Matiye ƏTOŊ ADDƏVƏN
ƏTOŊ ADDƏVƏN
Wən nenek na Matiye tay əpel aka wən nenek na Yesu yi Məzukõh məs Maŋgəlva aynan man nawkiya, dəndəni Maŋgəlva aknahan an aynan man naɗɗa viyit ɗiy nan addəv Alabara Məzvani. Alabara meleketen van viyit mə Yudeɗ məs məwa Yesu a walaŋti gəm asan a walaŋgit kaka' ɓa, ya tay vi ənziya egge pakə.
Matiye na, məzaɓani təstəsə. Atəŋgək də uwa na Yesu, arbanək va arah baptem gəm va mərakani, siske agəm wəza nan narban əpel na Maŋgəlva, əyak məs ayeget ɗiyi, gəm əmbəlgit ɗiy a Galile. Sə dərɓaga aska, wən nenek arbanək əssa na Yesu a Galile na Yerusalem gəm ərba na Yesu addəv lumu taka na dirɓe, sapgən aza əkkpa' nan aka məzliwrihe gəm əsilye nan səka əmta.
Alabara Meleketen van tay ərban Yesu va Mərbəwən metiŋgini, tay də gagdak nawboton mahenziŋ na Maŋgəlva, gəm tay əpsa əyak aka məlĩ na Maŋgəlva. An metiŋgin səddəv ərba nan na, ndəni əsap net wənɗe temtem sle' a təki taka: (1) Ərban əpel na Maŋgəlva aka Mossorgo metiŋ, awəl sənək wən na əssa na magu ɗəfa, wəza, ərəh gəm an naɗɗa aket ɗiy nawtoŋgoŋ addəv məlĩ na Maŋgəlva abe (Duɗak 5-7); (2) Əyak sit maslənɗe kəlaw kiyit sula addəv wəza neti (Duɗak 10); (3) wən məkkpaŋga aka məlĩ na Maŋgəlva (Duɗak 13); (4) əyak aka an tivenanziya aŋgəl ənaha (Duɗak 18); (5) əyak aka əggrak na dəlva gəm əzza na məlĩ na Maŋgəlva (Duɗak 24-25).
Va muɗakani
Mahəlfa gəm uwa na Yesu (1:1—2:23)
Wəza na Yohanna məgəɗ Baptem (3:1-12)
Baptem gəm ərak na Yesu (3:13—4:11)
Wəza na Yesu a waleŋgit ɗiy a Galile (4:12—18:35)
Sə Galile a Yerusalem (19:1—20:34)
Lumu taka məs dətoŋ addəv Yerusalem gəm go'o dəndəni (21:1—27:66)
Əsilye səka əmta gəm ərba na Daya (28:1-20)
Currently Selected:
Matiye ƏTOŊ ADDƏVƏN: GB
Highlight
Share
Copy
Want to have your highlights saved across all your devices? Sign up or sign in
All right reserved