Malakiya 1
1
Mambrayɗe net mə Israyelɗe
(1:1—2:16)
1Ətawwəna, əpel na Yawe sən Israyel də ma Malakiya.
Yawe tay əwel Israyel
2 #
ROM 9:13
#
ISA 34:5-17; 63:1-6; YER 49:7-22; EZE 25:12-14; 35:1-15; AMO 1:11,12; OBA 1:1-14 Yawe amna, nəŋglukumko, ya mənokum wənahaŋ na: «mbarmbar kəŋgluwəm di?» Esaw məlmən Yakob yi ɓa sa? Yawe aɗiyman na, Yakob nəŋgələ 3ya nəzelik Esaw. Nəreygitik mossorgoɗe gugriɗe nani gəm nəppanək dələv nawray van sit wawayɗe na kapta muyã. 4Edom anah na: «Məɓzlumi, ya wamisilgin wəɓzla namə,» an Yawe Məzuɓappak anah yaŋka, net dərkanəni! Ya nawa wanəɓzluwa. Kayeti na dələv na daraw gəm ɗiy en Yawe adawda gədəv aket faɗə. 5Horokum wawla ya nokum wakənahaŋ na: «Yawe metiŋgi yi aka dələv na Israyel.»
Wəgagdakan Maŋgəlva məza də tiven ɓa
6Wəyin wagagdakan afəni, məgəɗ wəza tamə daya nani. Ya, an afən wəyin nan na, ngay gagdak naw di? Ya an daya nan na, ngay əɓe' kədawɓe'eŋ suwən di? Yawe Məzuɓappak anah sukum mənokum məsdəlveŋge məzuzelenən iya nawa. Mənokum tat ənahaŋ na: «Mbarmbar məzelen iya nok di?» 7Də wəki way mərnokun aka matuya nawa. Mənokum wənahaŋ na: «Də mi mərnokok di?» Mənokum tat ənahaŋ na: «Tabəl na Yawe na zəga ɗari yi.» 8#ƏMS 15:21Ya an kəkiyaŋgək zəga mamayã daŋgar vi matuya na, as mbərayni ɓa sa? Ya an kəkiyaŋgək zəga mamayã vədal gəm məsgbəgba'a as nan mbərayni ɓa sa? Əŋga kamə apsən sən guverner nok ɗa, zən wasan nek də is sa? Watafuk də ulasahã akok sa? Yawe Məzuɓappak anahə. 9Ya kakaŋ na, kamə məzzayan makra Maŋgəlva, wawəlsahã akamə! As van səvokum adazzani. Yawe Məzuɓappak amnah, watafkum də zən nek sa? 10Naway sə walaŋkum namsan maddamba vi kədasɗaŋ offo aka matuya naw ɗar mekeleŋ ɓa di? Zu tay nek də mənokum kpak ɓa Yawe Məzuɓappak anahə. Ya nətaf na əvəl səvokum ɓa. 11Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə. 12Nokum dərəŋ na, mənokum tat əraygən də wənah na: «Tabəl na Yawe na mərnokni. Way nakan na zəga ɗari.» 13Ya mənokum wənah na: «Mula, əyan ɗəf miyi aŋ di» mənokum wəppan də wəzeleni, Yawe Məzuɓappak anahə. Mənokum wəkiyan zəga mamayã məhãlən awaniɓa vədal, awaniɓa məsgbəgba'a, mənokum əɗɗa əvəl dəndən. Yawe amna wanətaf səvokum sa? 14Əray dəsan aka ɗəf məgəɗ vurum, dəsan də zəga mizilin a gazlan nani, ndən iynama gəm əzaɓ-Maŋgəlva sən Yawe də zəga mamayã məs heslepe! Ya məlĩ matəŋgu nani, iya naw tay əki əgeslne' a weleŋgit ɗiy-ɗarə, Yawe Məzuɓappak anahə.
Currently Selected:
Malakiya 1: GB
Highlight
Share
Copy
Want to have your highlights saved across all your devices? Sign up or sign in
All right reserved