’evao iaa aivara‐avaea kiripai U anea’ane.
Currently Selected:
Mareko 8: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.